كيف اغير الشعبه ..؟؟

[سـمـرـرـر..!]

السلام .. مرحبا ياحلوين..

انا نزلت لي المواد .. وعدلت جدولي تمام.. بس في اوقات مابغاها .. عشان مافي وسيله مواصلات..

قالت لي الأستاده مافي الا انك تحذفي الماده اللي وقتها مو مناسب .. وتنزلي ماده وقتها حلو.!!

انا ماعرف هادي تسوقها والا تستعبط معايا.. كيف احدف مواد رئيسيه .. بالخطه .. ولازم ادرسها ..ماقدر اأجلها للترم الثاني .. عشان الوقت..!! اكيد في شي غلط..

والمشكله كل صحباتي اختارو استاذاتهم .. ويغيروهم ..ويغيرو اوقاتهم بدون حذف الماده.. صراحه شرحولي الطريقه بس كانت مبهمه ليا.. يعني ماعرفت اطبقها عالموقع..

اللي تعرف لاتبخل عليا.. مرا محتاجه اغير اوقات المحاضرات..

وشوكرا..~

.................................

[Princess Pato]

الحالـ لبعضهـ أنا مثلكـ وياليتـ الي عندها خبرهـ فـ ذيـ الأمور لا تبخلـ علينا...

[روعـــه]

انا زيك جات لي مواد اوقاتها مي حلوه وحذفت المواد ورجعت ضفتها من جديد بس اهم شي شوفي الشعبه اللي تبغيها لاتكون مليانه ولا يكون في تعارض بأوقاتك اويكون لها متطلب

[طيوفهـ]

وعليكم السسلام
اللي اعرفه
انو تحذفي الماده بعدها ترجعي تضيفيها وتختاري الشعبه اللي بدك
بس تــأكدي قبل ماتحذفيها فيه اماكن في الشعبه ومو مكتفيه

أتمنى اكون ساعدتك والله يسسسهل لك يارب

[عزة نفسي_تكفيني]

وعليكم السلام ورحمة الله وبركاته


انتي شوفي نفس المادهـ اللي تبيها وش شعبتهاا الثااانيه مناسب وقتهاا معااكي ومتاااحه مو مقفله

احذفي الاولى من جدولكـ واضيفي الموعد الثاني

يمكن الأستاذه فهمت ان الماده مالها غير هالشعبه عشان كذا جاوبت عليكي بهذا الجواب

موفقه

[Ran_1]

انا حذفت ماده علشان اغير وقتها وتاكدت من الشعبه اللي ابغاها ويوم جيت اضيف مدري ايش صار ماطلعت لي ولاماده مدري وين راحت وماصار في جدولي الا6 ساعات ومادري ايش اسوي

[روح طفله 2009]

المشاركة الأصلية كتبت بواسطة ran_1 انا حذفت ماده علشان اغير وقتها وتاكدت من الشعبه اللي ابغاها ويوم جيت اضيف مدري ايش صار ماطلعت لي ولاماده مدري وين راحت وماصار في جدولي الا6 ساعات ومادري ايش اسوي

اكيد بنت اضافت الماده وقت ماحذفتيها وراحت عليك
المفروض ماتحذفون وانتوا شايفين تقريبا الشعب فل

[Ran_1]

الشعب فاضيه بس مقفلن الاضافه ماقدر اضيف وماقدر اغير شي بس اقدر احذف والاضافه موقفه مدري اشفيه

[سـمـرـرـر..!]

يعطيكم العافيه حبيباتي .. بس انا سمعت كلام الأستاده وحذفت ماده .. عشان اضيفها مرا تانيه بوقت مناسب .. بس برضو طلعت لي نفس الوقت اللي كان موجود.. فرجعتها بوقتها القديم.. نفس الوقت متاح..
والشي التاني.. صحباتي حدفو مواد عشان يضيفوها نفسها بوقت تاني وصار معاهم زي (روح طفله) يعني حشرو ماقدرو يرجعوها..

بس انا كلمت الأستاده عشان تسويلي من نفسها .. عشان لايصير لخبطه.. بس شكلو الشعب فل .. الموشكله طلعو كل استاداتي كتله عقد.. ماعرف كيف رح استحملهم.. الله يعين شكل السنه دي رح تكون نفسيه هههه..

ولا ازيدكم كمان.. جدولي حيفضل زي ماخلقو ربي .. او زي ماهما اختارو(وكأنو على كيفهم يقررو)..!!

والشي الضريف لكم ومش ضريف ليا.. انو كونت اغير حوسه الجدول مو عشان وقتها مو حلو.. لا بس عشان بابا مايسجلني في نقل (باص) بس انتهت كل امالي يوم شوفت ابتسامه النصر على محياه... هههه

يارب فرجها عليا..

وعلى فكرا البنات الحلوين اللي رديتو عليا..احلى شي تراجعو القسم يعدلولكم .. سووو نفسكم هبل.. يعني سوقوها.. تصنعو الجهل.. يمكن يحنو ويعدلولكم.. اهم شي تروحي لأستاده شابكه معاها..هههه اقصد تعرفك ومتمصلحه معاها من قبل.. انا بصراحه فاتني هدا كلو .. لانو مافي امل .. راحت الشعب..