تعالو شوفوا قصتي وساعدوني الله يجازيكم كل خير

[نسومة الدلوعة]

بسم الله الرحمن الرحيم
كيفكم بنات أن شاء الله تكونوا جميعا بخير وسلامة...
أنا ماشاء الله حامل وحكون في بداية الدورة في الشهر التاسع ما أدري أعتذر ولاأكمل ودي أكمل وأداوم دوام متقطع ربي يعين
شوفوا جدولي وقوللي المواد سهله ولاصعبة ومع مين أخذها
هم نزلولي هذه المواد
علم الاجتماع الحضري -علم الاجتماع الأسري - علم الاجتماع التربوي - التغير الاجتماعي -مدخل الرعاية والخدمة الاجتماعية..
أنا حذفت التربوي وحطيت بداله نصوص الاجتماعية باللغة الانجليزية مع أستاذة آمال فلمبان
وحذفت التغير عشان أغير الوقت ومالقيت الشعبة حق الساعة 6 مفتوحة
أش رأيكم أحذف المدخل وحط بداله الاقتصادي والله العظيم حايسة ساعدوني
آسفه على التطويل بس أش أسوي مالي الا الله وأنتوا ومشكورين مقدما

[نسومة الدلوعة]

مين أحسن أستاذة بتعطي نصوص أستاذة آمال ولا أستاذة ايمان

[دكتوره طموحه]

اول شي الله يسهل عليك ياارب

انا اقول مو لازم تحضري الدوره والبنات ان شاءالله يوصلولك اي شي مهم

انا لما سألت البنات حذروني من الجمع بين الحضري والاسري لأنها كلها كتابين عشان كدا احذفي وحده منهم ونزلي بدالها اي شي تاني

[نسومة الدلوعة]

مشكوره حبيبتي بس أحذف وحده وبعدين تصير الثانية سنترا طيب أش الاسهل من بينهم

[روووح معتصمــها]

شوفي ياعسل مدخل رعايه كلهم يقولو سهل مررره مرررره بس انا جبت فيه العيد
اقتصادي كمان سهل واختو مع هاله صقر
تربوي ونصوص ان شاء السمستر هذا اخذها
اما حضري واسري كتابين ودسمه شويه لكنها مو مره ذيك الصعوبه
تغير حلووو 4 فصول معااكي المنهج مو طويل مرره بس يبغالو تركيز
يعني انا اشوف تاخذي مادتين دسمه و3 موات سهله او العكس او انو تبدأي تذاكري من اللحين عشان ماتصعب عليكي بعدين الامور لانه انتٍ عارفه بين الدوره والاختبارات تقريبا اسبوعين او ثلاثه [/color]

[ميمي_غامد]

حظري انا اخذتو مع الدكتور عبدالعزيز ومرره تمام هو مصري والمااده مرره سهله بس كتابين وانا اشوف انو عادي لو اخذتيه حتى لو كتابين لانو لو جمعتيهم يصيرو كتاب والمعلومات اللي حددها معانا مرره قلييل وجبت معاه امتياز الحمدلله
والاسري صحبتي اخذتو تقوول مرره حلو وسهل
مدخل رعايه وخدمه انا المااده هاذي مرره حبيتها وسهله اخذتها مع ناديه حجازي بس جبت فيها درجه انصدمت منها مع اني مذاكرتها
ونصييحه لاتحذفي المدخل ابدا

[شموسـه]

الحـآل من بعضه بس انا بالسادس

انا انصحك تعتذررري وانتي براحتك لانو بدايه الدوره بالتاسع اجل وقت الاختبار شو حتعملي هاذا اذا ماولدتي

ربي يسهل لك

[نسومة الدلوعة]

مشكورين بنات الله يريحكم أما عن الاعتذار ماظني أعتذر بس أفكر

يعني جدولي كذا تمام :

علم الاجتماع حضري مع استاذة ايمان -علم الاجتماع الاسري لسه مافي اسم- التغيرالاجتماعي كمان مافي اسم- نصوص مع أستاذة أمال - مدخل الرعاية لسه مافيه اسم.. يعني ما أحذف مادة وأحط الاقتصادي...ومشكورين مره ثانية حبايبي
وولادتي حتكون يا شهر خمسة أو ستة مو على الاختبارات ان شاء الله بس دعواتكم لي .

[أم الغلا]

خذي الاسري أفضل مع الأستاذه ناديه حجازي
ومدخل الرعايه خذيه مع الأستاذه حنان الصومالي
التربوي يقولو حلو مع الأستاذ عبيد
النصوص خذيه مع الاستاذه أمال فلمبان
والحضري مع الأستاذه إيمان إلياس
ونصيحتي لك لاتسحبي ترم ترى لو سحبتحي راح تندمي بعدين
أنا كنت حامل وسحبت ترم وندمت إني سحبت
حتى لو تاخذي 3 مواد ولا تسحبي ترم

[نسومة الدلوعة]

المشاركة الأصلية كتبت بواسطة أم الغلا خذي الاسري أفضل مع الأستاذه ناديه حجازي ومدخل الرعايه خذيه مع الأستاذه حنان الصومالي التربوي يقولو حلو مع الأستاذ عبيد النصوص خذيه مع الاستاذه أمال فلمبان والحضري مع الأستاذه إيمان إلياس ونصيحتي لك لاتسحبي ترم ترى لو سحبتحي راح تندمي بعدين أنا كنت حامل وسحبت ترم وندمت إني سحبت حتى لو تاخذي 3 مواد ولا تسحبي ترم

مشكوره ياقلبي وربي يسعدك ان شاء الله
أنا أخذت الحضري مع الاستاذة ايمان الياس
والنصوص مع الاستاذة أمال فلمبان
والاسري والمدخل لسه مو منزلين الاسماء أنا حذفت التربوي وحطيت التغيرالاجتناعي كيف هذه المادة تمام ولا أرجع التربوي أيهما أسهل التغير ولا التربوي وحط الاقتصادي ولابلاش لاني خايفة تصير بعض المواد اللي لسه ما أخذتها من المستوى الخامس سنترا ..ردوا..