نعم لإسقاط الرسوم الجامعية ....... ادخلوا مهم جدا

[ندى5]

السلام عليكم ورحمة الله وبركاته
أود أن اشكر أولا الأخت غالية العمر لأنها أوحت لي بالفكرة وكانت المبادرة في محاولة إيصال صوتنا إلى المسئولين
إخواني وأخواتي المنتسبين في هذه الجامعة أتمنى أن نكون يد واحدة في محاولة رفع الظلم عنا والمدافعة عن حقوقنا في بلادنا
اليوم اتصلت بالتلفزيون السعودي وعرضت عليهم أن يقوموا بعمل حلقة عن طلاب الانتساب ومعاناتهم
أولا رد علي السنترال على طول وقلت له عندي شكوى أبغى اعرضها. قال شكوى على القناة ؟
قلت لا لا على جهة معينة وودي اكلم احد المسئولين اذا قدر يسوي برنامج عنها (طبعا كنت كتحمسه وما قلت حلقه بأي برنامج قلت طوالي أبي برنامج ....>>>> واصلة الأخت )
المهم حولني على الإعداد كلمني شخص محترم جدا وكان متفهم قال وش الشكوى حقتك قلت أنا طالبة انتساب بجامعة الملك عبد العزيز بجده وأتكلم باسمي واسم كل طلاب الانتساب بالجامعة وأبي أوصل صوتنا للمسئولين ولكل من لديه ضمير حي لينصفنا
قال وش الشكوى بالضبط قلت أولا الرسوم الجامعية مرتفعة جدا جدا نطالب بإسقاطها أو على الأقل تخفيضها
قال كم الرسوم قلت له 3000 ريال خلال الترم يعني بالسنة 6000 ريال واللي بيخلص بخمس سنين يكون دافع 30000 ريال عشان يحصل على الشهادة الجامعية في الأخير يكتب بالوثيقة انتساب
قال طيب وش غيره لازم يكون في تذمر غير الرسوم عشان اقدر ارفع الموضوع للمسئولين بالقناة قلت طيب أنا بالدمام وابغاهم يعملون اختبار مناطق لطلاب التخصص لأني لما أجي اختبر بجدة اقل ما اخسر 4000 ريال من سكن ومعيشة وغيره وهذا بعد تكاليف إضافية غير الرسوم
قال وغيره ؟ قلت إحنا طلاب الانتساب ما عندنا مجالات كثيرة في التخصصات كالانتظام حاكريننا بكم تخصص فقط واللي يبي يغير تخصصه مسوين شروط تعجيزيه مثلا يقولون محد يحول للتخصص الفلاني الا لازم يكون معدله 5 والله لو إن عقولنا كمبيوتر ما نجيبها
قلت وغيره ؟ قلت انا اعتذرت الترم السابق لظروف خاصة ما كملت الترم وانا دافعة رسوم اخذوا الرسوم ولا رجعوها أو على الأقل خلوها للترم الحالي لا طبعا دفعت غيرها والرسوم السابقة بلعوها بدون حق والله لا إحنا طلاب منتظمين ومكلفين عليهم بقاعات أو مكيفات أو أي شي أنا قاعدة ببيتي ما خسرتهم شي لأي سبب اخذوا الرسوم

وقلت لهه في الأخير أنا بصراحة أحبطت مثلي مثل زملائي المنتسبين كنا نأمل في المكرمة الملكية أن تشملنا وان يحط عن كاهلنا الرسوم أو تخفظ ولاكن لم يحصل شي وشعرنا بالظلم بحيث إخواننا المنتظمين يدرسون ولهم حقوقهم ويدفع لهم مكافئات وأكرموا بصرف شهرين من مكافئاتهم ونحن مهمشين كأننا مذنبين ونعاقب وكأن ليس لنا حق على بلادنا أن تنظر في أحوالنا ومشاكلنا وان نكافئ مثل غيرنا

وأخيرا وعدني الرجل انه يعرض الموضوع على إدارة التلفزيون وان شاء الله يصير خير
اللي أبيه منكم إخواني الكرام من استطاع أن يتصل ولديه شكوى خاصة غير ما ذكرت فلا يتردد لنرفع عدد اكبر من الشكاوى لنطالب ببعض حقوقنا المهضومة

وهذا الرقم لمن اراد وأرجو من الجميع التفاعل مع الموضوع ولا يضيع حق وراءه مطالب

رقم التلفزيون السعودي 014068888

[الاسير3]

الله يعطيك العافيه
وانا بجرب حظي مع التلفزيون

[beautifulgirl]

يارب فرجك

[aammaa]

قدام

[@^@]

برااافو عليك ان شاء الله تنحل مشكلتنااا يارب

[بنت مكة]

الله المستعان

[بنت قحطان]

بالله شوفوا ذا الرابط هذا رد مستشار جامعه الملك سعود احمد التميمي بنفسه وطبعا الشي ذا شامل الجامعات كلها بدون استثناء يعني لايضحكون علينا اللي ماعندو بطاقه صراف يقووول تصرف له شيكاااااات


http://www.cksu.com/vb/showthread.php?t=277540

هذا الرابط شوفوووووووووهـ

[ملا]

الجميع يجب انا يشارك
لزم نعمل شي مو معقول كذا ....... والله تعبانا لا اعفاء عن الرسوم ولا زيادة رواتب ولا جاء شي لنا
انا موضفه بمدرسه اهليه وراتبي 1200 امانه ايش اسوي في وانا عندي مصاريفي والرسوم والمواصلات والكتب ............... استغفر الله لا حول ولا قوة الا بالله

[ندى5]

لازم كلنا نسوي شي كل واحد يشوف وش يقدر ينفعنا فيه جميعنا ربما احدنا يوفق لفعل شي للجميع
اللي يقدر يتصل وعنده اسلوب اقناع يحاول يتصل بالتلفزيون على الاقل نحرجهم امام المجتمع

[منااااااااااوي]

انا راسلت اغلب الجرايد ولا راح اارتاح حتى يوصل صوتنا