استشاره [عدم قبولي في قسم اللغة الإنجليزية..؟!!]

[jumonah]

احابه استشيركم انا كنت طالبة انتساب متخصصه انجليزي
والحمدلله اتحولت انتظام في الفيصليه ولكن خلوني مستجده واختبرت اختبار الانجليزي للمحولات ولم انجح مع العلم انه معدلي عالي الحمدلله ودرجاتي طيبه ايش الحل برأيكم ؟

[jumonah]

شكله سوءالي صعب ؟

[nour al3mr]

يا اختي لاتستعجلي بالإجـآبة فالوقت عامل مهم طلبة و موظفين فماذا تتوقعي...؟ =)

+

عليكِ اتباع ما أقروهـ عليكِ هنـآك أدرسي مواد عامة و حرة ومن ثم أعيدي التقديم لقسم اللغة الإنجليزي

+

يُنقل موضوعك للقسم الأنسب لأن هنا تجمع لطلبة السليمـآنية بالتالي تختلف الأنظمة المقرة على الطلبة في الكليات

بالتوفيق ..

[نوسو]

كلنا فالهوا سوا لكن الترم الثاني فيه اختبار حاولي تطوري لغتك لين الترم الجاي وقدمي من جديد والله يسهل الامر

[لهفة براءه]

طيب يابنات انتو الحين تخصصتو ولا لساع
انا للحين ماتخصصت ووشرايكم اتخصص ولا اطور نفس واقدم على الاختبار الترم الثاني

[رغد محمد]

،’

مساءكِ رضا يالغلا ..~

قمري ..~

ليش اختبرتي دامكِ كنتِ متخصصة قبل الإختبار ..؟!!

المفروض ماكان اختبرتي أبدًا ..!! دامكِ متخصصة المفروض تقولي لهم أنا متخصصة وخلاص وناجحة بِـ موادي وبعدين هم راح يرجعونكِ متخصصة ..!!

على العُموم يمكن الامر فيه خيرة لكِ قمري ..~

شوفي .. ألحين الأفضل لكِ إنكِ تختاري مواد عامة .. أو حُرَّة .. طيب علشان ترفعي معدلكِ في هـ الفترة زيادة .. طيب .؟!

وفي نفس الوقت .. أبيكِ تششششدي حيلكِ وتتعلمي لغة عنجليزية تماااام .. يعني جربي تكتبي برغرافات .. تحسني من مستواكِ وأداءكِ الكتابي .. ~

لاتضيعي هـ الترم كذا على الفاضي أبدًا .. ادخلي على مواقع تعليمية تفيدكِ .. أهم شيء لاتخلي هـ الترم يضيع عليكِ ع الفاضي ..~

لو أنتِ بجد مهتمة للغة .. إذا إتعبي على نفسكِ كثيييييير وبإذن الله فالكِ الخير الكثير ..~

بإذن الله هـ السمستر راح تستفيدي وتتعلمي .. ولما يأتي موعد الإختبار .. روحي واختبري ثاني مرة ..~

وياااااارب يكون العنجليزي من نصيبكِ قمري ..~

استودعكِ الحفيظ حياتو ..~

::

[MS.Fabulous]

ماقصرو البنات الله يعطيهم العافيه
شدي حيلك وخذي مواد حره وعامه وارفعي معدلك اكثر وادخلي الاختبار الجاي
بالتوفيق ان شاء الله

[jumonah]

نور العمر ربي يسعدك بس مو مستعجله صدقيني انا عارفه النظام بس خايفه لو اتخصصت مقدر احول
وكنت ابغا نصيحه فقط
رغد انا قصتي قصه ماخليت من يوم التحويل لانتظام وانا مو مقتنعه كيف خلوني مستجده
بس قلت انا واثقه من نفسي الحمدلله كويسه في الانجليزي وغصبن عني لازم اختبر عشان اتخصص ثاني لكن كان الاختبار مقلب والحمدلله على كل حال
بس دحين انقبلت قبول مشروط واتخصصت ثقافه اسلاميه
وعلى تنزيل المواد عني وفيه مجموعه معايا ماخترنا شي هما ينزلولنا المواد ومافي حذف واضافه
حتى اللي حابه تضيف وتراجعوهم مايرضو وصلنا لدرجه من التعقيد خياليه
انا كنت استغرب لما اشوف البنات يشتكو واقول اكيد يبالغو لكن الحقيقه انه حقوق الطالبات ضايعه
يسلموو بنات ماقصرتو .

[E.A.S]

الله المستعان والله شي يقهر

انا نفس حالتكم معدلي a++ وللاسف حولت انتظام مستجده ودخلت اختبار القبول وكان اكبر ضرربه للاسف وماقبلوني لين الحين :(

سؤالي لكم يا حلووين ايش قصدكم اننا ننزل مواد عامه وحره ؟؟؟ يعني انا الحين في الاوديس مستجده اداب وماتخصصت اي شي اقدر انزل مواد حره وعامه واختبرها بدون تخصص ؟؟؟؟

[MS.Fabulous]

eas
اها الحين فهمت سؤالك من موضوعك
لازم تروحي الكليه وتخليهم يخصصوك اي تخصص بس يفضل تخصص تكوني تحبيه نوعا ما في حال ماتم قبولك في الانجلش وان شاء الله يقبلوك
خليهم ينزلو لك مواد حره عندك قران مره حلو وينزلو لك مواد عامه الشباب وقيم المواطنه والثقافه والعربي 2 ومادتين سهله من التخصص اللي راح تختاريه وحاولي تخليهم ينزلو لك الجدول بأسرع وقت واذا مانزل طفشيهم لين ماينزل
موفقه ان شاء الله