تم تغيير موقع اختبار الرياض للطلاب

[اوكيسترا]

اصبح في قصر الحمراء للمناسبات

قريب من قاعة مذهله

اللي يعرف الموقع بالضبط يوصفه لنا

وشكرا

[abu2nawwaf]

كلمتهم قالوا إلى ألحين ماتاكد شئ
يقول بتوصل رسائل على الجوالات خلال يومين

[ضامي]

تم تغير الموقع والموضوع مثبت

صبه احقنه من قاعه لقاعه

[قيصر الشرق]

مساكم الله بالخير
يقولون الموقع الجديد قصر الحمرا

[اوكيسترا]

المشاركة الأصلية كتبت بواسطة abu2nawwaf كلمتهم قالوا إلى ألحين ماتاكد شئ يقول بتوصل رسائل على الجوالات خلال يومين

اللي خلاني اكتب الموضوع اني كلمتهم ابي استفسر عن الموقع القديم ( قاعة مذهله )

قالي الموظف احنا غيرنا الموقع الى قصر الحمرا للمناسبات

واللي يعرف موقعه بالضبط يشرحه لنا اذا تكرم

[ابو هديل]

وش ذا المعهد اللي كل يوم له موقع

[alaseer]

مشكور اخوي واذا كان الكلام هذا صحيح اتمنى من الجامعه التدخل العاجل لحل مثل هذي المهزله وشكلهم راح يحطون لنا حصره ونجلس عليها ونختبر ما كاننا دفعنا 1000 ريال والله قمة المهازل

[رهيب]

اذا هو ثبت الاختبار بقصر الحمرا
الوصف كالتالي تاخذ من مخرج 6 طريق ابو بكر الصديق تاخذ اتجاه الجنوب كأنك متجه لطريق الملك عبدالله المشاه اول ما تاخذ مخرج 6 باتجاه الجنوب تجيك كم شقه مفروشه على اليمين و قصر الحمرا بعدها على طول قبل بنده يعني قريب مره من تقاطع الدائري الشمالي مع طريق ابو بكر مخرج 6

[مشعان بسكلاني]

الظاهر اخرتها في استراحة

[سعود الجامعي]

طيب وبعدين حدد اي قاعة عشان نجي ونرقص ونطق اصبع
ماصار اختبار ذا صار مهايط قصور افراح