استفسار عن كلية العلوم الطبيه التطبيقيه؟؟

[الدكتور المحتار]

السلام عليكم ورحمة الله وبركاته
مممممممممممم
شباب انا طالب سنة تحضيريه
رغبتي كولها اني ادخل تخصص طبي
طبعا معدلي نوعا ما طيب جايب في الترم الاول ((4.00))

طبعا رغبتي الاولى هيا التخصص الطب
وححاول اشد حيلي الترم دا وارفع المعدل

ممممممممممم

انا ابى احط رغبة تانيه علوم طبيه تطبيقيه

بس ما اعرف شي صراحة انا ابى اتخصص اشعه ؟

بس في التسكين حاطين بس كلية العلوم الطبيه التطبيقيه مو مكتوب
لا اشعه ولا مختبرات ولا شي

ابى اعرف الية التسكين في الاشعه

بصرااحه انا ما ابى اي تخصص تاني من كلية العلوم الطبيه التطبيقيه غير اشعه

ممكن تقولولي كول شي عنه سنين الدراسة المسمى الوظيفي هل في مستقبل وظيفي
ولا حستنى كم سنة عشان اتوظف

كمان ابى اعرف المواد اللي يدرسوها وكيييف حيكون الجدول
وهل في تطبيق في المستشفى

وكمان لو اخذت بكلوريس اشعه
اييش حشتفل يعني انا اللي راح ادخل المرضى للغرفه
ولا انا اللي رااح اقرى الاشعه واكتب التقرير
وهل في كمانه في تخصص الاشعه بورد وزماله زي الطب

ولا كيييف



معليييش على اسألتي الكتير بس والله حايس وبدا التسكين

[abood mahdi]

وعليكم السلام ورحمة الله وبركاته .....اصلا اذا جاك قبول في الكلية اول يوم حا يعطوك ورقة تختار التخصص اشعه او مختبرات او علاج طبيعي اما عن التتخصص ان شاء الله شباب الاشعه محا يقصروا معاك وبالتوفيق ان شاء الله

[Amal.S.A]

لما تحط كلية العلوم الطبية التطبيقية .. وتتسكن فيها ..بيعطوك استمارة تعبي فيها رغباتك في أقسام الكلية بالترتيب ..
اللي هيّ أشعة ,علاج طبيعي ,مختبرات .. وبعدين على حسب الأماكن والمعدلات بيقبلوا ..

االأشعة .. تحضيري+3سنين + الامتياز ..
المسمى الوظيفي .. أخصائي أشعة ..
مستقبلها على قولتهم (مشرق) .. جدا جدا جدا مطلوب أخصائيين واخصائيات أشعة ..
وهذا الكلام مو عشانه قسمي .. بس أنا كم مرة قالوا لي هذا الشي مرة من دكتورة وكمان دكتور من مستشفيات مختلفة..
وفووورا تتوظف اما معيد في الجامعات أو شغل في المستشفيات ..
حاليا الدفعيتن اللي تخرجوا كلهم توظفوا ماشاءالله ..والقسم جديد انا من الدفعة الخامسة ..
وطبعا أكيد عارف انه الأطباء مرة كثيريين .. وفيه ناس متخرجة ولين دحين مو لاقيين أحد يقبلهم ..

المواد حلوة ماشي حالها ..مو صعبة ..والجدول أول سنة يكون مضغوط شوية بس بعدين بيخف مررة ..
بس صراحة عن نفسي يعني .. أستمتع بمواد الطب أكثر ..

ننزل المستشفى على خفيف مررة مررة سنة ثانية بس نتفقد القسم .. سنة ثالث يوم في الاسبوع كلينكال ..
رابع مدري كيف .. أنا لسه ثالث ..

ولما يكون معاك بكالوريس أشعة ومن خلال شغلي يوم الكلينكال أحيانا أنا أنادي المرضى وأزبط وضعهم على الجهاز وادخل البيانات وأسوي له الفحص ..
وطبعا تعرف تقرأ الأشعة بس مايحق لك تتكلم مع المريض عنها لأنو مو اختصاصنا ..
اللي يكتب التقرير ويتكلم مع المريض بخصوص أشعته هو دكتور الأشعة اللي متخرج من كلية الطب ..
بخصوص البورد والزمالة .. متوفرة على ماسمعت ..

وبس .. والله يوفقك ويختار لك اللي فيه الخير ..