إعادة الاختبارات

[منتسب123]

السلام عليكم أرجو إفادتي على وجه السرعة انا طالبة سنة تحضيرية اخذت درجة مخسوفة في اختبار الرياضيات صراحة مادري ايش صار المهم ماعرفت اجاوب لانو اصلاً يومتها كنت مرره تعبانه المهم انا ماقدر اكمل السنة التحضيرية لو مانعاد لي هذا الاختبار لانو معناه اذا ابغى انجح اجيب في الدوري الثاني والنهائي درجات خيالية سؤلي هل يمكن اعيد الختبار وماشروط الإعادة ارجو من الاعضاء الموجدين الرد بامانه

[منتسب123]

إيش هذا أليس مرحب في أين الردود يأهل الخير

[البتول 2010]

حسب النظام انو ما في اعادة
وليش التحطيم تسحبي من الجامعة عشان اختبار دوري
شوفي عوضيها بالاختبارات الجاية وبالمواد الباقية

[xx_NaNo_xx]

مادري اللي اعرفه مافي ابدآ إعـآدهـ

بس من جد ليه التحطيم !! عووضيها في الجآي ترآ الرياضيات مرآ ممتعه بس اعطيها حقها
وربـي يوقف معآكـ ..

[حياة الوورد]

اللي سمعته ماافي اعاده مو مثل ايام الثانوي الله يرحم ايامنا بس وبعدين مو انك تسحبي عشان اختبار دوري لسا في اختبارات ومواد راح تساعدك بهالشي بالتووفيق

[قطعه مقطعه]

صح كلاام الاخواات لاتتحطمي وشدي حيلك في الاختبارات الجاايه وان شاء الله تجيبي درجه ترضيك وانصحك لاتسحبي عشان لاتندمي بعدين

[اخــيــلــيــس]

حسب خبرتي انه فيه اعاده

فقط لاختبارات الدوريه وهذا الشئ اكيد فيه اعاده

بس هنا السؤال من فين تجيبي عذر مشان يعيدوه لكي

لان ما راح يعيدوه الا بعذر وشغلات شوي متعبه

بس مثل ماقالو الاخوات بااقي فرص كثيره

وانتي باقي في اختبار الدوري الاول

وان شاء الله تعويضيها في المرات الجايه

بس اهم شئ انك اخذتي درس وما تكرريها

وتقولي تعبانه زهقانه لازم المذاكر

وان شاء الله قدرت افيدك

بالتوفيق ياارب

[آميــ,,,رةسهــ,,رانهـــ,]

اللي اعرفه انه مافي اعادة ,, وحدة اعرفها غابت وجابت عذر وكانت تعبانه حيل وربي رفضوا يختبروها
وقالولها نقدرلك الدرجة اللي تستحقيها ,, تخيلي حطولها درجة من عندهم بس نجحت ..
شدي حيلك بالرياضيات الدوري التاني وجيبي الفل مارك ويااارب تجتاازيها مافي شي صعب بالهكون
ذاكري اول بأول ,, مافهمتي روحي مدرسة خصوصية ,, سوي المستحيل عشان تنجحي ,,
بالتوفــــــــــــــــــــــــــــــــــــــــــــ ــــــيق ياااارب

[منتسب123]

شكراًصحيح ماني داريه إيش اسوي لكن بعض ما قريت بعض الردود وكان مجملها يقول بالحرف الواحد انوه مافيه إعادة قلت ممكن خيره على كل حال شكرا لرفعك لمعنوياتي

[منتسب123]

على كل حال شكراً على الردود الجميلة ناس رفعوا معنوياتي وناس حطموني لانه ماحد فاهم احساسي انا اول مره ادخل اجواء اختبارت جامعية إذا سألنا كيف الاختبار قالوا اختياري يابنات . (طيب عارفين يابنات الحلال إنها اختياري لكن على ايه يعتمد )يربي الكل حاطمني في هذا النظام الظالم ليه مافيه فرص والله حرام لازم اسوي المستحيل عشان اوصل للهدف توي في بداية الطريق