إدارة صحية ..نزلو لي مواد لها متطلب في جدولي !!

[روضة]

مساء الخير
اخواني انا ادارة صحية مستوى رابع
سددت و لقيت المواد مضافة في جدولي
طبعا من شفت المواد مضافة و جاهزة تشوشت
المهم فيه مادتين اضافوهم لي و هم لهم متطلب
و فيه مادتين موجودين في الخطة و اخذت متطلبهم و ما اضافوهم
عموما انا رحت اضفت لي مادة من الثنتين اللي احتاجهم

بس سؤالي عن المادتين اللي اضافوهم و انا ما اخذت متطلبهم ؟
يصير ادرسهم يعني؟
الحين انا احتاج احذف وحدة منهم حتى اضيف اخر مادة
شسوي احذفهم و الا اخليهم؟

هذي هي تفاصيل المواد
أضافوها لي: pad376 , pad423 اللي لهم متطلب pad370
الحين انا احتاج اضيف pad201 و هي مالها متطلب
فياليت تفيدوني

[أسوووم]

مسساء النوووور


هم يضيفون مواد لك سواء كان لها متطلب او لا
وانتي تعدلين جدولك
بس اللي لها متطلب اببببدن ما يصير تاخذينها
احذفيها من الجدول واستبدليها بـ متطلبهم
حتى لو تروحين للجامعه وتقوليلها تضيفها لك اذا ماقدرتي

واضيفي هذي.. pad201 اذا بغيتي , ما انضافت معاك والا كيف..؟

[روضة]

أخوي / أو أختي أسووم
شكرا جزيلا لك على الإفادة
pad201 ماقدرت اضيفها لان ساعاتي فل
انا الحين سويت اللي قلت لي عليه و كل شي تمام

بس المشكلة ان ساعاتي مرة قليل > 13 ساعة
هل اقدر اضيف مقرر حر يرفع معدلي؟
هي وحدة بس اللي مقرر حر و بدون متطلب > ps111
شسوي طيب اذا بغيت مادة ترفع لي المعدل بس ماهي موجودة ضمن المواد المتاحة؟
و أساسا أقدر اضيف مقرر حر و انا مستوى رابع؟

شكرا جزيلا لك أسووم و لكل اللي بيجاوب عن أسئلتي

[أسوووم]

أختــك.. :)



ياالغلا معدلك نازل لااااازم ترفعينه الترم هذا لان لسى قدامك مشواار

تقدرين تضيفين ماده حره بس اهم شي تكون سسسهله
اسمعي انا اشوف انك لو تحذفين اي ماده عندك بالجدول تحسينها صعبه
وتستبدلينها بماده حره عشان يرتفع معدلك وتزيد ساعاتك

وش رايك..؟

[روضة]

شكرا لك اختي

المشكلة ان مافيه في المواد المتاحة مقررات سهلة
مثلا انا اسهل شي عندي الانجليزي
أقدر أضيف لي مادة حرة انجليزي؟ elca
طيب كيف اضيف مادة حرة من وين :(
و اصلا مو موجود بالخطة الدراسية للقسم مواد حرة او حتى اختيارية للمستوى الرابع
ماعرف ، اقدر اضيف مادة حرة و مافي في خطة القسم مادة حرة

[أسوووم]

انتي ماعليك من المستوى الرابع , حتى لو اخذتي من المستويات الثانيه عادي
بس مو زين تاخذين كثير اقصد بس المواد الحره عشان يرتفع معدلك

لكن... اذا الخطه كلهااا مافيها ماده حره ماراح تقدرين تاخذينها للأسف
شدّي حيلك مررره وان شاءالله يرتفع معدلك و الله يوفقك ان شاءالله.... :)

[روضة]

الا فيه مواد حرة في المستوى 7 و 8
خلاص بضيفهم بس يبغالي أسأل وش افضل المواد
مشكورة اختي تعبتك معاي <3