في اي مدينه انت ساكن ؟ وأين ستجرى اختباراتك .؟ وليــش

[زهراني الرياض]

السلام عليكم ورحمه الله وبركاته

اخواني الطلاب واخواتي الطالبات

انا ساكن بالرياض ومحتار ابي اختبر مره بجده ومره اقول بمعاهد العالميه جده لعده اسباب :.
1- اشوف اخوالي
2- اتعرف على جامعتي الي ماتعطينا وجهه.
3- ابدور اي مسئول ادق حنك معه ويمكن اتهاوش
4- اشوف شروط التحويل من انتساب الي انتظام وانا سمعت خبر ان الي راتبه اقل من ثلاث الالف يقدم بمعروض لعماده القبول وهم يلغون عنه الرسوم (( ابغى اتأكد ))
5- اتعرف على زملائي الطلبه من كافه المناطق

ولما اختبر بالرياض افي الا سبب واحد بس بينفعني فيه

قصر المسافه من بيتنا لمعهد العالميه

اتمني من الجميع يشاركنا برائيه انت او انتي باى منطقه تسكن ووين بتختبر ولييييش .؟

وفقكم الله

[aboziad1399]

أتمنى أن يكون في إختبار في الطائف

لكن الله يعوض علينا وعلى المسلمين في كل خير

جده إذا رحت أختبر فيها ضاعت المعلومات مع الخط رايح جاي وإذا جلست فيها وقت الإختبارات راحت فله وتماشي

[أم فارس]

اجل اللي مثلي عاطلة وبدون عمل وش تسوي بالرسوم؟

الله يكون بالعون

[منتسب متوهق]

من كل قلبي اتمناء اني اختبر في الدمام

وذلك لجل عدم التعب والظغووط

[M.r.T.a.7]

انا بجدهـ ودي اختبر بالريااض

<يالليل المشوااااار هع هع

[المايسترووو]

بختبر في الرياض بالرغم اني في احد محافظات المنطقة الشرقية ولكن عندي سكن في الرياض وبيكون اوفر من الدمام واقرب من جدة .

والله يوفق الجميع ان شا ءالله ،،

[اللولي اللولي]

السلام عليكم ورحمة الله وبركاته
اما أنا فماتفرق معاي بالرياض او بجده اهم شي النتيجة الفعلية للختبارات
وان اخترت الرياض فهناك اسباب كثيرة منها اني اكون قريب والدي ومن سكني ولن تكون هناك اي تكلفة مادية في السفر والسكن وغيرررررررررررره
اما ان كان في مدينة جده فكذلك له اسباب كثيرة منها التعرف اكثر على الجامعة وعلى الكليات والدكاترة والتعرف على زملاء جددمن مدينة جده لقربك من حدث الحدث فترة الاختبارة وقديكون البعدعن محيط الاسرة سبب في التركيزعلى مراجعة المقرارات اثناء الامتحانات والخخخخخخخخخ

[اللولي اللولي]

ابصراحة اعجبني النك نيم {{{منتسب متوهق}}}
الله يكتب لك الحظ الطيب والنجاح لنا ولك ولجميل الاخوة المسلمين في الدنياوالاخرة والله يبارك في ادارة هذا النتدى الجميل الذي دائما يطل بكل ماهو جديدومفيد
ولاتضيق صدرق يقولون اهل العرف والمعرفة طال عمركم(اذا بغيت الامريهون عدة مايكون) يعني لاتصعب الامور
وشكراااااااااااااااا
للجميع

[شذو]

والله انا بختبر بالرياض
لاني حامل وقربت ولادتي
والله يستر لا اولد وانا ما اختبرت
تروح علي المذاكره على الفاضي
لا والفلوس بعد

[abu-talal]

إخواني وأخواتي طلاباً وطالبات إنني اري أن تؤدي الإختبارات في منطقتك أفضل لعدة أسباب وهي :

أولا : الإنشغال في السفر إما في طائرة أو سيارة مع تجهيز مستلزمات السفر .

ثانيا : عدم وجود سيارة إذا كنت ذاهبا بالطائرة فيلزمك إستئجار سيارة لمدة أسبوع (بطاقة عمل - رخصة سارية المفعول )

ثالثا : عند الوصول البحث عن سكن للطلاب الذين لا يتوفر لديهم سكن وعلي أن يكون قريب من منطقة الجامعة وسوف تلاحظون الإستغلال الذي سوف يحصل من الشقق والفنادق القريبه من الجامعة .

وشكرا

رابعا : من يتوفر له سكن عن طريق أحد الأقارب أو عن طريق أحد الأصدقاء فلن يتوفر له الجو الملائم للدراسة من مجاملات وغيرها ولن يكون مكان الإقامة مناسبا من ناحية الموقع.

خامسا : عدم معرفة مكان الجامعة و المبني الذي توجد فيه قاعة الإختبار مما يضيع عليك الوقت وسوف يقوم عامل الخوف من تشتيت ذهنك .

سادسا : المبالغ المالية التي سوف تقوم بدفعها هي أضعاف مضاعفة للرسوم المطلوبة للإختبار في منطقتك .

سابعا : إختبارات المناطق لا تتوفر ( علي حسب علمي ) إلا للسنة التحضيرية فقط .

وشكـــــــــرا