تجمع المقبولات في وظائف جامعة الملك عبدالعزيز فرع رابغ

[رقة الورد]

السلام عليكم ورحمة الله وبركاتة

أخواتي المقبولات في وظائف المعيدات والمحاضرات في جامعة الملك عبدالعزيز (فرع رابغ)

أقول لكم في البداية ألف ألف ألف مليون مبرووووووووك ,, والله يجعل فيها الخير

لنا في الدنيا والأخرة

حابة أسألكم عن المواصلات طبعا من جدة إلى رابغ ,, هل فية باصات معينة أو سيارات

بها مجموعة من البنات مع بعض تودي من جدة إلى رابغ ؟ ياليت نبدأ نفكر في هذا الموضوع ونرتبلة من بدري

[دلوعه غير]

الف مبرووووك
انا دقيت من 8_9 كان مقفل

بس حبيت اسالك هل خلاص دي النتايج النهائية؟
ومتى تبدا المباشرة؟

[Aroma Flowr]

الففف مبرووووك والله يوفقكم يااارب
بس حبيبااتي كيف كان التقديم واييش هي الشروووط

[دلوعه غير]

المشاركة الأصلية كتبت بواسطة aroma flowr الففف مبرووووك والله يوفقكم يااارب بس حبيبااتي كيف كان التقديم واييش هي الشروووط

التقديم انتهى في 20-7
والاختبارات في 23-8 افتكر
الشروط
انها حاصلة على البكالورويس بمعدل لا يقل عن جيدجدا
العمر لا يتعدى 30 للمعيده اما المحاضرة يمكن 35 مو فاكرة
الحصول على احد اختبارات الانجلش سواء توفل او ستيب او بديل توفل ...
دي اهم الشروط اللي فاكرتها

[smile flower]

عزيزتي رقة الورد دخلت ابارك لك الوظيفة
كنت شاهدة على رحلة كفاحك
فقلت لابد ادخل واهنئ
ان شاء الله تكون الوظيفة وجه الخير والسعادة
والف مبروك لجميع المقبولين

[مادلينا]

مبروك لكل حبيباتنا المرشحات
الله يجعلها قدم السعد عليكم

[Miss 7lm]

ألف مبرووووك حبيباتي للي انقبلو

والله يرزق اللي ما انقبلو بكل خير ياااااارب

انا كلها كم ساعه وارجع اتصل ثاني وأسأل عن موضوع ترشيحي لأني نمت يوم الاربعاء وما اتصلت خخخخخخخ


عزيزتي رقة ألف مبروووك وربي يجعلها وظيفه خير وسعد عليكي ويجعلها عون لك في طاعة الله

بجد موضوع مهم لاني كنت افكر كيف المواصلات

صديقاتي ثنتين ما شاء الله متعينات في رابغ من السنه اللي فاتت

سمعت منهم مره انهم يروحون مع باص وعددهم سته وكانو ساكنين في نفس المنطقة

حاولت أوصل لهم عشان اسألهم لكن باذن الله راح اقابل وحده منهم بكره أو اليوم بالاحرى

والثانيه مش قادرة أوصل لها

المهم أنا اتصلت في درب النواف شركة باصات قالو ننقل طالبات فقط

بحاول افهم من صحبتي موضوع روحتهم كيف وبإذن الله تفيدنا

وأنا بيني وبين نفسي كنت أفكر بسواق بس يروحو ثنتين أو ثلاثه وما دورت الصراحه على سواق

<< اهم شي اني جالسه افكر وانا لسه ما رسيت على بر خخخخخخخخ

وكل ما فتحت هنا في المنتدى اشوف اللي يسألو عن المواصلات من سكان مكه

خليني اشوف لك اليوم من صحبتي وارد لك بإذن الله

واعذريني لو تأخرت لأني اليوم راح تبدأ دراسة الماجستير وأخاف اجي مرهقه من المعلومات واناااام هع هع




ويـــــــــــــــــــــــــــــــارب اتطمن اليوم واعرف وضعي كيف

[mola]

الف مبرووووووووووووووووووووووووووووك
الله يعطيك خيرها ويكفيك شرها
عقبالي ان شاء الله

[دلوعه غير]

مس حلم
صحباتك اللي سار لهم سنه هناك
كيف دوامهم يومي؟
وهل يداوموا من ة والا استقروا هناك؟

انا بصراحة استثقلت الروحة هيا مره وحدة رحت للاختبار وحسيت صعب اروح كل يوم
وحتى بابا يقولي صح الطريق كويس ومسفلت بس الواحد مايضمن اللي حولك كيف يسوقوا
عشان كدا مافكرت في موضووع الروحة ولا في السواقين

بس اذا كنا مجموعه ان شاء الله تدبر
انا زيك طقيت وحصلتو مقفل ونمت

[رقة الورد]

المشاركة الأصلية كتبت بواسطة دلوعه غير الف مبرووووك انا دقيت من 8_9 كان مقفل بس حبيت اسالك هل خلاص دي النتايج النهائية؟ ومتى تبدا المباشرة؟

والله ما أعرف اذا هية النتائج النهايئة ولا لا,,, بس أكيد ماحيقولوا للناس رشحناكم الا وهية النتائئج النهائية

والمباشرة قالوا ننتظر شؤون الموظفين