مساعدة بلييييييز

[Orance]

بسم الله الرحمن الرحيم
السلام عليكم ورحمة الله وبركاته

تصدقون مالقيت بالنت ولا معلومة تفيدني كـ موظف عن التعليم عن بعد

انا موظف حكومي دوام من الساعة 8 للساعة 2 اذا هل اقدر اترس بنظام التعليم عن بعد بشكل مايتعارض مع دوامي

هل الفصول الافتراضية تقام في الفترة هذه (بين الـ8 و 2)؟

هل اقدر اجيب معدل 5 من 5 وانا موظف ؟؟

متى يبدا التسجييل للفصل الجاي؟

مشكوووورين

[doctor9]

النظام تبدا المحاضرات من بعد الساعه 3 العصر الى 8 الليل

تقريبا تجيك محاضرتين او 3 في اليوم في السنه التحضيريه وكل محاضره لاتزيد مدتها عن ساعه ونصف

اذا شديت حيلك يمديك تجيب 5/5
الله يوفقك وتجيبها

وبالنسبه للتسجيل شوف موقع الجامعه عمادة التسجيل والقبول وروح للتقويم بتحصل التواريخ

[برتني]

واضيف على رد doctor9 .. انو اذا راحت عليك محاظره ماقدرت تحظرها لايف

تقدر تسمع التسجيل والنظام ع طووول راح يسجلك حظور .. يعني ماتعتبر غياب اذا سمعت التسجيل

[! سلطـــان !]

عليكم السلام ورحمة الله وبركاته

دوامك جدا مناسب بعض الشباب قطاع خاص دوامهم الى 4 و 5 وبالتعليم عن بعد وامورهم تمام

واذا شايل هم الحضور النظام بهذا الترم يسمحلك تحضر المحاضرات المسجله ويحسب لك حضور يعني موب شرط تحضر المحاضرة مباشرة مع اني انصحك تحضرها مباشرة لان ممكن يكون عندك سؤال يصير تسأل استاذ المادة

وعموما المحاضرات بالغالب تبدا من 4 او 5 مساءا

بخصوص سؤالك الثاني لكل مجتهد نصيب اذا شديت حيلك ممكن تجيب 5/5 ليش لا

التسجيل يبدا بشهر 8 او 9 بالعام الماضي بدأ بشهر رمضان تقريبا

[Orance]

الله يبيض وجيهكم كلن بسمه

دكتور9 مليون وردة

برتني وسلطان

جزاكم الله خير وعسا ربي يوفقكم ااامين

[sealove]

الله يوفقك اخوي الشباب ما قصرو


صدقني يمديلك بس انت قول ان شاء الله