النفسية تعبانة وش السوات في bus460

[اصيل الرياض]

بترك عني الكلام والمهايط الزايد انا ما حولك احد في الانجليزي والمشكلة خريج خررررررررريج ولا عندي الا ثلاث مواد
1- بحث وتدريب
2- ادارة اعمال دولية باللغة الانجليزية
3- ثقافة اسلامية 401

الزبدة اني الفت الفت كتاب وسوييييييت شوارع في ورقة الاجابة يعني لو الدكتور بيرفعني بونش انقطع الواير وما شالني (ماااااحليت يعني استحي حتى اسلم الورقة ) طبعا تقولون وشلون نجحت في الي قبلها bus103 نا اقولكم انا درستها الترم الصيفي الي راح والزبدة انها عند الدكتور ناااصر كدسة وانا سويت لها كم نفق على كم حفرية في الورقة وسلتها وانا طالع لقيت وجهة وجهة وجهة منيب نااااسية طول عمري ما عرف اسمة قال الدكتور يقول محد ما خذ اقل من 60 في 103 والله وكلها يومين ودرجتي نازلة 60 انا صدقت الوضع وجيت ادربي راسي هالترم بس شكلها مااااافية 60 علمونا يالربع يا ............. وش الدبرة لا تقولون اقعد ترم عشان مادة لاني لو بعيدها بجيب درجة اقل من الترم هاذا

[عمر الغامدي]

بلغ الدكتور انكـ خريجـ .. و ان شاء الله ينجحــكـ


و ألف مبروكـ التخرج مقدما

[عمر الغامدي]

ممكن تفيدني عن البحث و التدريب

عندي الترم الجاي ان شاء الله

( مطلوب كل المعلومات اللي عندكـ عن هالمادهـ )

باركـ الله فيكـ .. و يسر الله أموووركـ

[اصيل الرياض]

اخوي عمر مشكور وراسلني على الايميل بخصوص البحث الي تبية

[صلاح العبدالله]

اذا المادة عند الدكتور ناصر كدسه من الحين اقولك مبروك التخرج
دكتور طيب ولا يرسب احد فما بالك للخريجين

[& ســـاري &]

مبروك التخرج ، مقدماً

ولا تشيل همّ

[طالب mis]

يارب تتخرج روح اشرح للدكتور امرك وإن شاء الله يتساعد معاك ونقولك كلنا مبروك التخرج بس اهم شي حلاوة للاعضاء كلهم

[اصيل الرياض]

يا شباب النتيجة طلعت ورسب وربي ماني عارف وش اسوي يعني حرام فصل كامل عشان مادة