ممكن ترتبوا ليا القبول في الاقسام ؟(طالب سنة تحضيرية يحتاج مساعتدكم)

[ahmed 19]

السلام عليكم ورحمة الله وبركاته

ممكن ترتبوا ليا الاقسام في كلية الهندسة من حيث القبول مو الدراسة

يعني ايش اصعب تخصص تحتاج معدل عالي عشان انقبل فيها وزي كذا

اجيبلكم مثال :
مثلا قسم المدنية يبغا معدل 3.40
قسم الصناعية يبغا معدل 3.60
قسم الكيميائية يبغا معدل 4.20

طبعا هذي ارقام وهمية بس انا ابغا الترتيب (والمعدل المطلوب ان امكن )
ويا ريت تقولوا ليا الترتيب في امتلاء التخصصات
يعني ايش اول تخصص يسير فل وايش الي بعدو وزي كدا

وشكرا مقدما ,,

[ao0xa]

اخوي الصناعيه طالبين فوق 4
الكيميائيه 3.5
المدنيه 3

[صياد النسور]

هذه هي الترتيبات الموجودة عندنا

وبالتوفيق يالغالي

[صياد النسور]

اذا ما ظهرت الصوره هذه هي بالمرفق هنا vvv

[M7mmd]

^

يعطيك العافية أخي ماقصرت ,,

شكراً لصاحب الموضوع =)

+

المعدلات هذي طبعاً من خمسة؟ .. عشان لا افلسع :d

[خالد9921]

يعني ايش اول تخصص يسير فل وايش الي بعدو وزي كدا

اكيد العمليه حسب الإكتفاء
يعني مثلا الصناعيه طالب 30 واحد بس .. اول ما يوصلو لرقم 30 خلاص يكتفو وتكون العمليه بالمفاضله الاعلى فالاعلي ..

المعدلات هذي طبعاً من خمسة؟ .. عشان لا افلسع :d

يب يب محمد شفت كيف الحياه سهله
لا تستغرب صح الاغلبيه يدخلو الهندسه بمعدلات عاليه
بس اكيد انو ممكن فيه ناس يطيح معدلها بعد دراسة اول وثاني ترم بالكليه (: ..
وبالاخير الكل لازم يتخصص !!

[AbsolutioN]

النسب اتغيرت بشكل كبير جدا عن السنتين الماضية

اهم شيء اول سنه لك في الهندسة لزم تشد حيلك عشين المعدل لا يطيح
و تقدر تدخل القسم اللي تبغاه

و اذا لا سمح الله لم يتم قبولك
تقدر تدرس ترم في قسم اخر و بعدين تحول الى القسم اللي تبغاه

علما بأن التحويل دائما اسهل

[صياد النسور]

طيب يا شباب
شلون اعرف اكثر عن التخصصات
يعني عن ايش بالضبط بيكون التخصص والوظايف ومن هالاشياء
لان المسميات ما تدل على المحتوى
او تظن من الاسم شي ويجيك شي ثاني

[عاصم العاصم]

المشاركة الأصلية كتبت بواسطة صياد النسور طيب يا شباب شلون اعرف اكثر عن التخصصات يعني عن ايش بالضبط بيكون التخصص والوظايف ومن هالاشياء لان المسميات ما تدل على المحتوى او تظن من الاسم شي ويجيك شي ثاني

فيه مؤتمر سنويا يقام
( المؤتمر الهندسي)
يقوم على تثقيف الطلاب الشركات ومتطلباتها
عدد كبير من الشركات تشارك في هذا المؤتمر ( سابك . ارامكو ... )
يقام في الجامعة ان شاء الله الفترة القادمة
الشي الثاني ياغالي ..
روح كل قسم من الأقسام
وأسأل طلاب في القسم دكاترة القسم ماراح يقصوا معاك ياغالي

[ahmed 19]

المشاركة الأصلية كتبت بواسطة صياد النسور اذا ما ظهرت الصوره هذه هي بالمرفق هنا vvv

مشكووور اخوي صياد النسور ويعطيك الف عافية

والله طمنتني لأني انا كنت ابغا المدنية والمدنية واضح انها مررا طايحه (الحمدلله)

بس ذحين الخوف من السنة التحضيرية لاني اكتشفت قبل اسبوع انو الاحصاء داخل معانا وجايب العيد في الاحصاء الله يستر (انا ما اهتميت فيه على اساس انو مو داخل في الهندسة)

بصراحة اقولها الجامعة هذي فاشله بكل المقاييس لكن لازم ندخلها ( ما نبغا الغربة )
واعيد واكرر الله يعطيكم الف عافية