كعكتي أكلها الآخرون ... الدخول لـ " السعوديين فقط " !

[أحـمـد ظـافـر]

السلام عليكم ورحمة الله وبركآته


هدى : أنا أدرس في كلية الآدآب , أضافوا لي في الجدول ماده واحده فقط . ولم يسمح لي النظآم الموجود على الإنترنت بـ إضافة أي مآدهـ أخرى . في الأسبوع الأول لهذا الترم أخذت أمي وذهبنآ لـ الكلية , دخلنا على المسؤولة عن " الحذف والإضافة " (أجنبية) , بدون مقدمات ولاحتى سلآم , قالت لنا : عفوا النظآم عطلآن , تعآلوا الأسبوع القادم . في بداية الأسبوع القادم ذهبت لها وقالت موعدك يوم الثلاثاء ...
قررت أن أذهب لـ العميدهـ (أجنبية) , السكرتيرهـ : عفوا العميدهـ مشغوله , بعد انتظار اكثر من ساعتين قررت أن أذهب وأفتح الباب وادخل , سمعت ضحكاتها وأيضا سمعت أصوات ذهبها وفضتها وهي تتلاطم , سمعتها تتحدث عن مسلسل هي وصاحبتها ...!

خآلد : تكفى يادكتور أنا هذي المرهـ الرابعه اللي ارسب فيها , تكفى نجني بـ 60 بس ما أبي أكثر .. الدكتور(أجنبي) هو الوحيد الذي يدرس هذه المآده , محتكرها من عشر سنوات ...!

عبد العزيز : مدرس خصوصي(أجنبي) , في الترم الواحد اكسب أكثر من 20,000 ريال ... أنتم يالسعوديين أغبيآء ...!

علي : اليوم الشركه(أجنبية) ردوا علي بأني غير مقبول ... ليه ؟! ... لأني لست حسن المظهر ...!

*

إلى متى نرى الأجنبي في كل دحس وفي كل صوب و جهة .. لماذا الأجنبي يحظى بقوة ثقة عميآء سواءا من الحكومة او من رب العمل .. ليش عميدة " كلية الأدآب " أجنبية ..!

ليش أقراء لوحة على شارع مكتوب عليها " لجنة منع الأجانب من مزاولة التجارهـ " , وأطالع في لوحات المحلات وأحصلها كلها لـ الأجانب , حتى الشآرع مكتوب باسم الأجنبي ...؟!

ليش .... إلى ما لا نهااية ؟!

[سكون الورد k.a.u]

لانهم اقل رواتب وانا خيتك ...

ولانهم على قولتهم اكثر نفعاً ومايقعدون يناشبونك بكيكتك بل يكتفي بالفتافيت اللي ترميها له .. لان انت كمدير ومسئول اكيد تبي تلهم نص الكيكه لك لحالك ، والنص الباقي تتقاسمه مع الموظفين ، فلما يكونون عندك سعوديين ، رواتبهم معروفه وسلم رواتبهم حسب مراتبهم عالي ، وبهالطريقه راح يتقاسمون معك الكيكه كلها وانت تبي تخلي لهم بس نصها وتقاسمهم بالنص بعد

هذا حالنا اخووووي ، وماراح نتغير ابدااااااااااا ، لان المسئولين عن هذي الامور انا اشوفهم من شرار السعوديين على الارض ومايخافون الله فينا ، حنا مو من اليوم خيرنا لبرااا ، من سنين طويلاااااات وخيرنا لبراااااااااا وشرنا وبخلنا جواااا

يعني ذاك اليوم وحده من الاخوات تقول قصتها بأحد المواضيع انها قدمت على المستشفى هي وبنات جنسيتها وليس جنسها ، ومعهم وحده اجنبيه .. طبعاً كلهن رفضوا مع ان تقديرهم مشرف وعالي وكفوء للوظيفه (اتوقع صيدله) وتم قبول الاجنبيه وهم لااااااااااااااا ... ليش ؟؟؟؟ لان راتبها قليل ، وترضى بالقليل ...

يعني بالعربي يلزمونا على الرواتب المتدنيه علشان نتوظف ، علشان يمدي الحراميه من المسئولين يسرقون اللي يبون ..

لكنهم غفلوا عن :
(يَوْمَ لا يَنفَعُ مَالٌ وَلا بَنُونَ إِلا مَنْ أَتَى اللَّهَ بِقَلْبٍ سَلِيمٍ) ( يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُمْ بِمَا كَانُوا يَعْمَلُونَ )


مشكووور اخوي ، ولاعدمناك

دمتم بود

[دارس1431]

لازلت أستغرب من وجود الأجانب في وزاراتنا الحكومية !!

أما القطاع الخاص فهذة مصلحته ولا نمنع ذلك .. المهم لا يركن أبن الوطن وإعطاه 2500 لتسكيته !!


شكرا ياخوي..

[دارس1431]

تعقيباً على كلامي وكلام الأخت سكون الورد


لولا ضعف الأنظمه في بلادنا مانعم الأجنبي بهذا الكم من الرفاهيه على حساب أبن الوطن

وكذلك أحب أوضح للأخت سكون الورد أنه ليس صيحيح الأجنبي أقل راتب من السعودي

في الشركات الأجنبي أفضل في الراتب وخصوصاً بعض الجنسات العربيه والأروبيه من أصول عربيه الذين لا يملكون مايميزهم عن أبن الوطن سوا بالجنسيه

رواتب خيالية وبدل سكن ودوام ومميزات أخرى

اما تحملهم للعمل ابن الوطن يضايقه العمل لفترتين في بعض الشركات لأنه في وسط مجتمعة ويفقد تواصله ومسؤولياته خصوصاً مع الأهل

أما الأجنبي فهو قادم أصلاً لتقبل العمل مهما كان وكلها سنين معينه ويغادر

لهذا يجب أن يراعى ابن الوطن في فترات الدوام خصوصاً الفترتين المتعبه المنهكه


تحيتي

[O-DODY-O]

اخخخخخخخخخ

السعوديه عمرها ما راح تتغير خيرها لغيرها

والسعودي عاطل باطل

يحلم بالوظيفه <الوظيفه مايشوفها غير في احلامو


مشكور اخويا عالموضوع

[Aishah AL-farhah]

ولكن الأمر نسبيّ

هناك سعوديون كُثر مقابل الأجانب

كما أن في معظم بلدان العالم يوجد الأجانب

بوركت أخي

[* تركي *]

/


- عَآم 86 انهآر سوق النفط لـِ الأسوأ ، وَ على مآ أظن كآن سعر البَرميل 6 دولآر !!. حينهآ وَ من مجلس الوزرآء بَيآن صَآدر ينص على وجوب استحقآق 40% من رآتب كل موظف أجنبي كـَ ضريبة. ههه اليوم التآلي البَلد متعطلة ! تدرون ليش ؟! العمآل استقآلوآ. الظريف فِي الأمر إن البلد هَذه لآزآلت متمرغة فِي الفسآد عن طريق الإعتمآد على الآخر وَ التطفل الإقتصآدي - إن صحت التسمية - فـَ والله ألآ ريتَ النفط ينفد وَ ينضب ، حتى نعرف فعلاً إن الله حق !!.

- نَحن نَذهب الجَآمعة صَبآحآ لـِ نفكر " مآذآ سـَ نتغدى اليوم ؟! " ، وَ ننآم مَسآءً لـِ نفكر " آآآآه بغيب بكرة " ، وَ نقرأ الكتب مُرغمين فقط لـِ نختبر ، وَ نختبر لـِ نفكر " كم درجة حصلنآ " وننسى " كم صفحة تعلمنآ ".





::

ثآنكس

[O-DODY-O]

تعرفو شي

اخويا امس صاحبو كلمو قلو ترا الشركه الفلانيه عندها وظايف روح قدم

المهم اخويا امس راحلهم

قالولو انتا مين قلك انو عندنا وظايف اصلاً؟؟؟

قلهم واحد من اصحابي

قالولو اهاااا طيب خلاص بس خلص اوراقك بسرعه عشان نوظفك اخر فرصه يوم الاربعاء ولا ترا الوظيفه رايحه عليك

كلو شغل واسطات

[Joda Majed]

صبرٌ جميل وآلله آلمستعآن ~

لآتعليق بصرآحه

[*{سيموو]

وعليكم السلام ورحمة الله وبركاته .. ..

الأجنبي ...

ماتقدر تلومه ولا تقدر تقله ليش انت بكل مكان ..ببساطة الأبواب مفتوحه لهم

والسبب مو لأنهم أقل رواتب..

مراح اتكلم على الوظائف البسيطة .. خلونا نتكلم على القطاع الحكومي .. وبالأخص قطاع التعليم

تلاقيهم بكل مكان ... اعتقد يستحيل مدرسة او جامعة تخلو منهم ..

للأسف أنظمتنا ما عندها إلا الكلام .. لكن تطبيق السعودة .. تطبيق فعلي (إذا حجة البقر على قرونها )
يطبقون نظام السعودة..هذا اذا كانو يطبقونه.. من اقل الوظائف دخل .. لانهم عارفين ان الامر مرفوض من الغالبية

احنا مانحتاج .. تطوير في الانظمة .. أبدا
إحنا محتاجين هيئة مكافحة الفساد وبقوة .. محتاجين تغيير جذري وكلي لكل موظفين الوزارات -إلا من رحم ربي-

محتاجين وزراء قول وفعل .. محتاجين قرارات الملك تتنفذ .. مو وعود في الهوا ..

محتاجين بجد تجديد الدم بالوزارات وبالقادات بجيل واعي لمشاكل البلد .. مو وزير أهم ما عليه كرسيه


أعتذر ع الإطالة ... لكن بجد الموضوع يرفع ضغط الدم