سؤال ضرورى بخصوص فاى فى الاحصاء تكفووووون

[الجنرال2]

ابغى اعرف كيف استخدم الجدول تكفوووون الوحدة الثامنة هو ارجو الرد قبل الاختبار ما يبدء

[مجروح الزمن 11]

المشاركة الأصلية كتبت بواسطة الجنرال2 ابغى اعرف كيف استخدم الجدول تكفوووون الوحدة الثامنة هو ارجو الرد قبل الاختبار ما يبدء

سلام يا جنرااااال القلووووووب شخبارك


شوف عيوني بختصر لك الموضوع وراح تحل سؤاله باذن الله ميه بالميه >>بس ركز معي شوي


اول شي لازم تعرف ((صفرH)) انها تعني فرض العدم >>و((H1)) تعني الفرض البديل
طبعاُ حنا نتكلم عن مسائل مربع كائ الي هي((العلاقة بين صفتين من المجتمع محل الدارسة يعني مدخن وغير مدخن وناجح وراسب ))والعلاقة بينهما

لما تجيك البيانات راح تكون في جدول ((والجدول هذا فيها العلاقه مثل ما قلنا اي علاقه مدخن وغير مدخن او مصاب وغير مصاب اوووو اي علاقة بين صفتين اسميه او ترتيبه ))

تمام ....

هو راح يعطيك بالسؤال قيمة ((X تربيع المحسوبه )) وراح يعطيك مستوى معنويه a
ويطلب منك هل يوجد علاقة بين البيانات الي اعطاك ((مدخن ومصاب اوووو ))

ركز >>>>صفرH =فرض العدم يعني لا يوجد علاقة >>>>حلو الكلام

ناخذ مثال سريع

مثل اعطانا قيمة ((Xتربيع المحسوبه=2.390)) وبعض الاحيان يقول احصاة الاختبار وبعض الاحيان يقولك X تربيع الفعليه >>كل الطرق تودي الي روما >>المهم انه رايح يجيب لك الاكس تربيع

وراح يعطيك مستوى معنويه >>مثال a=0.2 ممكن يكتبها لك a=0.2000 >>لاحظ الاصفار الي على اليمين ما تعني اي شي >>>اهم شي 0.2

____________________________
طبعاُ هذا مثال للتقريب فقط

طيب ندخل فالمهم هو اعطانا
((xتربيع المحسوبه او الفعليه تساوي =2.390)) وكذلك اعطانا المعنويه a=0.2
وطلب منا هل توجد علاقة ولا لا

اول خطوة تسويها تررروح للجدول الي بيكون بالسؤال >>الجدول الي فيه البيانات
وتحسب الاعمدة الافقيه وتحسب الاعمة الراسيه وتنقصه من كل اعمده 1 وتضربها في بعضها يطلع لك درجة الحريه >>>((درجة الحرية تلاقيها في الجدول مربع كاي الخانات الي على اليسار ...والخانات الي فوق درجة المعنويه))

طيب نكمل
حصلنا ان الاعمد الافقيه =3
والاعمدة الراسيه =2

على طول ننقص من الاعمد الافقيه 1 ويصبح العدد عندنا =2
وكذلك ننقص من الاعمدة الراسيه 1 ويصبح العدد عندنا =1
وبعدين نضرب 1ضرب 2 = 2 اذن هاذي درجة الحرية >>>>حلو الكلام

الان عرفنا درجة الحرية الي=2

ممتاز كذا

طلعت المعلومات عندنا بهذا الشكل
درجة الحرية =2
مستوى المعنويه الي هو اعطاكa =0.2
و xتربيع المحسوبه =2.930 >>>هو اعطاك رقمها

على طول تروح للجدول وتبحث عن درجة الحرية 2
وتبحث عن مستوى المعنويه 0.2
والرقم الي يطلع لك ((المقابل للنقطتين يعتبر قيمة xتربيع النظريه وبعض الاحيان يسمونها الجدوليه ))

جنرال خلنا نروح نشوف الرقم فالجدول ونشوف كم
طلع الرقم =3.2189

طيب بعد ما جبنا الرقم الي هو قيمة xتربيع الجدوليه او النظريه
نشوف هل قيمة x تربيع المحسوبه اكبر من النظرية ولا لا؟

اذا كانت xتربيع المحسوبه اكبر من xتربيع النظريه >>>نرفض فرض العدم ونقبل الفرض البديل يعني توجد علاقة

واذا كانت xتربيع المحسوبه اصغر من او تساويxتربيع النظريه >>>نقبل فرض العدم اي لا توجد علاقة

من المثال الي كتبناها سوى يتبين ان انه xتربيع المحسوبه اصغر من xتربيع الجدوليه
اذن نقبل فرض العدم >>>لاتوجد علاقة بين الشي الي حنا اخترعناه
___________

راجع الصفحة من260 حتى 264 على الطاير عشان تشوف منطقه رفض العدم وين تكون وتسهل عليك ان شالله

اتمنى اني افدتك >>ومعليش على الشررررررح سريع

[الغريب2]

الله يعطيك الف عافبة اخوي مجروح الزمن 11 كفيت ووفيت الله يوفقك ان شاء الله

تحياتي

[مجروح الزمن 11]

صووووووورة ثانية عشان ترسخ المعلومه بذهن الجميع

بعطيكم مثال بس لا احد يضحك

اعتبر ان ((xتربيع المحسوبه ))الي راح يعطيك هي بالاختبار >>>اعتبرها دبووووس >>دبوس الصغير الي يفقع النفيخات

واعتبر ان ((xتربيع النظرية)) نفيخه كبيررررررة ومليانه هووووواء

يعني الي احنا نجيبها النفيخه وهو السؤال بيجيب الدبووووووس

اذا كان الدبووووس يدخل في منطقة النفيخه ((يعني اصغر من)) >>ممكن يفقع النفيخه >>اذن لا توجد علاقه

واذا كان الدبوووووووس خارج منطقه النفيخه ((يعني اكبر من )) ما راح يفقع النفيخه >>>تووووووجد علاقة

افهموها كذا >>>>>>>>>>>>اخر حل وصله مجروووووح ههههههه


والله السؤال هذا مهم >>>مابي اقول صعب ان شالله يكون سهل للجيمع بس لا احد ينسى الدبوووووس حق الاسئلة اذا فقع النفيخه >>>ما فيه علاقة متضاربين ولا يحبون بعض
واذا ما فقع النفيخه >>>فيه علاقة ويحبون بعض

محبتي لكم مشكوررر يالغريب و الله يجزاك عنا كل خيرررررر