مشورتكم يا أهل الخير

[ranaprin]

السلام عليكم
كيفكم مع قلق النتايج؟؟
كنت ابغى اسألكم عن رأيكم في تخصص التمريض وكيف مستقبلة وهل صحيح انو لو كملت ماستر جراحة اصير مساعدة طبيب جراح؟لانه حلمي ادخل جراحه بسس للأسف موزونتي قليلة اقل من التسعين وماتدخلني طب؟؟؟؟وارائكم في المستقبل الوظيفي؟وشكرررررررا عل الردود

[ShiQ]

اتوقع المفروض تسالي احد في التمريض يكون عندو خبره اكتر في الموضوع هنا كلنا لساعنا Noobs ممكن ناس تزود كلام وتنقص كلام
إن شاء الله انو اللي عندو علم يجاوبك

بتوفييق

[No_0ne]

التمريض مهنه حلوه ...
و من ناحيه المستقبل مافي شي بدون مستقبل حتى تخصص التاريخ بالاداب له مستقبل ...
الفارق هو الانسان نفسه بعد مشيئه الله تعالى...
صحبتي ايام الثانوي تدرسو دحين بس في كليه خاصه...مرااا تمدحه بس الحق تقول انه اصعب مما توقعت و يبالو حب يعني لا تدخلي المجال الا و انتي حاباه 100% بس انها مبسوطا فيه الحمد لله ...
و بالنسبه لموضوع الماستر انا ما فتي بدا الشي ؟؟؟
و بالتفويق للجميع ...
ونصيحا نصيحااا لا تخلو سبب دخولكم لتخصص شي غير حبه و الرغبه في دراسته و ليس لهدف مادي ...

[ranaprin]

شكرا عل الردود انا حابته وعارفه انو صعب بس حبيت اعرف مستقبلة الوظيفي

[No_0ne]

المشاركة الأصلية كتبت بواسطة ranaprin شكرا عل الردود انا حابته وعارفه انو صعب بس حبيت اعرف مستقبلة الوظيفي

مستقبل باذن الله ممتاز..
بالاضافه ما في ممرضات سعوديات كثير فا عليهم طلب ...
و رواتبه تبدا حسب ما سمعت من فوق الستا الالف و ممكن تكون اكثر ...
و بس ...
و اي سؤال حنا حاضرين :)

[ranaprin]

مشكورين على الاهتمام الله يوفقكم