طالب سنة تحضرية في الهندسة حالته مزرية !!

[MLR]

بسم الله الرحمن الرحيم

السلام عليكم ورحمة الله وبركاته



الكتاب باين من عنوانه , منزل 15 ساعة في الترم الأول (ماث 202 و فيزياء 202 و ie200 و برمجه EE201 و عربي و معمل كيمياء)


الى الان ما ضمنت النجاح في اي ماده

ومن يوم السبت عندي اختبارات ورى بعض من فاينال ديفينس الى اختبار البرمجه


انا ماني عارف هل انا طالب ؟؟ او فأر تجارب ؟؟ او حمار ؟؟



انا من ذحين اعلن استسلامي حاولت وحاولت قد ما اقدر نووم ما انام مذاكرة مو مقصر

يعني حتى الماث والفيزياء والله ذاكرت قد ماقدر ودرجات زي الزفت عشان ماقدرت ادي كل ماده حقها

صار عندي تبلد الى الان ما فتحت الماث ولا حفتحها تجي بالبركة حتى لو اف خلاص انا طفشت ومليت



ماني عارف هل كل الطلاب زي ولا لا؟؟



يرحملي امكم اللي بيتشمت يطلع بره

[sultanooh]

وعليكم السلام ورحمة الله وبركاته

سجلني واحد مثلك

مرررررررررة مذاااكرة وتعب وجهد يومي وحضور محاضرات ونشاط وتقديم واجبات ومشاركة في المواد ودايم اسأل الدكتور في الاشياء اللي مافهمتها

وكل الاختبارات ما ادخلها الا وانا مختم الجزئية اللي معانا ومراجعها لدرجة ان خلاص مافيه شيء اذاكرة

ادخل الاختبار واشوف اشياء معقدة يعني صح هيا اسئلة من المنهج لكن فيها مطبات وفيها فكرة بسيطة لكن احنا مادرسنا هذي الفكرة فكيف راح نحلها

فيه كثير اخطاء عندي في الاختبارات بعد الاختبار اكتشف ان السؤال تاافه وفقط فيه فكرة بسيطة تسويها يطلع الحل سهل

لكن الدكاترة مااااش محد يشرح ابد لكن انا اقولك

اكيد انت بقيلك 4 ايام يعني تخلص يوم الثلاثاء

حاول تقاوم وحاول تذاكر رغم اني اعتقد ان المذاكرة = راسب والمو مذاكرة برضوا راسب

لكن حاول تفتح المواد وتذاكرها لو جات درجات مو كويسه او رسوب انت تكون مسامح نفسك

اما لمن ترسب وانت مو مذاكر حتجلس تلوم نفسك

انا الان ماسك المواد طبعاً ماحذاكر كل حاجة بحاول اذاكر الاساسيات او القوانين لكل شابتر او اني احاول افهم الشابتر عن ايش يتكلم وحأتوكل على الله

إن نجحت فمن فضل ربي وحده وإن رسبت فمن الدكاترة ومن الشيطان لا من نفسي المجتهدة

كلها كم يوم ونخلص وتطلع الدرجات ونعرف هل حننجح او لا

بالتوفيق للجميع ويارب ينصرنا عليهم

[الخلوق]

وعليكم السلام ورحمة الله وبركاته


أخي :لا تيأس .... كلنا زيك أول ما صرنا مستجدين واجهتنا صعوبات ، أنصحك نصيحة: إلتجئ إلى الله في الثلث الأخير من الليل وادعوه بأن ييسر أمرك وكن واثق بالاجابة وأنه هو المسهل والميسر ...... اللحظة هذي اللي تمر فيها مرت فيني لما كنت مستجد .... شي طبيعي إن الواحد في البداية تواجهه صعوبات ، ومو عيب إنه يفشل العيب إنه يستسلم للفشل ...... فلا تيأس ...... أنا عارف إنه ما بقى إلا كم يوم على الاختبار وصعب إنك تذاكر وتفهم منهج بكامله لكن ذاكر الجزء السهل من المادة وافهمه وحاول تركز فيه فكونك تذاكر وتفهم شي بسيط خير لك من ألا تذاكر شي ، وما تدري يمكن يجي الاختبار من الشي البسيط اللي ذاكرته والله ما تدري تراها بيد الله هو بيسهلها عليك

لا تيأس وتفائل بربك وإلتجئ إليه ، وتذكر:(وقال ربكم ادعوني أستجب لكم) ، (أمّن يجيب المضطر إذا دعاه)


واعلم أنه:
إذا لم يكن عون من الله للفتى ............. فأول ما يجني عليه إجتهاده


أتمنى لك التوفيق والسعادة



تقبل مروري ...................

[saleh alsagri]

الله يعينك ... ويارب انك تنجح وتطلع من الهم اللي انت فيه ..

[zelme]

السلام عليكم
أخي حبيبي لااااا تحزن كما قال الله تعالى (إذ يقول لصاحبه لا تحزن إن الله معنا)
وكلنا والله متعرضين لهذي المحن والصعوبات
وتذكر :اللهم لا سهل إلا ما جعلته سهلا وأنت تجعل الحزن إن شأت سهلا
والدعاء الدعاء...... كما ذكر أخي الخلوق
وأسأل الله لك التوفيق وأن يفرج همك ويكشف كربك وييسر دربك في الدنيا والآخرة
صح نسيت: دعاء الأم والأب لك انتبه تنساه!!!!!
وفي أمان الله

[عاصم العاصم]

هانت ياالغالي .. صبرت ترم كامل .. صبر نفسك اسبوعين
...
نصيحة لك ياغالي:
ان شاء الله تعدي كل المواد الترم هذا بنجاح
ولكن الترم القادم لالالاتضغط نفسك حط مواد سهلة متوسطة
...
وعلى فكرة ترى هالأسبوعين هم الى مالا حدود ولكن ربك ييسر ^_^
..
موفق ياغالي ..

[BoOoDi =D]

أتحدى لو في أحد أسوا من وضعي

احتاج للنجاح بالرياضيات 32 درجة

و بالفيزياء 20 درجة ...!!

مع العلم اني راسب بالمقدمة بالتصميم الهندسي !

[physics]

صراحة الحال كله من بعضه عندنا في القسم مواد دسمة وانا مكثر عشان اتخرجـ، بس صدقني تعدي في الاخير بس انت توكل على الله وراجع مذكراتك

[Kung Fo]

مدري ايش اقول
بس ترى بالعادة يعطون كيرف بالدرجات خاصة الرياضيات

ولاتنسون ادعو ربكم << أسألو مجرب
اذا نجحت ,,,, كسبت النجاح والحسنات
اذا رسبت ,,,, كسبت حسنات

[dinho]

كل ما سيُكتَب لك في الحياة فهو خير لك سواء في دنياك أو آخرتك
فلا تجزع إنما ادع ربك ليخفف عنك
وأشكو حزنك وبثك إليه لا إلى سواه

لا تنسى عزيزي انه بقي هنالك وقت للتدارك فحاول واجتهد واجعل ذهنك مركزا بالكامل على أعلى الدرجات
ونصيحة قبل البدء بالمذاكرة لأي مادة قم وتوضأ وصل ركعتين لربك وادع بعدها لاحبابك ونفسك ومن ثَم ابدأ فستجد أن المواضيع و الدروس تنهال عليك سهولتها تترا
هذه نصيحة مجربة
في الاخير أعلم أنني لست أهلا بأن أكون في موضع ناصح ولكن ذلك ما أحببت أن أشاركك فيه موضوعك
وأدعو ربي المستعان في كل شأن ,المطلوب في كل أمر, المحمود على كل حال أن يوفقك ويفتح عليك ويهيىء لك من أمرك رشدا ويجعل لك من كل ضيق مخرجا ومن كل هم فرجا ومن كل بلاء عافية
انت وجميع من شاركك هنا وجميع المسلمين
واذا تبي اي استفسار في الماث 202 إن شاء الله أقدر افيدك
موفق ياااارب