الرقــــم بـايــخ .... لكن الصوت قــتـــال !

[cOrAbEcA]

قريتها واعجبتني وضحكتني بقوه
منجد شاعرها رايق ورهيب





البارحة جاني مـن الحـب مرسـال
من عقب ما بيني وبينـه خصيمـة

وانا ترى في الحـب مانيـب فعّـال
ولا بعـد ولّـع بقلـبـي هشيـمـه

ولا بعد غنّيت فـي ساعـة وصـال
ولا بعـد ذقـت الفـراق وجحيمـه

ولا جرى دمعي علـى الخـد همّـال
ولابعـد جربـت مــرّ الهزيـمـة

حتى وردنـي تالـي الليـل جـوال
وانا على شاهـي وبسكـوت ديمـة

الرقم بايـخ لكـن الصـوت قتـال
كنه مثـل صـوت المذيعـة حليمـة

قالت مساء الخير يـا طيّـب الفـال
قلـت ارحبـي ترحيبـةٍ مستديمـة

بالعود والصفـري ودلـة وفنجـال
واجبك يا بنـت الأصـول الكريمـة

ردت بضحكة ثم قالت وش الحـال؟
قلت اشهد إن الحال عقبـك سقيمـة

قالت وهي تضحك بعد مثل الأطفـال
وانـا بعـد كنـي بدونـك يتيـمـة

من يـوم قالتهـا تزلزلـت زلـزال
من فجعتي كنـي مسـوي جريمـة

قلت ارفعي صوتك ترى مابه ارسال
كـذاب لكـنّ المصيبـة عظيـمـة

قالت أقول اسمع ترى هرجنـا طـال
ممكن تصاحبنـي ترانـي وسيمـة

واسمي الحقيقي أول حروفه الـدال
لكـن يسمّونـي البنـات الزعيمـة

صحيح أحب الفخفخة واعشق المال
لكـن ترانـي طاهـرة مستقيـمـة

ما عندي امغازل ولا (لعـب يهّـال)
ما عندي إلا في الشرف والحشيمـة

بس الصراحة قلبي لشوفتـك مـال
واصبحت وحدك جالسٍ في صميمـه

فكّر بعقلك واتـرك القيـل والقـال
واحذر تطيع اهل العقـول العقيمـة

وارسل علي الحين خمسميـة ريـال
أشحن بهـا جـوال أختـي غنيمـة

أو طقم غالي فيـه خاتـم وسلسـال
أروح به فـي عـرس ولاّ عزيمـة

قلت الحقيقة مانيـب رجـل أعمـال
ولانـي بتاجـر والمـوارد عديمـة

أنا الصراحـة شبـه عطّـال بطّـال
وعلاقتـي بالفقـر جـداً حميـمـة

والراتب الله يرحم الحـال مـا زال
محدود والمصـروف ربـي عليمـه

والديـن بـالآلاف والبنـك شغّـال
ياكـل فلوسـي بالربـا والظليـمـة

والسوق طايح والغلا ضيّـق البـال
والموت والله صاير اكبـر غنيمـة

قالت تحمّل بـس والحمـل ينشـال
خلك شديد البـاس صلـب العزيمـة

ياخي تصرّف جعلك اتصيـر نشّـال
أهـم شـي إن النـوايـا سليـمـة

لابد تفهمنـي علـى كـل الأحـوال
ما دمت من أهل العقـول الفهيمـة

قلت إيه والله فاهم اللي على البـال
لكـن تـرى هـذي علينـا قديمـة

يا بنت هـذا صايـر اليـوم مـوال
للي تبي تلعب علـى ابـن اللئيمـة

يا بنت ما تدرين كـم فيـه محتـال
يلعب على الحبلين وانتـي غشيمـة

يا بنت كم من جاهلة دمعهـا سـال
من عقب ما جات العواقـب وخيمـة

والبنت لا اقفى عرضها بيد الأنـذال
والله مـا يبقـى لهـا أي قيـمـة

قالت تبـي ولاّ فخلّـك علـى جـال
مهـوب ناقصـي نصايـح حكيمـة

عز الله إنك للأسـف منـت رجّـال
وانك قليل الذوق مـا فيـك شيمـة

يا لعنبو اللي مـا يسطّـرك بنعـال
حتـى يعلمـك الغـزل يـا بهيمـة

( تفو ) عليك وصكّت الخط في الحال
مدري ( تفو ) هي مدح ولاّ شتيمـة



وسلامتكم

[تـفـاااحـه]

مو كانه الموضوع
ولا يتهئالى

بس الصراحه حلوه كل مره اقرئها افطس ضحك عليه
اخرت الموال والقيل والقال صار يشكيلها الحال

[.SuperGirl]

والله حلوة ياكوربيكا
مشكوور
تصدق دوبني عرفت انو كوربيكا
واحد في القناص!
كنت مخططة اسألك عنو؟
بس خلاص عرفت

[cOrAbEcA]

المشاركة الأصلية كتبت بواسطة تـفـاااحـه مو كانه الموضوع ولا يتهئالى بس الصراحه حلوه كل مره اقرئها افطس ضحك عليه اخرت الموال والقيل والقال صار يشكيلها الحال

هاتي الرابط

[cOrAbEcA]

المشاركة الأصلية كتبت بواسطة sue9011 والله حلوة ياكوربيكا مشكوور تصدق دوبني عرفت انو كوربيكا واحد في القناص! كنت مخططة اسألك عنو؟ بس خلاص عرفت

كويس إنك عرفتي.. خخخخخخ

تسلمي ع المرور سومي..>>> خلاص بناديكي سومي.. خخخخخخ

[m!ss bonbon]

ههههههههههههههههههههههههه

والله حلوه يسلموو يا كوربيكا

[%الزعيمه%]

ترى انا اللي دقيت <<< لحد يعلم

[طقوس ..~]

( تفو ) عليك وصكّت الخط في الحال
مدري ( تفو ) هي مدح ولاّ شتيمـة



قسم بالله قويه وجهه

هههههههههههههههههههه

حلوووووه

[cOrAbEcA]

المشاركة الأصلية كتبت بواسطة m!ss bonbon ههههههههههههههههههههههههه والله حلوه يسلموو يا كوربيكا

هلا والله بون بون..

نورتي..

[cOrAbEcA]

المشاركة الأصلية كتبت بواسطة %الزعيمه% ترى انا اللي دقيت <<< لحد يعلم

حـلوة..

بـس لا تعيديهــا.. خخخخخخخ