الله يستر من درجات الإستثمار ...؟؟؟

[yesyes]

ما أدري ليييييييييش مو متفائل بدرجات الإستثمار ...رغم أنه من المتوقع أن الأغلبية العظمى ما راح ينزلون عن ( 90% ) كـــ أقل تقدير ...خصوصاً وأن الأسئلة كانت مكررة .( حقت الترم الثاني ) دون أي تغيير يذكر .........

بالنسبة لي لما كنت في القاعة وشفت الأسئلة دعيت بيني وبين نفسي ( إن ما ينقز واحد مسوي فيها تواضع ...ويروح ويشكر الدكتور ) لأن هــ الشيء أحياناً يكون شبة الإستفزاز الغير مباشر لبعض الدكاترة ....تلاقية يكرر الأسئلة وهو يقول في نفسة .....الكثير من الطلاب لم تصل له اسئلة الترم الماضي ....لكنه يتفاجأ بأن الجميع حافظين الأسئلة ...( يقوم يلعب بــ الدرجات عمداً )

....

شاهد أعيان ....
لما طلعت من القاعه ...طلعوا معايه طالبين سئلوا الدكتور متى النتائج يا دكتور قال ( من طرف خشمة يوم الأربعاء أو الخميس ) ........ الطالبين شكروا الدكتور بشكل أهبل ...وأكرر أهبل لدرجة أنو واحد منهم قال ( والله الجامعه بدون دكاترة مثلك مو جامعه ) ...؟؟؟؟

المهم أنا كنت بصرف من الصراف اللي جنب القاعه .... وسمعت الدكتور يقول حسبنا الله ونعم الوكيل ..؟؟؟؟ يقول هـ الكلام ( لدكتور ثاني كان معاه ....)

المهم يمكن تقولون تفائل بـــ الخير .....

أقولكم الله يجيب العواقب سليمة .....لكن يا أخوان لو حصل ودرجاتنا جات بــ الثمانين والسبعين ....ترا من فعايل أيدينا ....

من المفترض الواحد فينا ما يشكر / ولا يثني / ولا يدعي .....ولا يعمل فيها الولد المتواضع ...ومن لا يشكر الناس لا يشكر الله ..ومن هـ الشعارات ( الوهنة ) إلا لما يشوف درجته مرصودة ....وفي الأوديس ذيك الساعه ( لو يكتب مطوية شكر ...ماراح أحد ينكر عليه ...لا ولو يبغى فزعه فزعنا معه في المطوية .......أهو كلام ببلاش على قول المصارية )


...........

[خالد الخالدي1]

أخوي كلامك على عيني وراسي لكن نتفائل بالخير
ولو أن درجتي نزلت عن 85 سأطلب مراجعة ورقتي على قدم وساق

[RAUL 7]

I agree with u abu-shaaden

[العلم نور والجهل ضلام]

الله يخرجنا وتطلع بسلام الدرجه

[JEDDAH]

يا أستاذ انت تتكلم عن د الزيود ..!!
يعني أعطاك نفس النمووذج عشان ينجحك وطبيعي تشكره !! بالعكس لا إستفزاز ولاشي

أنا أول واحد طلعت من القاعه وشكرته وقال غريبه تأخرتو بحل أنا ماغيرت النموذج عشان تحلو ..!!
وأزيدك كمان أنو كان مستاء لأن الطلاب تأخرو بالحل ؟؟ يقول توقعت تنتهو بسرعه!!

طول بالك وتفائل دائما . تحياتي لك.

[yesyes]

المشاركة الأصلية كتبت بواسطة jeddah يا أستاذ انت تتكلم عن د الزيود ..!! يعني أعطاك نفس النمووذج عشان ينجحك وطبيعي تشكره !! بالعكس لا إستفزاز ولاشي أنا أول واحد طلعت من القاعه وشكرته وقال غريبه تأخرتو بحل أنا ماغيرت النموذج عشان تحلو ..!! وأزيدك كمان أنو كان مستاء لأن الطلاب تأخرو بالحل ؟؟ يقول توقعت تنتهو بسرعه!! طول بالك وتفائل دائما . تحياتي لك.

يا أستاذي الفاضل نفس هــ الكلام ( وبــ الملي متر ) قاله لزملائنا اللي أخذو المادة في الترم الأول من العام الدراسي الحالي لأنه جاب لهم ( اسئلة الترم الصيفي حق العام بــ الكربون ) ....المهم ايش عمل فيهم
جاب فيهم العيد .....ومو بس لعب في درجاتهم ( الا رسبهم عن بكرة أبيهم ) وجلس معلقهم معه أكثر من شهرين ...بين شكاوي ...ورسائل ومعاملات الكترونية ....وطلاب يقابلون عميد ...وطلاب يقابلون دكتور المادة ....وواسطات ...وسواليف طويلة عريضة .....وبعد كل هــ الفلم السخيف طبع لهم 70 .....72 لجميع الطلاب ..؟؟؟

وبإمكانك ترجع لأرشيف المنتدى وتلاقي كل هـــ التفاصيل وأكثر كمان

[yesyes]

المشاركة الأصلية كتبت بواسطة خالد الخالدي1 أخوي كلامك على عيني وراسي لكن نتفائل بالخير ولو أن درجتي نزلت عن 85 سأطلب مراجعة ورقتي على قدم وساق

وأنت ( شخصاً وحرفاً ) على رأسي من فوق والله يا خالد ..
وأسئل الله بأن يوفقك ( وماتنزل عن 95 مو الــ 85 ) .....

[yesyes]

المشاركة الأصلية كتبت بواسطة raul 7 i agree with u abu-shaaden

صباحك عسل يا ابو سعد .....

والله يوفقك وين ما كنت .....

[yesyes]

المشاركة الأصلية كتبت بواسطة العلم نور والجهل ضلام الله يخرجنا وتطلع بسلام الدرجه

أأأأأأأأأأأأأأأأأأأأأأأأأأأأأأأاامين يارب

[RAUL 7]

انا والله اعرف واحد من الشباب كلمه بعد الاختبار وتشكره على الاسئلة وكانت ردت فعل الدكتور عادية جداً ... وسأله متى تنزل الدرجات وقاله الاربعاء بالليل او صباح الخميس بالكثير ... بس للحين مانزل شي ...!!!


اتوقع المشكلة هي من الشباب الي بالترصيد مو من الدكتور لان الدكتور يرسل الدرجات لهم ... وهم تلقاهم بالمقاهي الي بشبك المطار هناك بالصناعية .. خخخخخخخخخخخخخخخخخخخخخخخ