طي قيد بسبب الرسوب؟؟هل من أمل؟

[دكتوره طموحه]

مرحبا

اخويا في كلية الهندسة (إنتاج) اتقفل موقعه (الاودس) قبل سنتين واعطوه (طي قيد بسبب الإنقطاع)
و قدم اعذاره للعماده ثم فتح الموقع واكمل الدراسه.

والسنه الماضيه برضو عملوله (طي قيد لغيابه المتكرر) وراجع العماده وقدم اعذاره ووقعوه على تعهد واعطوه تمديد ( ترم واحد فقط ) وهواالترم الأول من هذه السنه
واعطوه (طي قيد بعد تمديد فتره)

سؤالي: هل هناك أمل لإستكمال الدراسه وإعطاءه فرصه اخرى؟؟
وهل هناك حاله مشابهه لحالته تفيدنا ما الحل؟؟

للعلم هوا باقيله ع التخرج سنه ونص + المشروع فقط

[E.xavi]

اعوذ بالله خلاص مو باقي الا سنة ونص حرام يضيع تعب 3 سنوات ونص

دام فيها تعهد ما يجيبها الا واسطة واعذار مرضية من مستشفيات

ما يرده الا وااااااااااسطة ولا بيضيع تعب اخوك

واضغطو عليه لين يغلق الباقي اذا الله اراد ورجع

الله يهدي الجميع لما يحبه ويرضاه

احترامي ~

[gentle man]

اهلين اختي العزيزة اول شي ما يفنع انو انتو تجرو وراه

لانو ممكن ترجع تجيلو فرصة ويضيعها هوا نفسو مو عارف ايش يبغى

سنة ونص عبارة غير مفهومة كم عدد الساعات الي باقياالو
ان كانت 50فأقل اقلك ممكن نقول سنة ونص اكتر من كدا مهي سنة ونص

نرجع لموضوعنا انا ااعرف واحد ساب الدراسة وجالو فصل تقريبا نفس الحالة

صدقيني اختي العزيزية لو هوا ما من نفسو ما حس محا ينفع

الثالثة ثابتة ما اابى احطمك بس هادي الحقيقة اقعدي معاه اكيد عندو اسباب حاولي اول شي معاه انكم تحلو الاسباب بعد اخطو الخطوة الثانية اي كا مثال صاحبي الي اقلك اعرفوا كانت مشكلته البنات الحمد لله خطبنالو وتاب لربنا والحمد لله الان دا الترم اخر ترم له مع العلم انو عمرو تجاوز ال30 لكن في النهاية هوا عرف انه فعلا يحتاج الشي دا

لو كان بايقلو اكتر من 50 ساعة انا رأأي انو يغض النظر عن الموضوع

في دبلومات من شركة ارامكو سابك شركات كتير اعرف شخصيا اكتر من شخص التحقوا بها والان مشا الله مبسوطين منهم الي بنو لنفسهم عائلة واتزوجو ومنهم الي على مشورع زوااج الدنيا ما توقف عند شي معين
كمانة يمكن قدراته ما تسمحلو اعتذر لو طولت لكن حاب اساعده
ملاحظة غياب متكرر اي يعني dn في الجدول اتوقع المعدل جدا طايح لمن اعترفت الابت فينا ك كلية الهندسة سار من شروط التخرج انو يكون المعدل اعلى من 2.75 ولا ما يخرجوا ما يدولو شهادة ؟؟ الشي هادا في حسابك؟؟

ازا تبي اديني معدلو وعدد الساعات المكتسبة والمسجلة واحاول ااشوف قد ايش ممكن يرفع معدلو

بالتوفيق

بالارادة والعزيمة حنقدر نهد الجبال وبدونهم محا نقدر نهد صخرة

الله يهديه روحي للناس الي يحبهم بس ناس يكونو عاقلين مو ناس زييو او ناس اصلن مهم دارين عن مستقبلهم او عن اهمية العلم..

اسف مرة تانية طولت لكن يزعلني مرة كتير ان اشوف احد كدا ضايع وجاتو فرصة يسير بني ادم ناجح

[دكتوره طموحه]

المشاركة الأصلية كتبت بواسطة e.xavi اعوذ بالله خلاص مو باقي الا سنة ونص حرام يضيع تعب 3 سنوات ونص دام فيها تعهد ما يجيبها الا واسطة واعذار مرضية من مستشفيات ما يرده الا وااااااااااسطة ولا بيضيع تعب اخوك واضغطو عليه لين يغلق الباقي اذا الله اراد ورجع الله يهدي الجميع لما يحبه ويرضاه احترامي ~

الف شكر لك اخي ماقصرت

[دكتوره طموحه]

المشاركة الأصلية كتبت بواسطة gentle man اهلين اختي العزيزة اول شي ما يفنع انو انتو تجرو وراه لانو ممكن ترجع تجيلو فرصة ويضيعها هوا نفسو مو عارف ايش يبغى سنة ونص عبارة غير مفهومة كم عدد الساعات الي باقياالو ان كانت 50فأقل اقلك ممكن نقول سنة ونص اكتر من كدا مهي سنة ونص نرجع لموضوعنا انا ااعرف واحد ساب الدراسة وجالو فصل تقريبا نفس الحالة صدقيني اختي العزيزية لو هوا ما من نفسو ما حس محا ينفع الثالثة ثابتة ما اابى احطمك بس هادي الحقيقة اقعدي معاه اكيد عندو اسباب حاولي اول شي معاه انكم تحلو الاسباب بعد اخطو الخطوة الثانية اي كا مثال صاحبي الي اقلك اعرفوا كانت مشكلته البنات الحمد لله خطبنالو وتاب لربنا والحمد لله الان دا الترم اخر ترم له مع العلم انو عمرو تجاوز ال30 لكن في النهاية هوا عرف انه فعلا يحتاج الشي دا لو كان بايقلو اكتر من 50 ساعة انا رأأي انو يغض النظر عن الموضوع في دبلومات من شركة ارامكو سابك شركات كتير اعرف شخصيا اكتر من شخص التحقوا بها والان مشا الله مبسوطين منهم الي بنو لنفسهم عائلة واتزوجو ومنهم الي على مشورع زوااج الدنيا ما توقف عند شي معين كمانة يمكن قدراته ما تسمحلو اعتذر لو طولت لكن حاب اساعده ملاحظة غياب متكرر اي يعني dn في الجدول اتوقع المعدل جدا طايح لمن اعترفت الابت فينا ك كلية الهندسة سار من شروط التخرج انو يكون المعدل اعلى من 2.75 ولا ما يخرجوا ما يدولو شهادة ؟؟ الشي هادا في حسابك؟؟ ازا تبي اديني معدلو وعدد الساعات المكتسبة والمسجلة واحاول ااشوف قد ايش ممكن يرفع معدلو بالتوفيق بالارادة والعزيمة حنقدر نهد الجبال وبدونهم محا نقدر نهد صخرة الله يهديه روحي للناس الي يحبهم بس ناس يكونو عاقلين مو ناس زييو او ناس اصلن مهم دارين عن مستقبلهم او عن اهمية العلم.. اسف مرة تانية طولت لكن يزعلني مرة كتير ان اشوف احد كدا ضايع وجاتو فرصة يسير بني ادم ناجح

اخي الفاضل جنتل مان

احترم ردك ورأيك وبالنسبه لأخويا فهو انسان مستقيم ولله الحمد وهو مرتبط ولديه طفل

مشكلته الحقيقيه هي اوضاعه الماديه وأنه لم يستطيع التوفيق بين الجامعه والعمل فهو موظف في قطاع

خاص ومضطر للوظيفه ..

وبصراحه ماعندي علم كم ساعه باقيتلو لأنه الموقع مو راضي يفتح معايا

[دكتوره طموحه]

رفع للأهميه !!!

[gentle man]

المشاركة الأصلية كتبت بواسطة دكتوره طموحه اخي الفاضل جنتل مان احترم ردك ورأيك وبالنسبه لأخويا فهو انسان مستقيم ولله الحمد وهو مرتبط ولديه طفل مشكلته الحقيقيه هي اوضاعه الماديه وأنه لم يستطيع التوفيق بين الجامعه والعمل فهو موظف في قطاع خاص ومضطر للوظيفه .. وبصراحه ماعندي علم كم ساعه باقيتلو لأنه الموقع مو راضي يفتح معايا

الحمد لله اول شي سبحان الله

هادي يمكن تكون خيرة اول شي

الله يحفظلو ويحفظكم اجمعين ويوفقو

ابشرك انشا الله في امل لانو احنا الشي الوحيد الي عندنا مزبوط في الجامعة انو مافيها نظام

يروح وانشا الله في امل في كتير انشا الله يساعدو اهم شي يشرح ظروفو مزبوط وحلو لمن تكون موثقة يعني صورة من كرت العائلة صورة من ايجار البيت دي الاشياء ويروح في الوكيل عبدالرحمن اليوبي والله كتير يعني انشا الله يساعدو انشا الله بعد شوية اجبلك ايميل اليوبي ورقم مكتبو لو حبيتي تكلميه او ترسليلو مسج وانشا الله يتفهم ويقدر يساعدو ويتوسط لو دا في حال لاقدر الله ما ساعدو

بالتوفيق

[دكتوره طموحه]

الف شكر لك اخي

[جون سينا]

اولا حياك اختي .. واشوف الشباب قوة ردوووووود هههههه امزح
المهم : الموضوع يبغاله واسطة فقط فقط فقط وعلى فكرة عميد الكلية تغير قبل اسبوعين اصبح الان الجنيدي مرررررررررررررره طيب ومقدر للطلاب يعني باذن الله مايصير الا كل خير ولازم اخوك يلتزم
والله يكتب الي فيه الخير

[gentle man]

المشاركة الأصلية كتبت بواسطة جون سينا على فكرة عميد الكلية تغير قبل اسبوعين اصبح الان الجنيدي مرررررررررررررره طيب ومقدر للطلاب

صح نسيت اتكلم عن دا الموضوع مع انو ما احس انو لو صلاحية بس لو يبى يقدر طبعن خخخ

يعني دحينا خلاص حيسير باب الوكيل مفتوح اخيرن ههههههههههه

سبحان الله معنو دايما كنت اشوفو يصلي الضهر معانا بس ما كان يرضى يفك بابو والسكرتير حقو وصخ يصرفك على طووول مشا الله

انشا الله يكون في خير دا الجنيدي سمعتو طيبة