فتح رابط الترشيح للgee ولكن ...!!!

[memona]

سلآمو
اتمنى من اللي عندو خلفية عن دا الشيء يرد عليا ربنا يسعدو
انا عبيت استمارة الترشيح ولمن احط سبميت يطلع "

ADODB.Fielderror '80020009'
Either BOF or EOF is True, or the current record has been deleted. Requested operation requires a current record. /postgraduate/gee/GEEApp.asp, line 0"


هل عشان انا تركت خانة الايصال وتاريخو والفرع تبع البنك واذا كان لازم اعبيها فهذا يعني اراجع البنك اول ولا كيف ردوا عليا بليز

[صمت الزمن]

يا اختي انا مثلك في مشكلة او خلل في الموقع لأني كتبت رقم الإيصال وتاريخه ونفس الشيء

ADODB.Fielderror '80020009'
Either BOF or EOF is True, or the current record has been deleted. Requested operation requires a current record. /postgraduate/gee/GEEApp.asp, line 0"


ربنا يسهل الا بسألك انا من خارج جده متى ارسل الإيصال ؟؟

وضروري انا اوصله بنفسي ؟؟

لأني اتصل على الرقم ((تم رفض المكالمة )) ما اعرف اسأل وين؟؟

[memona]

انا ناوية اني اعبي الاستمارة وانزل ادفع الايصال بفرع السامبا في الجامعة واحاول اسلم اوراقي بنفسي اضمن بس تعرفي انا لمن ارجع للاستمارة الاقي الدرجه العلمية مافي هيا والبرنامج ؟؟؟؟ وطالبين اعبيها وزي كدا كل مرة

[memona]

الا اقلك فيه ماجستير دا التقديم للغذاء والتغذية؟؟

[صمت الزمن]

والله ما ادري ان شاء الله فيه انا بأقدم على ملابس ونسيج بإذن الله

[Lele]

لا عزيزتي انا كنت أعبي الاستماره وما أحط البيانات الخاصه بالبنك
وعادي يعمل لي سبميت بس على قول الاخت شكله هذه مشكله في الموقع حاولي كذا مره إذا

مازبط معاكي أطبعي الورقه بعد ماتعبي البيانات ولا تعملي لها سبميت وإذا رحتي الجامعه وسألتك الموظفه ليش كذا الورقه؟ قولي لها ماسار معاكي

وعادي راح تقبل الورق انا كنت أشوف بنات يجيبو لها الورق من غير مايعملو لها سبميت بس كانت تقول ياليت لو عاملين لها سبميت تذكري انه هذا المشكله بتسير مع كل البنات مو بس معاكي إنت

أختي صمت الزمن غنت بتتصلي على أي رقم ؟؟؟يمكن الرقم غلط ؟

[صمت المحيط]

سلام للجميع

انا برضو صادفتني نفس المشكله

؟؟؟؟؟؟؟؟؟؟؟؟؟؟؟؟؟؟؟؟؟؟

ايش العمل

[صمت الزمن]

أختي lele اتصل على الرقم

الموجود هنا (( اما بالنسبة للطالبات تسلم قسيمة الايداع مناولة لوكالة عمادة الدراسات العليا بشطر الطالبات -
وحدة القبول غرفة رقم (327) ومن خارج جدة الاتصال على رقم 6953493 للتنسيق . ))

في رقم ثاني غيره ؟؟

[راكان1400]

السلام عليكم ..

بالنسبة للبنات اللي عندهم خلل او خطأ في الصفحة ..انا صارت معايا اول مرة ..وقالتلي الموظفة

ارجعي عبي الاستمارة واطبعي نفس الاستمارة اذا كان الخطأ موجود ..وانسخوا صورة

من الاستمارة اللي عبيتوها عشان وحدة هما راح ياخذوها ووحدة معاكم ..

واذا كلامي مو واضح انا موجودة ..ان شاءالله

[Lele]

صحيح الرقم هذا انا نفسي كنت أدق عليه وعادي كانت ترد أنت مو من جده فلما تتصلي على جده لااااااااااااازم تدخلي مفتاح جده
جربي هذا الرقم 6400000 أو هذا 6952000

وهذه التحويله 63307

طمنينا إيش يسير معاكي