لا زم كلنا نتكلم عشلن نوصل لحل

[*منتهى الرقة*]

موضوعي عن الصحبة وهذا الموضوع بالذات لو تكلما فيه من جهة العقل أكيد حنحله ونقضي عليه يا بنات من جد أنا وربي مو بس أحزن إلا أتقطع من جوه على البنات اللي يصاحبو :
لأني عاشرت صديقات قريبات مني وكانو يصاحبو والحمد لله بعد معاناه بعدو عن الصحبة ودمارها
1/ الوحدة يالله تنحكم من أهلها وكمان تتضايق أقوم أجيبلي وحدة بنت زيها زي وتتحكم فيه .
2/ لة جينا من نايحة المجتمع ترى على فكرة كل الناس لمن يشوفو بنت وبنت ماسكين يد بعض بطريقة باين عليهم إنهم صحبات ما يقولوا يا سلام الله يهنيهم يقولوا الله يأخذهم ولا يقول الله لا يخسف بينا الأرض وهم معانا .
3/ أنا من جد أزعل على المستوى العمري والعقلي تكون بنت متعلمة وتعرف الصح من الغلط تقوم بدل ما تدعي ربنا يرزقها بالرجل الصالح تدعيه ما يحرمها من حبيبتها فين العقل ..................؟
4/ كل إنسانة مصاحبة تحط فبالها ما في بنت بالعالم تكفيها بنت يعني بكل بساطة لو حاطة فبالك إنو صحبتك راح توفيلك أنتي تضحكي على نفسك .
5/ فيه بنات وصلت معاهم إنهم يقولوا انا ماراح اسيب الصحبة إلا إذا أتزوجت طيب ربنا قال الطيبون للطيبات ترضي يجيكي رجال يسوي اللي انتي تسويه ولا تضمني الصحبة هاذي ما ترجع تدخل فحياتك من جديد وتدمر علاقتك بزوجك ولا إيش وجهك لوزوجك سمعك تقولي لبنت زيك أحبك ولا تخيلي يردك بيت أهلك ويقولهم بنتكم ............................... فكروا بعقلكم ......!!!!!!!!
6/ أنا مره قلت لوحدة مصاحبة فكري بعقلك أنتي من جدك تحبي بنت قالت لو فكرت بعلقي راح أسيبها لأنو الصحبة حرام يعني هي مديه عقلها إجازة .
7/ ربي ترى فرق بينا وبين الحيوانات بالقعل إذا إحنا أعطينا العقل إجازة معناتو كل شئ راح نسويه يكون حيواني وهي هاذي الصحبة أجري وراه قلبي و............. بدون تفكير .

أتنمى تعطوني رأيكم بالموضوع وراح أكمل المره الجاية كيف أعرف إذا البنت مصاحبة ولا لأ .
وكيف راح تتغير حياة الوحدة لو تابت وبطلت صحبة .
أتمنى أي أحد يدخل يعطيني رايه ويقولي أي معلومة تفيدي لأني ناوية أتعمق فالموضوع هذا زيادة .