وما نيل المطالب بالتمني ولكن تؤخذ الدنيا غلابا

[بسمه خجوله]

السلام عليكم ورحمه الله وبركاته ..

كيفكم شخباركم ويكف كانت الاختباارات معكم وهاا بشرو عسى النتايج تثلج الصدر


عااد ابي اقلكم قصتي وابي منكم الحل والمسااعده

اناا دخلت السنه التحضريه حلو المهم حمله 2 مادتين اللغه العربيه و.. الانقلش ..

وطبعاا كاان المعدل 1.69 المهم ومعطيني 3 انذارات المهم جيت ابي ارفعه

وادخل قسم الدراساات الاسلاميه دخلته واخترت 4 مواد اللا وهي .. علم نفس الشخصيه
.. والعقيده الاسلاميه .. وفقه العباادات .. الثقاافه الاسلاميه .. نجحت ب2 فقه العبادات جبت فيها .60 . والثقافه الاسلاميه جبت ..76

المهم وحمله . علم .. والعقيده . ويوم طلعت النتيجه مااعطوني المعدل ..

طيب ليه ماا طرحو لي المعدل ابي اعرف ارتفع المعدل ولا مثل ماا هوو

وبخصوص سالفه الترم الصيفي ماني عارفه كم الدفعيه .. ولو مادخلته وخليت المواد اللي حملتهاا الترم الجااي عاادي ماافيهاا مشكله لا ن ابصراحه الا ن ماعندي دراهم اللي تدخلني الترم الصيفي

[آمال وطموح]

انتِ من جدك اخذتي 1 في التحضيري ؟؟؟؟!!!!!!


الله يكون في عونك حبيبتي بس حابة اقولك قسم الدراسات مو لرفع المعدل !!

كان خليتيها مواد حرة على الطاير سهله عشان ترفع لك المعدل الله يصلحك :(

المهم ماعليك شدي حيلك بالأترام الجاية والله يوفقك الترم الجاي سجلي مواد سهله وحاولي تخليها مواد حرة من الأقسام اللي نفسك تدرسي فيها وحاولي تدوري المواااااااااد السهلة !!!

بالتوفيق قلبووو..

[بسمه خجوله]

مشكوره ويعطيك العافيه .. وش اسوي على المخ اللي عندي بس خليهاا على الله

طيب ممكن تفيدين وتعلمين وشنهي المواد الحره .. السهله ..

وابي اعرف ليه ما طرحوو لي المعدل

[دراسات اسلامية]

المعدل على يمينك في الاودس احسب معدلك تجريبا ثم تضغطي على التراكمي ويطلع لك

[رحال1]

مخك مافيه الا كل خير بس يبيلك همه وكل شي سهل بس الوحد هو يصعب على نفسه ، شدي حيلك وخذي المواد بدري حاولي تذاكري بالصيفيه وتكملي بداية السنة

[بسمه خجوله]

جزاكم الله الف خير ..

ابشركم طلع معدلي .. .. م فصلي 1.80.. م تراكمي .. 1.71


هل المعدل زين ولامااشي حاله وهل يطمن ولا لاء لان خااايفه من الفصل
والسبه سالفه الا نذار اخذتهاا الانذارت بسنه التحضريه

طيب ابي شوركم هالحين اخذ المواد اللي حملتهاا واضيف عليهاا مدتين

ولا وش اسوي ممكن تعطوني من خبرتكم ياالغلا

[ساكو]

ياليت اقدر افيدك ياقلبي بس ماعندي خلفيه ..
تقدرين تكلمين العماده تسألينهم 026952222

[بسمه خجوله]

[غيم تايه]

ما شاء الله اخت بسمه العنوان يخالف المضمون تماما ،، على العموم انتي الان معدلك 1,71 يعني اقل من 2

ان شاء الله راح يسمحون لك بتسجيل 12 ساعة فقط ،، وانتي طبعا ما تجاوزتي مواد المستوى الثالث كلها

راح نشوف المواد اللي اخذتيها ،، ونسجل مواد سهلة ونتعاون ان شاء الله في هالنقطه الفصل القادم حتى نرفع المعدل

ويرتفع كل الانذارات ،، لا تشيلي هم ،،، موفقه ان شاء الله ..

[عنيد بس عميد]

أول شيء لاتزعلين أنا مثلك حملت في الترم الأول مادتين في السنة التحضيرية من بينها الانجليزي 101 وفي الترم الثاني حملت ثلاث مواد ومافي مشكلة تخصصت ودرست دراسات إسلامية وحذفت ثلاثة أترام متواصلة وبعدها كملت وجبت في قسم الدراسات الإسلامية واحدة f يعني رسوب للاستاذ / رضا السنوسي حسبي الله عليه ونعم الوكيل لكن الأمر عادي أنا متوكل على الله وإن شاء الله بكمل دراستي وأنتي كذلك توكلي على ربك وشدي حيلك وأنتي مادام منتسبة حاولي تبدأين المذاكرة من بدري أول شيء تقرأين الكتب قرأة ثم تبدأين تراجعينها لين ترسخ المعلومة في ذهنك أهم شيء تكملين دراستك وخلي أملك دائماً بالله ، وأما الترم الصيفي فهو مجاني فقط للطلاب اللي يحملون مواد في السنة التحضيرية الترم المباشر بعد السنة التحضيرية اللي هو الصيفي يقدرون يأخذون فيه هالمواد أما باقي السنوات من بعدها فلابد من أجل دراسة ترم صيفي أن تدفعي مبلغ 3000 ريال حسبي الله ونعم الوكيل من أجل أن تأخذيه ، وأما بالنسبة للمواد اللي ماعديتيها بإمكانك تحملينها لين أخر سنة تدرسينها عادي لامشكلة .
أسأل الله لي ولك وللجميع التوفيق والنجاح .