وصل وفراق

[gold king]

وصل و فراق

كنا نعيش الوصل في موتة فراق
وكنا نعيش الحب لحظه سعيده
احباب تجمعنا السعاده والاشواق
واطفال يجمعنا السلام بوريده
ايامنا مرت مسافات واشراق
العشق يامر والخواطر عبيده
نسج نسلى ونتسلى بالاوراق
ونغني اللحظه قصيده قصيده
نحفظ كلام الحب واللي لنا راق
ونجّمع احلى ما نقل فالجريده
واقول وش تحفظ ترى القلب تواق
يسمع من لسانك قصيده جديده
ويقول انا لك جيت مشتاق مشتاق
الشعر واجد والمعاني فريده
حفظت لك بيتين تضرب فالاعماق
عزالله ان اللي كتبهن وليده

ياليت ربي ما خلق كلمة فراق
ولا خلق بعض الحظوظ البليده
كان العمر طالت مشاويره عناق
وعشنا الفرح طول الليالي المديده

صح الله لسانه عدد لاح براق
وش قولتك يا تاج حبي وسيده
قلت المشاعر صغتها ضمن عشاق
الشعر شعري وانت تكفى تعيده
قال انت شاعر قلت يبسن الارياق
من كثر ما حليت عسرات قيده
امسي وانا فكري على الجزل حراق
واصبح ولي فاحلى القصايد فريده
حبك جعلني لاجمل الشعر منساق
اغوص بحره وافتخر به واجيده
مدام وصلك غايتي وانت لي باق
والله لا اعسف الكايده والشريده
ووالله مدامت طلتك بين الافاق
ما اقفل مجال الشعر واكف ايده
انت الوحيد اللي ليا هاجسي ضاق
بيحت من بوح المشاعر عنيده
مزيونةٍ عذراء وفيه بالاخلاق
ما عابها اللي يعرفون النقيده
ما عابها الا حظي الميت العاق
اللي جعلها ذكرياتن مجيده
انسى وهي غنت على مكسر الساق
اللي تبيه اليوم داره بعيده

مما راق لي