ليش يعني علمي؟؟

[.SuperGirl]

السلام عليكم ورحمه الله وبركاته

كيفكم؟ايش الاخبار؟
ادخل في الموضوع على طول

انا لمن انقبلت في الجامعة مررة احترت ايش ادخل مسار علمي ولا اداري
الحمدلله استخرت كتير

ودخلت المسار العلمي لاني ارتحتلو مو عشانو عاجبني اكتر

ولكن

دحين انا خايفة اندم على دا الاختيار
الى الآن انا ما اخترت تخصص

المشكلة مو اني ما ابا اتخصص في شي.
المشكلة اني ابا كل شي(طماعة)

يوم اصحى ابا اسير دكتورة ويوم ابا اسير محامية ويوم ابا اسير محاسبة
ويوم ابا اتخصص حاسب ويوم ابا انجليزي ويوم ابا اسباني ويوم ابا صيدلة
ويوم كيماحيوي ويوم اقتصاد...و...و..و...

مافي تخصص الا وابا ادخلو
والله شي يوجع الراس

سؤالي هوا
انتو ايش اللي خلاكم تختاروا علمي والتخصص الي تبغوه؟؟


شكرا آسفين عالاطالة

[ROoOFaNA]

بالنسبه لي انا اخترت مسار علمي
لأنه حلمي اتخصص في طب وجراحة العيون
والله عنده كل خير
وتسلمي

[miss shosho]

با’لنسبة لي لآ أطمحُ إلآ لتخصص وآ’حد فقط
وهوٍ طب أسنآ’ن أوٍ عيوٍنّ

خيآ’رٍي الثآ’ني إذ لم يكتب لي ربُ العآلمين نصيب في الطب
سيكوٍن متيريل ديزآينّ أو إنقليشش

" أدري فرٍق كبير بين الطب والديزآين لكن أنآ قلت اختيآري الثآني بيكوٍن على شي يكوٍن هوآيه لي وشي يفيدني ع الأقل وبنفس الوقت أقدر ابدع فيه "

[ملاك الكون]

آنــآ دخلت علمي
عشــآن انا علمي .. ومن يوم خيروني في الثنوي بين العملي والادبي اخترت علمي

السؤال هنا مو ليش علمي
السؤال هنا انتوو ايش تبغوو بالعلمي

لانو ايش الفايده اكرف ثلاث سنين علمي وبعدين ادخل اداري وانساني
الا في حاله وحده ... اذا انا ابغى اداره اعمال .. او اقسام ادبيه

انا دخلت علمي .. لان ميولي علميه
وابي ادخل حــآسب ... ابغى برمجه حــآسبات
كان نفسي هندسه حاسبات بس مافي هندسه بنات
وكان نفسي ادخل واتخصص قسم { النانو } بس مافي الا بالرياض واولاد بس


ربي يسهل ان شاء الله
من يوم مادخلت الجامعه كان نفسي اجيب معدل
والحين يوم جمعت درجاتي كويز 1 و2 ... جالسه افكر ان شاء الله بس اني اجيب الـ 60 واعدي الماده
ما احملها معايا ..


والله يكون بعون الجميع

[عسل جداوي]

سؤال جدا صعب بالنسبة ليا
لأني ليومكم دا أمشي معاكم بدون هدف
أدري يمكن تيتغربوا مني
أنا نفسي مستغربه من حالي
لكن ليومكم دا أنا مو لاقيه شيء احبه واتمنى اني اتخصص فيه
مافي شيء عاجبني
مو بطر لا بس انا احب الشغل العملي
ما احب اني امسك كتاب واجلس اكره كرررررر
احب اشتغل ما احب اقعد احفظشيء انا مو فاهمته

[.SuperGirl]

لا كمان مو بس شي غريب
شي يفشل
والله انا استحي من نفسي
ماشية كدا بدون هدف

[LucKy LAD]

شباب وشابات المنتدى

اختيار التخصص شي مهم ولكن ابدا لا يكون همكوم الوحيد

الكل مؤمن بالقدر وهذا يعني انو التخصص اللي حتدخلوه مكتوب وقدر

لذا خللوكم واثقين بالله انو محا يحصل اللا اللي مكتوب اوكي
sUE
لي رد في موضع تجمع البنات ممكن اكون جرحت احد فيه سامحني لاني كنت معصب شويه
ملاك
اهلا بيكي مجددا وليا رد في موضوع اختفاء بوزي وعريكه اقريه بعدين

اخيرا

ابغا كل واحد يا خذ نفس عميق ويقول انا حادرس ويصير اللي يصير

عذرا على الاطاله

[طقوس ..~]

انا حلمى اتخصص تربيه خاصه

ادرى انوه مو مجالى ولا تخصصى لاكن ان شاء الله انا رح ادرس شى فيه

حتى لو تخصصت شى تانى رح اخذ ماستر فيه

او على الاقل دوره

هذا هدفى

وحاحققه بمقدرتى

اما حاليا

اتمنى صيدله او علوم طبيه (تغذيه اكلنيكه )

او حاسب

والله اللى حيختاره ليا انا رح ارضابه

[basooooma]

انتي تبغين علمي علشان عندك احلام تبغين تحققيها
بس المشكلة لما تحلمي كتيييييييييير وتخلين اهلك يعيشوا هدا الحلم
و يصيروا واااااااااااثقين جدا انك بتوصلين له
هناااااااا المشكلة بحد ذاتها
استمري

[.SuperGirl]

المشاركة الأصلية كتبت بواسطة lucky lad sue لي رد في موضع تجمع البنات ممكن اكون جرحت احد فيه سامحني لاني كنت معصب شويه

معليش سامحني ادا غلط عليك
بس ترا كنت امزح<<استحملني مزحي تقيل شوية