قبل إختبار الحاسب اليوم

[yesyes]

أول شيء صبحكم الله بالحُب والسعادة والرضاء ...

ثانياً أبارك للي ربي سهل عليه ووفق له في اختبار امس الانجليزي واللي ما ربي وفق له اقول له يسلم رأسك وخيرها في غيرها وربي يوفقك في القادم .. بالنسبة لي كان الاختبار الحمد لله مُش بطال نوعاً
ما وكنت تقريباً سعيد وما خرب عليه سعادتي إلا العميد الله يسامحه ويوفقه في المبارايات الجاية .

انا هنا بس عشان اصبح عليكم وادعي لي ولكم ان ربي يوفقنا في اختبار اليوم << وعلى فكرة الجو خطير هنا في جده ومُمطر وروووووووووووووووعه عن جد أأأأأأااه بس لو فاز العميد البارح كان الحلا غير غير بس الحمد لله على كل حال

[candy 1989]

صباح الخير...

لا تذكرني وربي انا انقهرت مره اول مارجعت دوبهم سجلو التعادل ...


و ان شاءالله الحاااسب يكوووون سهل يارب...

[الغثيان]

ان شاء الله يكون اسهل
بس بكل صراحة الانجايزي
كان فيه صعوبة
من كل بحر قطرة
60 سؤال تظليل
والله الوقت يالله يكفي

[الفيـصل]

هاردلك للعميد



اذا ماعليك امر اخوي تكتب لي وش جاء لك في الريدنق
وايش الكلمات اللي يقولوا جاء منها 10 اسئلة

وبالتوفيق في الحاسب اليوم

اخوك خطه ب واختباري انجليزي بكره
ان شاء الله

[12312]

صباح الخير لجميع الاعضاء واقول الله يوفقكم يارب

حابه اعرف الحاسب فيه اشياء محذوفه ولا لاء بليز الي عنده اي معلومه لايبخل علي بليييز واكون شاكره لكم

[yesyes]

أأأأأأأأأأأأاه يا رنا ....أنا لما طلعت من القاعه لقيت 16 مس كووول و7 رسائل فتحت اخر رسالة لقيت مكتوب فيها 1/1
حسيت بخوف على العميد وشوي طرد رضاء وربي ما عرفت اصل للأندلس لخبطت في الطريق وارتفع ضغطي اكثر لما جاب الأهلي الثاني يا أأأأأأأأاااه كل الإشارات عندي صارت حمراء بس الحمد لله على كل حال وصباااحكِ عسل يا عسل .

[yesyes]

الغثيان صباحك تفاؤل ....اخوي انا معاك الوقت والله يادووب كان كفاية حتى انو المراقبين اللي كانوا معانا في القاعه قالوا مدة الاختبار ساعتين .....ووالله الاسئلة 60 مرررره تعب خصوصا انو حكاية التظليل ذي يبغالها تدريب وربي هههههههههههه حسيت يدي طاحت امس وانا اظلل ..

عموما يا قمر صباحك ان شاء الله احس من امس ويارب تعوضها اليوم وتتوفق

[الأمورة بسوم]

بصرااااااااحه انا مبسوطه اليوم اولا عشان الانجليزي كااااااااان مره حلو الحمدلله
ثانيا بسبب فوز قلعة الكؤوووووس الأهلي
وان شاء الله بعد الحاسب يجي حلو وسهل
وربي يعين للجميع

[yesyes]

هلا اخوي الفيصل حياك الله وربي يصبحك بالخير ...شوف يا قمر بالنسبة لي جتني اسلة القطع مرة سهلة 10 اسئلة
اول قطعه كانت تتكلم عن الضغط <<<< شكلهم كانوا عارفين ان ضغطي بيرتفع من العميد ههههههههه المهم شوف يا عسل والقطعه الثانية كانت تتكلم عن بنت تايوانيه انتقلت من تايوان لقرية صغيرة يسكنها زوجها وكانت تتكلم ايضاًَ عن ان كيف ذي البنت تأقلمت مع القرية اللي يسكنها زوجها وكيف تألمت لبعدها عن مدينتها الاصل اللي هي تايوان ..

ابوي شوف انا بكتب لك الاجابات من القطعتين ....فيه تقريبا 4 اسئلة مرة واضحة ومن ضمنها يجيب لك كلمة it في قطعة البنت اللي اسمها su اللي قلت لك على حكايات المهم يسئلك it ترجع لمين ...طبعاً الإجابه .الطويلة اطوول اجابة سطر طويل مو فاكروا بالنص بس المهم انها راجعه للصعوبة الاولى اللي عاشها وواجهتها في معيشها خارج تايوان ..
وفيه سؤال انتبه منه تلاقي في قطعة البنت كمان سؤال يسئلك عن نسبة وترا اجابة less1%
وفيه نفس قطعة البنت تلاقي سؤال يسئلك عن الزوج اللي هو hus يقول لك ايش معنى الزوج ؟؟؟؟ تقريبا ذا كان ثالث سؤال اجابته man marred weman >>>

والله ضحكت في القاعه اول اجابة كانت رجل يتزوج حيوان قلت وي لو احد يختار ذي الاجابة ..

يالنسبة للكلمات اول اجابة كانت fix بمعنى اصلاح ..

اممممم والله لو اتذكر راح اكتب

وصباحك حُب

[yesyes]

هلا اختي 12312
صباحكِ ورد ونرجس وفُل وياسمين ....
بالنسبة للحذف ما فيه شيء محذوف لكن المهم جداً ركزي على اول 40 ورقة في الكتاب ترا فيها مالا يقل عن 20 سؤال من اسئلة الاختبار ....

اللي هي اجيال الحاسب ....وانواع الشبكات ....وانواع الحاسبات ومين الاغلى ....ومكونات الحاسب المادية والبرمجية ..ووحدات الادخال والاخراج ...ترا المادة ان شاء لله سهله بس يبغالها شوية انتباه ولو بدأتي الأن في ذا الصباح اللطيف وبوستي راس الوالده وفطرتي واخذتي كأس شاهي سكر وسط وفتحتي الكتاب ما يجي الظهر ان شاء الله الا وانتِ قاطعه شوط مره كبير

والله يوفقنا ويوفقكِ