اشكوى الله من ظلم الجامعة

[بنت مكة]

بسم الله الرحمن الرحيم
الله المستعان من ذي الجامعة والله اني اتبهذللت معاهم كل ما في الموضوع اني اعتذرت الترم الماضي بسبب ظروف صحية وسددت الرسوم من غبائي واللي حصل انهم حطيني دي ان وطالب غير مسدد ونزل معدلي المهم رحت وجيت ورحت من مكتب لمكتب وياقلبي لا تحزن كل مين ارسلني مكان ،اخر شئ قالو لازم تقرير ورحت جبت تقرير قالو لا ما ينفع لازم عربي روحي ترجمي واختمي عليه رحت عند كل المترجمين قالو انها مصطلحات طبية صعب ترجمتها رجعت الجامعة ابغى حل قالو ما في غير انك تدفعي تاني فلوس عشان ينزل الجدول شوفتو بالله كيف والله اني تعبت حتى جبتلهم تقرير في النهايه ايقولولي ماندري اذا فلوسك تترحل ولا لاء انتي ادعي والله انا نفسي ادعي عليهم كأني عم اسرق الفلوس حسبي الله ونعم الوكيل عليهم والله منتهى الظلم ماني عارفه كيف التصرف اذا احد يعرف يقولي اش الحل.

[لماذا اسلم للبحر امري؟]

حاولي ترسلي لايميل الاخ مشاط اذا عندك او اطلبيه من اعضاء المنتدى

ثاني شئ ارسلي معامله الكترونيه من صفحتك


ثالث شي روحي للعميده نفسها

وبالتوفيق

[بنت مكة]

والله عزيزتي ارسلت معملات لحد ما يدي وجعتني وايملات بس المشاط ما عندي ايميله اذا في احد يعرف الحقني بي شاكرا لكي عزيزتي

[nmon]

اختي موضوعك سهل اذا كان المشكل في ترجمة التقرير

اكيد ما احد رح يترجملك تقرير طبي غير المستشفى الي اخذتيه منه

انا حصلت معي مثل قصتك بس مو في الجامعه في مكان ثني

ورجعت للمستشفي وترجم لي التقرير يعني نفسو بس عربي

انصحك ارجعي لنفس المستشفي
تحياتي لك وربي يحل مشاكلنا جميعا
ويسهل امور كل المسلمين

[طالبة جامعيـة]

يؤيؤ

الله يعينك ياارب

عن جد انعدمت الإنسانيه عندهم

اتفضلي هذا إيميل العميد مشآط

asmashat@kau.edu.sa

أكتبي العنوان عآآآجل شي ضروري

عشآن يرد عليك

[مس ارنوبه..]

حبيبتي للاسف رح تضطري تدفعي جديد نفس الي حصل معاك حصل معايا وبعد مرمطه رجعت سددت غصب عني رغم اني سدد عن الترم الي اعتذرت منو بس بعد ماسددت اضطريت ااجل عشان صارلي ظرف وفاه مفاجأ وسافرت على وجهي وبعدين ماراعو ظروفي واجبروني اسدد من جديد ااااااااااااااااه معاناه معاناه ان شاءالله مايروح اجرنا ونعتبر مجاهدين ههههههههههههههههههه

[بنت مكة]

المشكلة اختي مو في الترجمة المشكله انهم حسسوني اني بشحت منهم واني ارتكبت جريمة بسبب الاعتذار وان الفلوس ماراح ترجع الله المستعان.
شكرا حبيبتي طالبة جامعية ما قصرتي

[بنت مكة]

مس ارنوبة من جد طيب لما اعتذرتي بان معاكي في الاوديس ولا والله الوحد صار يشك في نفسه انا يقوليلي مستحيل انتي ما اعتذرتي وانا متأكده اني اعتذرت والله بهدلوني حسبي الله عليهم ، الله يعيننا يختي على مابلنا المهم عندي معدلي مرررررر نزل .

[أم صلوحي]

أختي انتي لمن اعتذرتي عن الترم كيف؟؟؟ لأنو أنا قبل سنة سويت أعتذار عن ترم وكنت مسددة الرسوم وعلى طول الترم الي بعدوا الفلوس راحت للترم

[بنت مكة]

ام صلوحي والله اعتذرت من عند الايقونة عادي وبعدها اختفت الشعب والوقت وكان الاعتذار بعد نزول جدولي بأسبعين والله منجد سرت اشك في نفسي.