بكرة اختباري وابغاكم تريوحني ...

حطام أنثى · #1 24-01-2011, 07:34 PM

السلام عليكم ورحمة الله وبركاته..

انا اخذت دا الترم ماده (بحوث العمليات) مع د.محمد الادريسي..

والله يسامحه كلمناه اليوم الصبح قال اختباركم بس حيحتوي على 5 اسئلة مقالية فقط والـ50 درجة حتتقسم عليها وبس .. مافي اي سؤال موضوعي ..

استفساري: لو مارحت بكرة الاختبار زي ماقررت لان اغلب المنهج مو فاهمته ايش حينزل درجتي ؟؟ وهل يأثر على معدلي؟؟ لان معدلي منخفظ ونزلت مادتين دي الترم درجاتها رفعت معدلي وخلته حلو لو اختبرت في دي الماده وجبت f مررة مو فصالحي حينزل اكثر من اول كاني ماتعبت ورفعته بسبب الاربع المواد الي جنب البحوث اللي هي الماده الخامسه .. اتمنى تفيدوني وتقولي لي لو مادخلت الاختبار هل حيقعد معدلي زي ماهو ولا ايش حيكون وضعي؟؟؟

ااااسف على التطويل بس مررة قلبي محروق ومو مطمنه ..

ليل التجافي · 24-01-2011, 07:39 PM

هلا بك اختي ..
بالحاله ذي انصحك بـ (dn) غياب بعذر والله يعينك جيبي لك عذر ويكون لك اختبار بديل يتحدد بعدين يكون عندك وقت تذاكرين أحسن من ابو جلمبو وقانا الله واياكم منه ..
بالتوفيق .. اخوكـ

حطام أنثى · 24-01-2011, 07:57 PM

طيب بسألكم .. اختبار البحوث دايما كيف يجي ؟؟ بس مقالي ؟؟ ولا فيه اسئلة موضوعيه ؟؟؟

ليل التجافي · 24-01-2011, 08:19 PM

أختي عند الإدريسي كله مقالي مافيه موضوعي مره...

حطام أنثى · 24-01-2011, 08:22 PM

اهااااااااااااااا يعني هو دايما كدا .. الله يسامحه بس .. مررة ضيق خلقي على اخر ماده .. شكرا ياأخوي على التفاعل معي ..

حطام أنثى · 24-01-2011, 08:23 PM

طيب ياأخوي المقالي بس مسائل او كمان في مقالية غير المسائل ؟؟ ..

ليل التجافي · 24-01-2011, 08:32 PM

ايوا مسائل ..
يعطيكي معطيات وانتي تحلين وتستخرجين المطلوب من المسئله
مثلا بالبرمجه الخطيه او السمبلكس او الشبكات او التخصيص .
اي يكون الحل عملي
راح اعطيكي مثال . عن اتخاذ القرارات
شركة ترغب في استثمار وامامها (3) بدائل - ويكون هو معطيكي جدول -
والجدول التالي يوضح نتائج كل بديل تحت حالات الطبيعه المختلفه
* ألمطلوب اختيار البديل المناسب وفق الطرق التاليه
1- طريقة لابلاس
2- اقصى الاقصى
3- اقصى الادني
4- هورتز
5- الاسف والندم

هذا سؤال وتقريبا يجي بالاختبار من 4 إلى 5 اسئله
بالتوفيق

FCB · 24-01-2011, 08:52 PM

طيب الماده دي صعبة

ليل التجافي · 24-01-2011, 08:56 PM

المشاركة الأصلية كتبت بواسطة fcb

طيب الماده دي صعبة

صعبه للي ماذاكرها من بدري ولاحل تمارين بنفسه مره وثنين وثلاثه
وسهله للي جاهز لها بعضهم يعتبرها مادة لرفع المعدل
تحياتي

حطام أنثى · 24-01-2011, 09:33 PM

ماده لرفع المعدل :| << وجه مفجوع ..

لو يقطعوني ماأخذها لرفع المعدل .. يااااربي .. خلاص قررت ماأروح اختبر وحأقدم عذر واشوف الترم الجاي ايش يسير.. الله يعطيك العافيه ياأخوي ..

بكرة اختباري وابغاكم تريوحني ...

قسم الإدارة العامة