أخواني أناء عديت 93 ساعة وياقي 36 ساعة

[أبومعاذ الشهراني]

هل يمدي أخذها صيفي 12 ساعة يبغى 24 يعطونيها في ترم أفيدونا الله يوفقكم

[الاسد88]

ايه اخوي يمديك تاخذ 12 ساعة صيفي وذلك بمراجعة الكلية .. وانت في البداية حاول ان تقدم طلب عن طريق معاملة الكترونية واذا ما نفعت راجع الكلية واكيد راح يتفاعلوا معك لانها بصراحة اعتقد الحل الوحيد اللي يخليك تتخرج الترم القادم ..
موفق باذن الله ..

[$$$$]

يمديك لكن اذا بالعربي منت شاطر ما انصحك ابد


يبغالها جهد قوي جدا



ربي يوفقك يابعدي

[Tamim]

ماتوقع يعطونك 12 ساعه في الصيفي الا اذا كنت خريج ، والله اعلم ...

[كيف حالك]

قدم معاملة اكترونية واذ ماردو راجعهم والله يعينك

[أبومعاذ الشهراني]

يأخوان كيف أقدم المعاملة أناء تدخلت على الأودس وحصلت تقديم معاملة لكن حصلت الموضوع وفي خيارات لكن لا يوجد في الخيارات ما يخص موضوع طلب زياده ساعات أفيدونا الله يرحم ولديكم

[saaudi]

اخوي ابو معاذ انا نفس وضعك بالضبط مخلص 94 وابي اخذ 9 ساعات بالصيفي والباقي ابي اوزعة على الترميين القادميين ......ما انصحك تضغط نفسك وبعدين وش الفايدة تتخرج ومعدلك نازل....اتمنى لك التوفيق

[شبيه الريـــح]

نصيحة أخوي نصيحة نصيحة ...


لا تضغط نفسك ولا تجهد نفسك ...


أنا سويت زيك وطحت طيحة جامدة .. أخوي تأخر شوي وترى مافي فرق بالتوقيت بين الترم الاول والثاني كلها حوالي ثلاث شهور أو أربع بس !!


إذا عندك استطاعة تاخذ ترم صيفي عشان تسهل على نفسك الترمين الجاية خذ لك أفضل بكثير ...


يعني خذ ترم صيفي 9 ساعات .. يبقى عليك 27 ساعة .. يصير تقسمها على ترمين وانت مرتاح ...


بالعكس يمكن يرتفع معدلك ...


اسمع نصيحتي والله ماأتمنى لك وللأخوان إلا كل خير نصييييييييحة ابعد عن إنك تضغط نفسك وبعدين لا سمح الله تحمل لك مادة وتندم والله لا يجعل في حياتك ندم ...



احتراماتي ...



شبيه الريـــح ...

[ابوالياس00]

الله يعينك وانا أعرف شخص معاه واسطة الصيفي الماضي وأخذ 12ساعة وكان يقول تنفع ماتضر
يعني معاك واسطة تمشي

[الاسد88]

تقدر تاخذ 12 ساعة بدون واسطات ولو تراجع الكلية ترتاح من كل هذا الكلام .