مشكلة زوجتي

[طلال السبيعي]

السلام عليكم ورحمة الله وبركاته

صباح الخير للجميع وشهر رمضان مبارك على الجميع

عندي استفسار وارجو من الاخوان الأجابه في اسرع وقت ممكن للضرورة

انا بخلي بزوجتي تدرس بجامعة الملك عبدالعزيز انتساب وانا من سكان الرياض السنة الأولى مافيه مشكلة بتختبر بالرياض بس المشكلة هل السنة الثانية والثالثة والرابعه فيه امكانه تختبر بالرياض ولا راح يكون اختباراتها بعد السنة التحضيريه بجدة اتمنى الرد يالغالين

ووفقكم جميعآ لما يحبة ويرضاه ..

[طلال السبيعي]

يا أخوان والله ضروري ابي الأجابة

[/دهن العود/]

حتكون اختباراتها في جميع المستويات بالرياض والله يوفقها

[عبدالله ابراهيم المسعود]

إختبارات السنة التحضيرية بالرياض والسنوات اللي بعدها بجدة بس توكل على الله وانا اخوك خل المدام تدرس وبيسهل ربك إن شاء الله واللي سمعت إن فيه وعود من المسئولين بالجامعة إن الإختبارات راح تكون بالمناطق قريباً إن شاء الله , أنا سجلت السنة هذي ومتوكل على الله ومتفائل بالإختبارات تكون بالرياض

[قروووشه]

اعتقد لازم تختبر في جده بعد التحضيريه ..

الله يووفقها ويوفقناا ..

[كيوت~]

شوف يااخوي السنه التحضيريه تقدر تختبرها بالرياض

بس وقت التخصص ماتقدر لأزم بجده

بأستثناء تخصص الأعمال برابغ تقدر تختبر في الرياض

وان شاء الله مع السنه الجديده ينزل قرار اختبار المناطق لكل التخصصات

اتمنى اختبار المناطق مايكون عائق على تعليم زوجتـك والأختبارات مدتهآ اسبوعين بالكثير

[طلال السبيعي]

الله يجزاكم خير ويسعدكم دنيا وآخره انا بخليها تدرس السنة الأولى اذا ماصار نصيب بخلهيا تكمل بجامعة الملك فيصل
اشكركم وربي من كل قلبي
تحياتي

[الهندواني]

الله يسهلها

توكل على الله

[*زهرة السوسن*]

السنة التحضيرية بالرياض ...
التخصص بجدة ...لانه لحد الآن مافتحوا اختبارات مناطق للمتخصصين ...

[أجمل غرام]

بدال لاتضيع عليها سنه رسوم الترم 3 الاف ورسوم الاختبار 1000

ويمكن ينزل قرار اختبار المناطق ويمكن لا افضل لها تسجل بجامعة الملك

فيصل تختار تخصصها من اول سنه ماعندهم سنه تحضيريه عشان ماتنظلم

بعدين بالتخصص وتدخل تخصص عادي وحتى بالنسبه للرسوم فيصل افضل 2500

واختبار المناطق بدون رسوم تختبر بيفتح التسجيل نص رمضان

دور لزوجتك الاسهل والافضل وبالتوووفيــق لك ولها ,,