مستجده محتاجه لكم :(

[lipstick]

السلام عليكم
انا مستجده اقتصاد منزلي الترم الاول اخدت مواد عامه والحمدلله رفعت معدلي التراكمي صار 3.83
وكنت انوي احول لاقتصاد واداره انظمه وقوانين يطلبو معدل 3.75
وتفاجأت امس ان الاقتصاد والاداره يطلبو معدل 5 عشان اقدر احول لهم

ماعرف ايش اسوي الله يسعدكم حاولو تعطوني حل يخليني اتخصص التخصص اللي انا حابته

[lipstick]

اول مره اسالكم ليه تردوني :(

[هدوء العاطفه]

الحل انك تشيدي حيلك وترفعي معدلك

حاولي تنزلي مواد سهلله ترفعلك المعدل واعتقد التحويل ٤ ونص

لا تيأسي حاولي كثيير وتوكلي ع ربناا
واسئليه يكتبلك اللي فيه خير لك

موفقه

[ياسمين..]

هما طالبين دا المعدل عشان محد يقدر يحول عندهم

بس حااولي وخليكي وراهم وان شاالله خير

ربي يسهلك وللجميع

[lipstick]

ان شاء الله بشد حيلي زي الترم الاول
نزلت مواد الايوبيين ومماليك - ثقافه3 - سيرة نبويه
واحاول انزل اقناع بس تتوسع الشعبه واحدف الايوبيين
ايش رايكم ؟

[sosoana121]

5 !!

حبيبتي اتأكدي الأول هل في امكانيه للتحويل أو لا ؟!
عشان لا تضيع دراستكِ و ما يحولوكِ لا سمح الله
لأن المعدل الكامل 5/5
يتطلب منك تكوني حاصلة ع ممتاز مرتفع في كل المواد من اول مستوى دراسي لحد الآن

كل التوفيق لك

[Aboaljraa7]

معقولة طالبين معدل 5

هذا فقط من اجل عدم رغبتهم بالتحويل

اولا / تأكدي هل يوجد تحويل ام لا ؟
ثانياَ / المعدل المطلوب ع حسب علمي 4
ثالثا / حاول مرة ومرة ومرة حتى يتم التحويل (راجعي الشؤون التعليمية يوميا )

[مستفيض العبرات]

أعتقد انك أخطأتي في المعدل المطلوب ، لأن في اعتقادي لو رجعنا دكاترة قسم الأنظمة طلاب ما راح يجيبوا 5 من 5 ..

وكان الله في عونكم يالطالبات ، الكثير منكم دافورات والمقاعد قليلة <-- ما شاء الله .
راجعيهم يا أختي وبتلاقين أكيد حل بإذن الله .

[ابوالمجد]

لا تعليق

[•♥fŗŌồtą]

ايوا المعدل للتحويل في الاقتصاد والاداره بالنسبه للبنات خمسه

لها سنه وعليها على ذي الحاله

عشان كذا لا تدرسي مواد مالها داعي لانو صعب التحويل

الا اذا عندك واسطه

اكثر صحباتي رفضو يحولهم وكل ترم يطلبو خمسه بالنسبه للتحويل

،،

على العموم لا تياسي امكن تسير معجزه^^

خليك دايم مراجعتهم

وبالتوفيق