المشورة في المواد مستوى ثالث من حذف واضافة ارجو المساعدة

[غدران]

السلام عليكم ورحمة الله وبركاته

انا مستجدة مستوى ثالث وابي مشورة اهل الخبرة في المواد كيف اسوي وش المواد الي احذفها وش المواد الي اضيفها الله يوفقكم ساعدوني
المواد هي مبادىء محاسبة
تحرير كتابي
مبادىء القانون
مبادىء اقتصاد جزئي
مبادىء ادارة عامة
مبادىء العلوم السياسية
ولكم جزيل الشكر

[L O T U S]

شوفي انا مو خبره ولا شي انا مثلك مستوى ثالث لكن معتذره
لكن رأيي في مادتين اللي هم :: مبادئ المحاسبة و الإقتصاد الجزئي::
احذفي ماده منهم

بالنسبه لي راح اسوي جدولي بالمواد هذي
لأني سألت ناس اكثر خبره مني ويعرفون باالمواد احسن مني
مبادئ المحاسبه
التحرير الكتابي
القانون
اداره عامه
علوم سياسيه

[غدران]

شكرا لوتس على تفاعلك وردك وارجو ممن درس المواد ان يساعدني في المشوره جزاه الله خير من يرد علي

[تبسمـ]

احذفي مبادىء العلوم السياسية
لانه راح تكون عندك القانون والادارة العاااامة مره راااح تكون دسمة ولهااا متطلب بعدين .
اما العلووم السياسية مالها متطلب وتقدرين تاخذينها بعدين .


,,

[smary]

بقولكم راي انا الحين مستوى رابع
انا الترم اللي فات اخذت محاسبة وقانون وسياسه وعربي واداره عامه
بصراحه كان مررره حلو مع انه كان نفسي اخذ معهم ثقافه بس الشعب كانت مقفله وراي تسون مثلي
وبالتوفيق يارب

[النديم]

طيب للفائدة لكي
أختي ولغيرك من الأخوان والأخوات الكرام ....

مبادىء محاسبة
مادة محتاجة مذاكرة وفهم وهي عبارة عن تعريفات بسيطة ومسائل المادة ممكن تميل للسهولة لكن لا تبخصيها حقها..

تحرير كتابي
جدا رائعة هذه المادة وسهلة ونصيحة نصيحة إشتروا الكتاب و إعرفوا المحذوف من الموجود وبإذن الله فل مارك ..

مبادىء القانون
تحتاج إلى مذاكرة أكثر من مرة وهي أقرب للسهولة بس فيها تعريفات كثيرة لكن مرنة ...

مبادىء اقتصاد جزئي
مادة رياضية يبيلها تفتيح مخ فيها مسائل عبارة عن عرض وطلب وإرتفاع الاسعار في حالة زيادة الطلب والعكس ...

مبادىء ادارة عامة
مادة سلسة لكن أغلبها حشو وضروري تعرفي وش المقرر من المحذوف والمطلوب ...

مبادىء العلوم السياسية
جدا راقيه هذه المادة واللي ما يجيب فل مارك فيها يبيله عصااااااا وش عصا ما تنفع يبيله عجرى ..
بصدق المادة محتاجة قراية أكثر من مرة وبإذن الله راح تجيبون علامة كاملة ...

جدولك ممتاز بس إذا عندك مشكلة في المواد الحسابية أتركي الاقتصاد الجزئي للترم الجاي

لكن إستفيدوا من عدد الساعات المقررة لكم لا تقولون لا نبي نرتاح

كل ما إجتزت عدد ساعات أكثر كل ماكان أفضل ولا راح تعرفون قيمة الساعات المهدرة الإ في المراحل الأخيرة

من الجامعة يعني لو مكتوبلك حد أقصى 18 ساعة حاولوا تاخذون 18 أو 17 ساعة خذوا 17 ساعة ( للإيضاح )

تمنياتي لكم بالتوفيق والسداد ....

[Nephrology]

المشاركة الأصلية كتبت بواسطة غدران السلام عليكم ورحمة الله وبركاته انا مستجدة مستوى ثالث وابي مشورة اهل الخبرة في المواد كيف اسوي وش المواد الي احذفها وش المواد الي اضيفها الله يوفقكم ساعدوني المواد هي مبادىء محاسبة صعبة وتحتاج مذاكرة وتركيز تحرير كتابي ياسلام ،، خفيف دم وبسيط مبادىء القانون شيّقة وكثيرة ومتشابهة ومتداخلة وتحتاج تركيز مبادىء اقتصاد جزئي ما اقدر اتكلم عنها ، لأني أكرهها لله في الله ،،، مادة غثيثة وثقيلة دم وتتلف الأعصاب مبادىء ادارة عامة كثيرة وحبوبة ،، لكن تحتاج تركيز مبادىء العلوم السياسية مادة صعبة شوي وكثيرة ومتداخلة ولكم جزيل الشكر وأقترح حذف إحدى المواد (الإقتصاد الجزئي - العلوم السياسية ) ياهلا وسهلا ،،، وتقبلي مروري

واتمنى لك التوفيق والنجاح ولجميع إخواننا الطلاب والطالبات

[غدران]

اشكر النديم و نبرولوجي على ردودهم المفصلة والتي اسهمت في فهمي فهما جيدا واشكر كل من تفاعل معي وجعلها الله في ميزان حسناتكم آآآآآآآآآآآآآآآآممممممممممممممييييييييييييين

[تعبت انتظر:)]

انا راح امشي ع الخطه ووشكرا

العربي بداله عرب 101 لانو راسبه