اخر اخبار الكيمياء .. والاحصاء !!

[Bo0oZy]

السلام عليكم ورحمة الله وبركاته

اليوم وانا كدا طفشان ومكتئب .. رحت لدكتور الكيميا ابغا اكلمو عن الاختبار الجي كيف حيكون

قلي والله يا ولدي ما ابغا احبطكم بس اتوقع درجاتكم حتكون زي الاختبار الاول !!

قلتلووو ليييييييششش ؟؟؟

قالي عشان حيكون 60 سؤال .. والوقت بس ساعتين !!!


يعني كل سؤال دقيقتين !!

وعندنا مسائل زي حقت الاتزان ولا الكاشف المحدد يبغالها عشرة دقايق !!



المهم من هنا ومن هنا .. قلي ممكن لو كلمتووو المسؤووليين يزودووولكم الوقت


بس ما رضي يقولي مين المسؤوول عن الاسئلة عشان نكلمو ...

بس اتوقع هوا الدكتور عبدالرحيم سمرقندي


يعني شوفو لو اي احد يقدر يتواصل معاه او شي . . . لانو كدا مرررررة حرام .. حنجيب العيد !!


ـــــ
ــ



الخبر التاني بخصوص الاحصاء .. هوا مفرح شوية !!

واحنا الفترة دي نحتاج اي خبر يفرح


قلتلو دكتور والله درجاتنا مرة في الحضيض .. وبليز شوفوولنا حل

قلي بص بقى احنا اتجمعنا حقون الاحصاء .. واتفقنا انو نشوف الاختبار النهائي .. لو درجاتكم زبالة يبقى نشوفلكوو رقم ونضربكم فيه .. ولو جبتو تمام يبقى الحمدلله واحسن بردو



هذا والله أعلم !!


الله يعين .. احنا صح ان شاء الله نجيب تمام في الاختبار الجيي .. بس برضو الدرجات اللي راحت في الاختبار الثاني يبغالهم يعوضوونا عنها .. لانو والله مرة جا صعب والوقت قليل وربكة الامتحان !!





هادا اللي عندي . ومعليش على الاطالة .. بس حبيت افيدكم باللي عرفتو



وتحيـــ ـــاتي

[طقوس ..~]

ومازلنا حقل لتجاربهم وقرارتهم


والله ما يصير

نذاكر ونتعب وبعدين ما يمدينا نحل>>قمه الظلم
خصوصا اننا فى حاجه لاى درجه

عموما


مشكور بويزى على الخبرين

وان شاء الله يضرب درجاتكم فى 1000 >لووووووووووووول

[Bo0oZy]

على قولتك يا خوخا

من جد بدأت احس انو في ديل قاعد يطلعلي .. واخرتها حتحول فأر !!!


الله يعين ومرسي على مرورك الكريم .. شرفتي وانستي ونورتي ... الخ ...!!

[[اسيرة الصمت]]

الله يعطيك الف عافيه
والله اننا محتاجين تحسيـــن بدرجاتنا

[طقوس ..~]

المشاركة الأصلية كتبت بواسطة bo0ozy على قولتك يا خوخا من جد بدأت احس انو في ديل قاعد يطلعلي .. واخرتها حتحول فأر !!! الله يعين ومرسي على مرورك الكريم .. شرفتي وانستي ونورتي ... الخ ...!!

ضحكتنى وانا مالى نفس اضحك خخخخخخخخخخخ

[LσvєLy HєαяT]

احااااا الاختبار زي الأول :(



الله يستر وان شااااء الله يزيدو الوقت




بالنسبه للاحصاء ما فهمتك



يعني لو كانت درجات الفاينال زباله حيزودونا




غير كدا مافي تزويد او تحسين او اي شي !!!





وشكرا ع الاخبار (:



sEE yA

[Bo0oZy]

أسيرة الصمت ..
مرسي على ردك والله يعافيييكيي

خوخا ..
دوووم الضحك


لوفلي هارت ..
المقصود انو ماحتكون في نسبة رسوب كبيرة ،،،

يعني حيشوفو بعد الفاينل .. لو النسبة حقت الرسوب كبيرة حيدبرووولهم حل .. ازا والله مافي نسبة رسوب خلاص حيمشوونا

لانهم ما يهمهم كم تجيب .. المهم ما ترسب !!

[ROoOFaNA]

مشكور والله يعطيك العافيه
وما قصرت انك رحت وسألت
الله يوفقنا إن شاء الله وتعدي السنه هاذي على خير
ما ندري ايش بكره بيصير
لكن نخليها على الله

[أحلى أروما]

والله مدري إيش أقول

بخصوص الكيمياء أساسا مايسير نحل المسأله بدون مراجعه وبدون مانتأكد
يعني أكيد حياخد مننا وقت السؤال

والإحصاء
يعني إحنا ننفخ في قربه مخروقه على مايقولوا
نذاكر ونتعب ودرجاتنا تجي زباله مع كللللللللللللل مجهود مننا
أحس كمان في النهائي نفس الحكايه

وربنا ييسر

يسلموو بوزي

[كفاني عذاب]

ما اقول غير الله يصبرنا ويوفقنا

انا خلاص حاط املي في الله

وما عاد يهمني كلام اي دكتور لانه لا يودي ولا يجيب ..



تحياتي لك خييووو وان شاء الله ربك يفرجها ..