(التصميم الداخلي ) interior design

[هموووسة 2010]

بسم الله الرحمن الرحيم

والصلاة والسلام على اشرف الانبياء والمرسلين نبينا محمد وعلى اله وصحبه اجمعين

اما بعد >>> بخطب

موضوعي باختصار حبيت استفسر عن هذا التخصص فين اروح عشان اتخصصه اقصد ايت مسار المسار العلمي ولاالادبي في السنة التحضيرية ؟؟؟؟ وكم مكافأته الشهريه للي متخصص ؟؟
يعني ياريت تقولولي كل معلومة وكل فتفوتة عن دا التخصص


الرجاء التأكد قبل الاجابة عشان هذي اخر فرصة ليا
وشكررا حبايبي ...

[••Cute Girl]

::

حبيبتي لو تروحي قسم كلية الاقتصاد المنزليْ..

لأنه تابع لهم هالتخصصْ..

وتحطي استفسآرك هناك، رح يفيدونك اكثر من اللي هنآإ..

لأنه الاغلب هنا.." تحضيري " ومايعرفوا شي عن التخصصآتْ..

فـ../لو تبغي الجواب الصحيح والافادهـ الكامله نزلي موضوعك هناكً..

موفقه حبيبتي =)

ع’فكرهـ انتي معايا في نفس الشعبْ =)

،’

[هموووسة 2010]

طيب شكرا ..
بس ياريت اللي عنده اي معلومة عن التخصص دا هنا يفيدني ..

[دودو خالة لولو]

مرحبا..
اولا ,,
التخصص :في كليةالاقتصاد المنزلي..
وبالنسبة للمسار فلازم يكون مسار علمي...

كل الحب..

[حنو123]

الشيء الوحيد اللي أعرفه ان التصميم الداخلي للمسار العلمي

[هموووسة 2010]

مشكورين حبيباتي ...

اي اضافة انا في الانتظار :)

[fash1]

عقبال مانتقابل هناك ياهموسة لان ميولي تصميم داخلي

[..Huda Hamad]

التصميم الداخلي..

يكون للمسار العلمي فقط..

شرط معدلك لازم يكون فوق ‏3.75‏ أو تقريبا ‏3.5..

يكون التسكين فيه كل سنه..

يعني ما تقدري تتخصصي من الترم الثاني..

وإذا تبغي هذا التخصص وإنتي تسكينك الترم الثاني ‏..‏ تتسكني بكلية الإقتصاد المنزلي وتدرسي عام والسنة إللي بعدها تتخصصي فيه..

وكل سنه رح يقبلو فيه فقط ‏30‏ طالبة..

بداية السنة يسوو إختبار وهو يكون عبارة عن رسم زوايا وغرف وأشياء زي كذا..

وحتى لو نجحو أكثر من ‏30 بس يقبلو ‏30‏ طالبة..

وأغلب الدراسة فيه إستوديوات..

يعني أشياء رسم وزي كذا..

وبس..

هذا إللي أعرفه..

أنا كنت مع صاحبتي مره رحنا قسم التصميم الداخلي بكلية العلوم وسألنا الرئيسة للقسم مدري كانت السكرتيرة وهي إللي جاوبت علينا كذا..

بالتوفيق يا رب..

..‏^‏.‏~‏..

[طموح البنفسج]

أنا كمان أتمني هذا القسم هو تابع لكلية التصاميم والفنون مو الاقتصاد المنزلي
هذا اللي نزل في الكتاب الارشادي للتسكين السنة هذي
ان شاء الله اكون أفدتك

[..Huda Hamad]

‏^‏‏^‏

يا قلبي ما فيه كلية إسمها التصاميم والفنون..

إسمها الإقتصاد المنزلي..

لأنو حتى الفنون من أقسام الإقتصاد المنزلي..

والتصميم الداخلي من أقسام كلية الإقتصاد المنزلي كمان..

وأنا متأكدة لأني رحت بنفسي كلية الإقتصاد المنزلي..

وسألت في قسم التصميم الداخلي..

هذا إذا تبغي إللي بالسليمانية..

بس فيه بفرع الرحاب ‏..‏ هي إللي إسمها الفنون ‏‏<‏‏~هذا بالنسبة لقسم الفنون مو قسم التصميم الداخلي..

بس الفنون والتصميم الداخلي بالسليمانية كلها بكلية الإقتصاد المنزلي..

ربي يكتب لكم الخير بالتخصص يا رب..

..‏^‏.‏~‏..