خذها عهد مني ولو هالزمن طال ... ما انسى رفيق معتني بالرفاقة

[Al-general]

العين تعسف دمعها دون خيال
والهرج يعجز عن كلام اللباقة

هات الدلال وبهر القلب فنجال
واشرب معي ياصاح هيل الصداقة

كان الغياب اللي كسر خوتك طال
وش حيلة اللي غاب عنه اشتياقه

تعال وانظر كيف دونت تمثال
من جرحي اللي قابلاً للاعاقة

كم من صديقٍ يزعله قيل او قال
وكم من رفيقٍ جاهلٍ للرفاقة

وكم من عزيز صف مع صف الانذال
وكم من سهم صوبي جهز لانطلاقه

ما ارتحت مع عم ولا ارتحت مع خال
ولا ارتحت مع قلب رفضت اعتناقه

الا انت ياسيد المغاوير الابطال
حتى بمرك شفت حلو الصداقة

لو المحبة تنشرى بجاه او مال
رصدت لك مليون طاقة وطاقة

انت الورود الزاكية ريحها جال
لا والله الا انت ياصاح باقة

ان قلت لك قول تعاكسه الافعال
اعرف ترى قلبي قبلت احتراقه

خذها عهد مني ولو هالزمن طال
ما انسى رفيق معتني بالرفاقة



صح لسانك والله ........

هذي جاتني رسالة من واحد يعز علي كثييييييير ..
اتمنى اعجبتكم ..

[عباطة]

أعجبتني بقوة

ياأخي أحس قريحتي الشعرية تاكلني

تنصحني أقتحم القسم ذا ولا يشوتوني برا

[northstar]

ما ارتحت مع عم ولا ارتحت مع خال
ولا ارتحت مع قلب رفضت اعتناقه

الا انت ياسيد المغاوير الابطال
حتى بمرك شفت حلو الصداقة


سلمت يمناك

[مجرد شخص]

بصراحه قصيده روعه تسلم يدك

تحياتي اليك ولا تحرمنا من كذا اشعار ...