طالبات ثقافه اسلامية 4

[*روعه*]

السلام عليكم

يا طالبات اللي كان عندهم ثقافه اسلاميه 4 يوم الاربعاء وتاجل ليوم الاثنين الساعه1.30

ابغى اعرف مين راح تروح ومين راح تسحب عليهم ؟؟؟؟

ابغى اتطمن اني ما راح اروح لحالي .. لاني راح اعتمد على وضع الجو يوم الاثنين وخايفه لانها اخر ماده وانا تخرج تنصحوني ااجلها ولا لا؟؟
واذا اتاجلت متى تكون بدايه الترم الجاي ولا نهايته؟؟

[جنة الاحساس]

انا معك.. على حسب الاجواء اذا كان الجو يساعد روحي بعدين مااحد يروح قبل يومه
توكلي على ربك ورحي

[nice bosa]

انا محا اروح لاني من خارج جده و رجعت بلدي ما اظن ح ارجع جده تاني .. وبما انك تخرج يعني شوفي الأجواء ازا تسمحلك تروحي اتوكلي على ربنا و روحي .. وانا كمان بسأل نفس السؤال ازا ما حضرت دحين متى راح يكون الأختبار التاني البديل ؟؟!!!

[لولو الاموره]

انا و4 من صحباتي احتمال مانروح لا في موقع بي بي سي يقولو في امطار الاحد والاثنين فا ع حسب الظروف

[عبير الوجدان]

وعليكم السلام

انا ابغى اختبر وافتك لانها مادتين ولو اجلتها راح يكون عندي الترم الجاي 8 مواد

بس على حسب الجو اذا جات امطار ماراح اروح مني بايعة عمري عشان الجامعة

لكن اذا ماجات امطار باروح باذن الله والاختبار البديل يكون مع اختبارات نهاية الفصل القادم والله يسهلنا ويعديها على خير يارب

[جرثومة]

انا رايحه واتنين اعرفهم كمان
اطمني وروحي

لكن من اليوم للاثنين يحلها الحلال

كان في اجواء مارحت مافي اجواء حروح

[ملاك بن هاشم]

رايحه ابغى افتك واتخرج

اذا مافي شمس قوية يعني مغيمة وحذرو مابروح لكن اذا الجو صافي بروح وبتوكل على الله

[ودي أقول]

في ناس يقولون مع بداية الترم الجاي وفي ناس يقولون بنهايته

يعني من فين نتأكد متى الوقت المضبوط

[that's me]

انا رايحه ازا ربي احياني
ومع الخيل يا شقرا

[دروووب]

انا برضو عندي ماليه وبروح بـ إذن الوآحد الآحد : )