الترم الصيفي وما ادراك ما الصيفي؟؟!

[نارسيسو رودريغو]

حبيت اسأل بأختصار هل يوجد ترم صيفي للبنوتات قسم الاعلام؟؟
وهل الصيف اللي فات كان في صيفي؟؟
ولاي مستويات كلها.... ؟؟ ولا بس للمستويات الاخيره
لان على اساس الصيفي بنزل جدولي يااااااااارب ما اتحطم واحد يقول لا مافي يااااارب في هذ السنة

[wan]

ايوا كان في صيفي و كانت مواد المستويات الاخيره

صحافه الكترونيه
نشر مكتبي
مشروع التخرج
نظم معلومات صحفيه
تدريب ١
تدريب ٢


و طبعاً المواد العامه ( ثقافه ٣ + ٤ )
و مواد حره زي انا اخذت وقتها مؤسسات معلومات .

وبس .

بالنسبه للصيفي الجاي كلمنا دكتوره حنان اشي قالت لو الجامعه فتحت صيفي اكيد حنفتح .
و لمن كلمنا الدكتورات اغلبهم مسافرين مصر ، و كلمنا دكتور احمد قال انا ما ابغاكم في الصيف هههه
<< معايا بكي

بس حنحارب الين ما ينزلولنا

و جمعي صحباتك اللي يبغو و اكتبو ورقه و اطلبو عند السكرتيره
لان السنه اللي فاتت زي كذا كان في ورقه عند السكرتيره و كل البنات اللي يبغو يجو و يحطو ارقامهم و المواد اللي يبغوها .


لا تيأسو .. انشبو في القسم ، حاربو معانا عشان الصيفي ههه

[نارسيسو رودريغو]

يااااااااارب إن شاء الله يفتحوا صيفي عندي امل كبير بالله انهم ينزلوا صيفي لو بالقوة

بس حرررررام كذا بس التخرج ؟؟ حتى احنا محتاجين نخرج وكله سببه الاستاذات كلهم من برى فيضطرون يسافرون
احنا مالنا ذنب يايجيبون استاذات اكثر من كذا ولا بنتضارب معاهم ههههههههههه
لا جد والله يبغالنا نكلمهم من بدريييييييييي

[wan]

و هذا اللي مخططين عليه .. خطابات و رسايل من بدري
لـ اسامه الطيب و دكاترة القسم .
و لعلمك لمن قلنا للعميده د.هناء النعيم قالتلنا روحو ادرسو الصيفي في ام القرى < احبطتنا
مو كلنا نقدر ... و قالت لان ممكن في الجامعه يكون اصلاحات < كل سنه نفس الكلام
فـ ان شاءالله بنحارب عشان الصيفي .

تابعو عند السكرتيره كل فتره ... لا اوصيكم :)
و راسلو د.اسامه الطيب .

و ان شاءالله يكون في .

[نارسيسو رودريغو]

انا معاك فاللي قلتيه
اذا الرسايل بتنفع فيهم والخطابات من ذحين بجمع عصابه خخخخخخخخخ امزح بجمع صاحباتي ونرسل حتى يستسلمون
وانتي جمعي صاحباتك لنفس الشي يااااااارب يفتحوا

[فرح معتز]

لا اعتقد انو حيكون في صيفي السنه , علشان الاحداث والمظاهرات اللي في مصر , فحيطروا انهم يجلسو هنا الدكاتره