- درجات الثقافه الاسلاميـه - ( خطأ x خطأ )

[B N D R]

اخواني واخواتي..

انا ملاحظ ان الجميع يتفق على ان هناك خطأ في ترصيد درجات الثقافه الاسلاميه..

الكل يقوول انه حال زين وبالاخير الدرجه غير مقنعــــــه..

انا بالنسبه لي .. كنت حافظ الكتاب من الألف الى الياء - وغير اني حافظه فاهمه بعــد زين..

الزبــده اني - ومايحتاج احلف - اني متأكد اني حال الاسئله جميعها - فقط سؤال واحد كنت شاك فيه
ولما رجعت للكتاب لقيت ان الاختيار كان صحيح..
يعني بالعربي كانت اجابتي نموذجيــه 100 % ..
حليت حل اتحدى دكتور الماده بعـــــد يحل مثله ..
لكنني تفاجئت ان درجتي 78 ..
بصراحه شي يقهــــــــر ..

انا اشك اذا فيه احــد اخذ بالتسعينات ..
ليش ماادري..
هل تتوقعون ان دكتور الماده عند قناعه ان ماحد ياخذ ممتاز بالماده ؟؟!!!
او هل هناك اخطاء بالترصيد..؟!!!
أو الكمبيوتر مخبــط الي اجرو عليه التصحيح؟!!!

كل هذي علامات استفهــام .. ودي تشاركوني بدرجة الثقافه الاسلاميه ومدى رضاكم عنها..

اهم شي لايجي احــد يقول ان الاسئله كانت صعبــه وفيها لفات..

[محمد مهدي]

أسئلة الثقافة كانت تركز على الحفظ أكثر من الفهم
أنا كنت متوقع نتيجة أفضل
كنت شاك في 5 أسئلة رجعت للكتاب وشفت 3 منهم صح
بس الحمد لله كانت النتيجة مرضية نوعا منا وإن كنت أتوقع أفضل
درجتي 90 يعني 5 اسئلة خطأ

[سعد الحويزي]

انا مثلك انا جبت 76 وكنت متوقع 90

[حلم الطفوله]

الله يعينك ياخوي لازم تراجع الجامعه اذا انت متأكد

والله يستر من الباقي

[نواف س ن]

ايش اللعب هذاااا
وقسم بالله اني انظلمت في درجتي في الثقافة
والله مسخره وفية تلاعب الواحد يكرف من المذاكره واخرتهاا يحطون لي درجة على كيفهم مررره ماكنت اتوقعهاا اتحدى اذا انهم مصححينها عن طريق الكمبيوتر
مهزلة واقولها بالفم الملياااان وماراح اسكت عن حقي
لاني كنت واثق من حلي و اني راح اخذ درجة احسن من الي اخذتها بكثير
من جد من جد قمة المهزلة ما اقول الا حسبي الله ونعم الوكيل

[ابوميان999]

ياجماعه والله مستحيل درجتي 68 قسم بالله متأكد مليون بالميه درجتي فوق التسعين واللي رافع ظغطي كنت متوقع أرسب في اللغه العربيه لكن الحمدلله جبت درجه حلوه هذا اكبر دليل ان التصحيح خبط لزق من جد شي يرفع الضغط
بصراحه أقترح على الجامعه يحطون نماذج الحل على الموقع عشان كل واحد يراجع حله ويكون هناك شفايفه وبدون تلاعب في التصحيح

[الـــدولار]

لآحـول ولآ قـوهـ إلآ بالله


والله من جـد مهزله وقمه بالتلآعب


حسبي الله ونعم الوكيل 0 0

[ONLY6]

احمد ربك انا f فيها

[آل صفر آل بارد]

شباب


اسئلة الثقافه صحيح كانت سهله ... بس مو سهلة جدااا ... يعني الي مو حافظ زين يلخبط فيها صراحه ...

وبالنسبه للدرجه صراحه انا اشوف انها منصفه .... انا اخذت (90) واشوف انها واقعيه ... ويمكن اكثر من المتوقع بالنسبه لحلي ...


شباب ترا احيانا الواحد يحل وعلى باله انه مبدع .... وهو حله نصه خطأ ...

توكلوا على الله ... والباقي اجمل ان شاء الله .... انه ولي ذلك والقادر عليه ...

[رامي العبدالله]

أنا اعتقد بأن نتيجة مادة الثقافة الإسلامية .. هي نتيجة التحليل الكمي ، وهذا شيء غير مستبعد .
لأن سبحان الله العظيم كل مايدور حول تلك النتيجة .. ينطبق على التحليل الكمي ، سواءً من حيث
الرسوب أو من حيث ضعف النتائج لنا كناجحين أو .. أو ...

أمّا بالنسبة لــــلّـــف والدوران في اسئلة هذه المادة ، فإنها كانت واضحة .. مع أن الشخصية التي وضعت أسئلة الثقافة .. هي نفسها الذي وضعت أسئلة اللغة العربية .. بمعنى أنها شخصية غاوية
للأسئلة التعجيزية بكل ماتحمل هذه الكلمة .

تحياتي