حصري جميع مايتعلق بخطه أ + خطه ب من ملخصات وشرح واستفسارات للمسار العلمي

[_Sora]

بسم الله الرحمن الرحيم

والصلاة والسلام على اشرف الانبياء والمرسلين سيدنا ونبينا محمد عليه افضل الصلوات واتم التسليم

ان شاء الله راح يكون دا الموضوع متعلق وخاص لطلاب السنه التحضيريه انتظام مسار "علمي" سواء خطه أ او خطه ب

راح يكون شامل من ناحيه الملخصات + اسئلة الاختبارات + الكتب + اي سؤال محد قدر يحلو او مو فاهمو ان شاء الله راح احلو بإذن الله تعالى

خطه " ب "

1) الكيمياء : حيكون عندنا المقرر الاساسي كتاب " chemistry 10 edition by raymond chang "


من باب النصيحه فيه كتاب تاني اسود اسمو chemistry الي حابب يستفيد يشتريه من تآليف الجامعه ممتاز اكتر شي ودي صورة الكتاب الي اقصدو انا

كتاب الكيمياء.jpg - 4shared.com - photo sharing - download image

ودي سلايدات للكيمياء بس الافضل برضو تتأكدو من دي السلايدات وتطابقوها مع الي بتاخدوها في الكلاسات من باب الحرص

سلايدات كيمياء.zip - 4shared.com - online file sharing and storage - download

نماذج اختبارات للكيمياء 1432

نماذج اختبارات كيمياء 1432.zip - 4shared.com - online file sharing and storage - download

معلومه عن الكيمياء : الثوابت مثل ثابت الغارات وعدد افوجادرو تعطى في اول ورقه في الاختبار كما هوا موضح في نماذج الاسئله ويعطى ايضا الجدول الدوري في كل اختبار

للطالبات : موقع مفيد للدكتوره اكرام دانش

اكرام يوسف احمد دانش| جامعة الملك عبد العزيز | المملكة العربية السعودية

2) الاحياء : ماراح تحتاجو فيها اكتر من السلايدات الي في الكلاس غالبا اما التست بانك لسا موضوع مااتحدد


ودا موقع الاحياء

Biology110 KAU

ودي السلايدات حقت الاحياء وبرضو اتأكدو من السلايدات عن طريق انكم تقارنوها بإلي بتاخدوها في الكلاس

سلايدات الاحياء .zip - 4shared.com - online file sharing and storage - download

وبرضو راح تلاقو السلايدات في موقع الاحياء

3- محتــوى المقـرر - Biology110 KAU

نماذج اختبارات احياء لعام 1432

نماذج اختبارات احياء 1432.zip - 4shared.com - online file sharing and storage - download

3) الاحصاء : راح ينقسم قسمين طلاب وطالبات

الطلاب عن طريق السلايدات بالاضافه لبعض اسأله الاختبارات حقت رئيس القسم الدكتور سعيد الغامدي ع الرابط التالي

سعيد احمد علي دوبح الغامدى - احصاء 110


والملخص راح يكون لجمال السعدي غالبا راح يفيد فقط في اول تلاته ابواب والباقي محا يكون بديكا الاهميه

الطالبات عن طريق الكتاب + برضو جمال السعدي الاثنين راح يكملو بعض في ظل غياب السلايدات

الكتاب تحت مسمى Bluman, "Elementary Statistics a Step by Step Approach", " بالنسبه للاصدار اتأكدو انو آخر نسخه سواء من المكتبه او الدكتور

ملخص جمال السعدي احصاء "طبعا انتو بعد كدا اي شي جديد مثلا نزل ملخص جديد يسير تطلعو عليه نفس حقكم ولا لا وغالبا مايسير فيه اختلاف في الملخصات الا في حالة اختلاف المنهج لكن حاليا المناهج كلها زي بعض مافي اختلاف بس لمجرد التأكد "

ملخصات جمال السعدي احصاء .zip - 4shared.com - online file sharing and storage - download

نماذج اختبارات احصاء قديمه

نماذج اختبارات احصاء قديمه .zip - 4shared.com - online file sharing and storage - download

نماذج اختبارات احصاء 1432

نماذج اختبارات احصاء 1432.zip - 4shared.com - online file sharing and storage - download


معلومه عن الاحصاء : القوانين ما تنحفظ حقت الاحصاء تجيكم جاهزه في الاختبار وحتى فيه جدول طبيعي ماينحفظ يجيكم في الاختبار راح تجيكم ورقه خارجيه فيها القوانين الي عليكم تطبقوها طبعا فيه قوانين استنتاجيه دي مطالبين فيها لكن القوانين العامه كلها تجيكم الاولاد تنطبع في ورقه خارجيه وتجيهم البنات في نهاية الكتاب فيه القوانين ياخدوها معاهم

بإختصار خطه " ب " اسميها خطة ال A بالقليل يعني اقل شي يمكن تحصلو عليه طبعا دا الشي يعتبر حافز ليكم انكم تأدو مجهود اكبر عشان تجيبو اكتر من كدا يعني حاولو درجاتكم تكون اعلى من كدا دا اقل شي يفضل انكم تجيبو احسن منو

.................................................. .......... كدا حنكون خلصنا من خطه "ب".................................................. ............................

خطه " أ "

1) الرياضيات : راح يكون عندنا الكتاب تحت مسمى " calculus " والملخص راح يكون لجمال السعدي

ملخص جمال السعدي رياضيات "طبعا انتو بعد كدا اي شي جديد مثلا نزل ملخص جديد يسير تطلعو عليه نفس حقكم ولا لا وغالبا مايسير فيه اختلاف في الملخصات الا في حالة اختلاف المنهج لكن حاليا المناهج كلها زي بعض مافي اختلاف بس لمجرد التأكد "

ملخصات جمال السعدي رياضيات.zip - 4shared.com - online file sharing and storage - download

نماذج اختبار الرياضيات

نماذج اختبار الرياضيات .zip - 4shared.com - online file sharing and storage - download

2) الفيزياء : راح يكون عندنا كتابين الكتاب الاساسي تحت مسمى "fundamentals of physics "

وللفائده اشترو كتاب الدكتور سعود يغمور تحت مسمى "principle of mechanics + ملخص اشرف بركات راح يكونو جزء ماينفصل ان شاء الله والافضل ملخص اشرف بركات تشتروه من المكتبه حقت الشقري

طبعا انا محا انزل ملخصات اشرف بركات ع النت لانو الخط محا يكون واضح لانو بخط اليد مو زي جمال السعدي عشان كدا الافضل تشترو ملخص الفيزياء حق اشرف بركات من مكتبة الشقري او خوارزم او النسخه الي عندي حأحطها في المكتبه الي قريبه مني وتروحي تصوروها زي ماتبو

طبعا الدكتور سعود هوا رئيس قسم الفيزياء

3) الحاسب : الكتاب بيسط ومايحتاج اي شي جنبو تحت مسمى "مهارات الحاسب الآلي"

4) مهارات الاتصال : تحت مسمى "مهارات الاتصال" ماده ماتحتاج غير القراءه بتركيز للدكتور نوح الشهري



بإختصار خطه " أ " اسميها خطة B+ بالقليل يعني اقل شي يمكن تحصلو عليه طبعا دا الشي يعتبر حافز ليكم انكم تأدو مجهود اكبر عشان تجيبو اكتر من كدا يعني حاولو درجاتكم تكون اعلى من كدا دا اقل شي يفضل انكم تجيبو احسن منو



.................................................. .......... كدا حنكون خلصنا من خطه" أ ".................................................. ............................

* الانجليزي : انا مااتكلمت عليه في كل الخطتين لانو مايحتاج غير كم توضيح بسيط حيكون كالتالي :

تذاكرو grammar الي في نهايه الكتاب + vocablury + ال CD الي يجي مع الكتاب في نهايتو + تحاولو قبل كل اختبار تخلو الدكاتره يحددولكم كم قطعه


وطبعا لازم تعرفو انو الاختبار راح يكون writng + speaking + *الاختبار العادي

.................................................. .................................................. .................................................. ................

كدا انا انتهيت وقدمت كل الي اقدر عليه وان شاء الله انو يرجع بالفايده عليكم يآرب

تذكير بسيط " كل الملخصات لا تغني عن الكتاب وانما هيا وسيله مساعده عشان لا احد يلومني انا نصحت بالكتاب ومعاه مساعده الملخص "


ان أصبت فمن الله وان اخطأت فمن نفسي واتمنى تعذروني


وصلي اللهم وسلم وزد وبارك على سيدنا ونبينا محمد عليه افضل الصلوات واتم التسليم

الله يوفقكم يآرب ويسهلها عليكم ان شاء الله


ملاحظة
للأمانة انا ما كتبت الموضوع, نقلتو من العضو Zizo
بمنتدى الجامعة التاني عشان تستفيدو
دعواتكم الطيبة له :)

[Ahmad-k-92]

ماشاء لله عليكي كفيتي ووفيتي ..

بس انا اقول المخلصات احسن واوضح ... بالتوووووووووووووووووووووووفيبق دفعه 12

[Noor Moon]

جزاكي الله آلف خير ياااقلبو ^^

[R o z e ~]

الله يجزآك خير ع النقل .. ويجزى صآحبة الموضوع أيضا ..
وجآري التحميل ..

[LooDy-a]

مرررررررررره كفيتي ووفيتي الكل محتاج الكلام ذا
تحياتي :* ..~

[.. H2 ..]

يعطيييك العافية بخصوص السبيكينق كيف وضعه وكم درجة له من مجموع الدرجات ؟

[wejdo_o]

مشكووووووووره وان شاء الله في ميزان حسناتك

[memeshko]

مشكووووووووووورهـ

مآا قصرتي

[Abeer Mohammed]

بس الكيمياء تأكدي من اسمه

انا اشتريت واحد اسمه

chemistry
tenth edition
الطبعة العاشرة

يمكن اللي كتبتيه فوق للاولاد

لاني قولتي انه الموضوع منقول
صح
يارب يطلع صح كلامي

[_Sora]

المشاركة الأصلية كتبت بواسطة Ahmad-k-92 ماشاء لله عليكي كفيتي ووفيتي .. بس انا اقول المخلصات احسن واوضح ... بالتوووووووووووووووووووووووفيبق دفعه 12

شي اكيد لانو الملخصات مرتبة اكتر من الكتاب
لكن للاسف كل الدكتورات اللي دخلو علينا يقولو الكتاب مرجعكم الاول
لدرجة حتى الاحياء تقول انو التست بانك انلغى و المزاكره من السلايدات والكتاب
ما اقول الا الله يستر .. آميييين يآرب اجمعيين

المشاركة الأصلية كتبت بواسطة Noor Moon جزاكي الله آلف خير ياااقلبو ^^

يجزاكِ ربنا الجنة حبيبتي :)

المشاركة الأصلية كتبت بواسطة R o z e ~ الله يجزآك خير ع النقل .. ويجزى صآحبة الموضوع أيضا .. وجآري التحميل ..

موفقة ي عسل :$

المشاركة الأصلية كتبت بواسطة LooDy-a مرررررررررره كفيتي ووفيتي الكل محتاج الكلام ذا تحياتي :* ..~

اهم شي جيبو درجات
موفقة حبيبتي :)

المشاركة الأصلية كتبت بواسطة .. H2 .. يعطيييك العافية بخصوص السبيكينق كيف وضعه وكم درجة له من مجموع الدرجات ؟

يعافيكِ ربنا ي قمر
و الله ودي افيدك لكن الى الآن ما حضرت اي محاضرة انجلش
لانو المستوى الرابع بعد الحج ف ما عندي خلفية عن الموضوع
بس اللي اعرفو انو 30% تقييم مستمر
30% نصفي
40% نهائي
100% المجموع
و ازا حابة تتاكدي, حملي دليل الطالب من موقع معهد اللغة نفسو
http://eli.kau.edu.sa/Default.aspx?site_id=126&lng=AR
موفقة

المشاركة الأصلية كتبت بواسطة wejdo_o مشكووووووووره وان شاء الله في ميزان حسناتك

العفو ي عسل ما سويت شي, موفقة :)

المشاركة الأصلية كتبت بواسطة memeshko مشكووووووووووورهـ مآا قصرتي

عفووووووون
بالتوفيق :$

المشاركة الأصلية كتبت بواسطة Abeer Mohammed بس الكيمياء تأكدي من اسمه انا اشتريت واحد اسمه chemistry tenth edition الطبعة العاشرة يمكن اللي كتبتيه فوق للاولاد لاني قولتي انه الموضوع منقول صح يارب يطلع صح كلامي

صح اسم الكتاب حبيبتي
ريموند تشانغ اسم مؤلف الكتاب
انا اشترتيو قبل يومين من جرير و رجعتو امس
لانو ف مكتبات حي الجامعة ارخص بكتير!
موفقة :)