مشكلتي مع مادة اللغة العربية

[لجين@]

السلام عليكم ورحمة الله وبركاته

اسعد الله مساكم بكل خير

طبعا نلت درجات اختباري العربي
اخذت في اول اختبار =19
والثاني=14

انا مرة انصدمت مع اني كنت مذاكرة وتعبت عليه
بس ماعرف ليش كذا ><
امكن لاني كنت علمي والعربي ماكان من الاولويات في الدراسة وقليل

او ان مذاكرتي للعربية فيها خطأ

فأنا حابة استفيد منكم ...وكيف طرق مذاكرتكم للعربي

هل في ملخصات تطلعو على نماذج

حابة احد يساعدني

لان الفشل ابد مومن قاموسي بس ذا العربي

دعواتكم لي بالنجاح في النهائي اكيد بيكون كثيررر ويفقع القلب

[لحظتي]

آآآه على جروحنا نغني ي اختي
تخيلي اني الدوري الأول ما ذاكرته و كانت الدوس صعبه عندي و خذيت درجـه حلوه مررره
و ب الثاني الي كله يأكلون و طالبات أشياء تافهه مره جبت فيها درجه سيئه
مادري العيب فينا والا فيهم
الله يستر علينا , احسن شي تراجعي الاستاذه تقوليلها ابغى اشوف ورقتي
شيكي عليها و ان رفضت روحي الشؤون طالبي ب هالشي

[روما,,..]

نصيحه من اخت ذاكري من دحين نصيحه مني

[لجين@]

اانا ذاكرت بس الاختبار ماحليت فيه انا مررررة النفسية قلبت ><
معقولة 40 مشاهدة ولااحد يرد مررة شكرااا

[المشتاقه لخالقها]

ياحبيبتي العربي عقدت العلمي هههههههههههههه


ماعليك ذاكري وان شاء الله تجيبين درجة حلوه بإذن الله

هو صح إنو مكثف لاكن اهم شئ افهمي وحاولي انك تحلين نماذج قبل الاختبار

درجاتي كانت اخس منك والحمدلله عديت الماده

http://www.skaau.com/vb/showthread.php?t=230430

هنا ياحبيبتي في كل الملخصات


تقبلي تحياتي


وبالله التوفيق

[حربية]

ما كانت عندي طريقة معينة للمذاكرة غير إني أكتب كل التفاصيل اللي تقول عليها الأستاذة و أذاكرها تمااام و أطـــبـــق في التمارين ..

ويوم الإختبار أركـــز في كل كلمة وكل حرف لأنها ممكن تغير في الجملة و الحمد لله ^^


الله يوفق الجميع ..

[Sarah Alharbe]

القاعدات الي في الكتاب والامثله

بس اهم شيء القاعدات احفظيها زييين وذاكريها

من خلالها تجي الاساله

[مغرورة بكيفي]

كلام البناات صصح وانشاءالله ربي يسهل لنا كل صعب يالغلااا

تحياتي

[ls3t shqawah]

درجاتنا في العربي اغلب البنات ناازلللله جدااااا ..

انا مثلك درجاتي معفنه الحمدلله الأول ما ذاكرت فيه شي وجبت 18 ما زعلت لاني ما ذاكرت اصلا شي
اما الثاني جلست يومين طول الوقت اذاكر فيه سويت مثل ما قالو البنات حفظت القاعدات تمااااام وفهمتهاا وحليت نماااذج وراجعت وفي النهايه جبت 22 وكمان كنت اكتب عند كل سؤال القاعده كاملة قبل ما اختار على ورق وما فاد مو عارفه ليش وايش هرجة العربي ده وليش كده الاغلب ما يحل فيه والمصيبه الدروس سهللللله وكنا نذاكر اشياء اصعب ونجيب درجات كامله ربنا كريم لازم نشوف لنا حل فيه ههه ...

[RHF]

ممممممم لي كدا يا قلبو

ما عليكي غير انك ( تستوعبي ) القاعدة ،

بعد ما تفهمي القاعدة و تسسستوعبيها مزبوط و تفهمي فكرتها ،

ارجعي للامثلة و طبقي عليها كلام القاعدة ،

( زي الرياضيات نفهم القانون و نطبق عليه )

المهم و انتي بتشوفي الامثلة اللي في الدرس ، حيكون الشرح حقها مكتوب ، ازا في شي ما عرفتيه طالعي للشرح ،

وبعد ما تخلصي القاعدة و الامثلة ، روحي التمارين ( بالزات الاختياري و الضبط )

دا حليه مزبوط ،

ولا اوصيكي اهممممم شي ، اهم من القاعدة والامثلة والتمارين ،

عليكي بالنمازج حقت السمسترات الماضية

الاسئلة ازا ما كانت نصا جايبينها ، حيكون نفسسس الشي بس اختلاف بسيط ،

وبازن الله حتجيبي درجة عالية ،

عندك فرصة اخيرة ، الفاينل ، سوي فيه الكلام الي قلتو لكي و ان شاء الله تجيبي ال 40 كاملة

//

باسأل : في احد يدرس مع دكتورة حسنا ؟ ازا في احد يدرس معاها ، يقولي من فين اخد الدرجات ، لانو قالتها المحاضرة الماضية وانا ما كنت حاضرة ، قولولي هي تحطها عند المكتب ولا لازم اروحلها شخصيا ،،

/ رهف /