استفسار عن أقسام الجامعه للطالبات وموقعها..

[Air]

بسم الله الرحمن الرحيم
السلام عليكم ورحمة الله وبركاته

محتاجه مساعده اذا سمحتم
مطلوب مننا احضار الاصل من شهادة الثانوية العامة للجامعه قبل الإختبارات وإلا ......<< ما أحب أفكر بالعواقب
وطبعا حبيت اعرف لفين اخذ الشهاده وفين موقع شطر الطالبات (اقسام شطر الطالبات) والله ماني عارفه شي واخاف اروح واجيب العيد _ اطرش بالزفه_
ربي يسعدكم اللي عنده او عندها خبره تخبرني عن المكان واي بوابه وفين اروح.؟؟
عذراً شي أخر..... الملابس النظاميه لو سمحتم ماودي اخذها طرده من اول يوم....

انتظركم
وشكراً جزيلاً

[ترانيم الصمت]

وعليكم السلام ورحمه الله

انا سالت قبلك عن الشهاده الاصل وكذا قالوا لي انو مو مره لازم وان الدفعات اللي قبلنا مااطلبوها منهم
وبخصوص الملابس بنت عمتي تدرس بالجامعه انتظام عادي زي اي جامعه مافيه الوان او شئ محدد تنوره وبلوزه
وسمعت سمعت بس ماني متاكده سمحوا ببنطلون" السكيني "بس البلوزه فوق الركبه بشوي يعني تكون البلوزه مره طويله !!

^_^!! اتمنى اكون قدرت افيدك ولو بشئ بسييط
تحياتي لك..

[Air]

يسعدك ربي اخيتي
وشكراً جزيلاً

[مانيلا*_*]

والله انا زيك ابي رد لان يوم سجلت بالجامعه من ضمن القوانين ان لازم نحضر شهادة الاصل قبل الاختبارات
النهائيه وهم مراح يدقون او يرسلون لنا باننا نحضرها لازم احنا من انفسنا وماهم مسؤلين عن اهمال بعدم الاحضار
بس كمان قالو طلاب ان مو لازم ومحد قالهم شي بس انتي لو تقدرين تدقين علاهم يكون افضل وتعطيني خبر مدام انتي
في جده<<مصلحجيه لووووووووول

[miss moka]

اي قوانين انا أول مره أسمع فيها

حتى لمن رحت للمؤتمر الإرشادي ماكان فيه شي زي كذا

بس قالو تجين قبل الإختبار بساعتين