خبر لشعبة zh مادة ie202

[dadado]

قابلت الطلاب اللي خرجو من المحاضرة اليوم

قالولي انو الدكتور علوي(نائب عميد الكلية سابقا) قلهم انو الكتو حقكم مو فيصل عبدالهادي
وقلهم انو عارف انو اللي مسجليين فهذي الشعبه مسجليين عشان الدكتور فيصل عبدالهادي

هههه ضربه فالصمييييم

عموما انا اشوف انو كل الكاتره زي بعض ولكل مجتهد نصيب

ناس يسجلو في الشعب على حسب الاوقات اللي تناسبهم
ونا يسجلو عشان الدكتور الفلاني (طلاب جامعة الملك عبدالعزيز) حتى لو كان وقتها في وقت صلاة (شعبة zh)

[dadado]

معليش عندي مشكلة فالكيبورد حقي مع حرف الدال
اي حرف ناقص هوا حرف الدال
وعشان لا تسوو نايمين
الدكتور علوي قال انو الدكتور فيصل عبدالهادي مو دكتوركم

[Mr-Ammar]

طب انتا ايش الهدف من موضوعك..

الشماته مثلا؟!

[dadado]

مني داري ليش عندي احساس انك من شعبة zh

لا مو شماته, اقرا العنوان

[وما توفيقي الا بالله]

اللي بيدرس عند فيصل واللي بيدرس عند غيره فيه فرق كبير !!

حقين فيصل مايتعبو كثير يجي اصلا المحاضره يتونس ويوسع صدره اما غيرها من محاضرات ترفع الضغط وكرف وتشغل بالك

[Codex]

انا مني فاهم ايش الفكرة من الحركات هذي!

يعني قبل كذا سووها وكانت في البرمجة, حاطين شعبة قدامها اسم علاء جودة بعد ما سجلو الطلاب

واتقفل الحذف والاضافة اتغير الاسم! يعني بالله ايش الفكرة؟ الجامعة احسها احيانا تحب تلعب مع الطلاب

طيب لا تنزلو اسم الدكتور وخلو الطلاب يختارو بين الموجودين, ولا بلاش ياخذو المادة من اساسو

كذا كذا لازم ياخذوها في الأخير ما رح يتخرجو بدونها

الله المستعان

[وما توفيقي الا بالله]

^^
اقرى ميثاق الطالب اللي مزعجينا فيه من حق الطالب اختيار المعلم اللي يبغاه اذا مافيه اي تعارض ,,

[batchat]

كلام خاطئ
انا اليوم بنفسي سألت منسق المادة الدكتور مصطفى وقال لي لسى ماتحددو الدكاتره << طبعا لكل الشعب لاني انا مش في شعبة zh
الرجاء التأكد اولاً

[وسيم الإتحاد]

الله يكافيهم بس .... عارفين ليش سووا الحركة هذي ...

الترم الماضي شعبة الدكتور إبراهيم (( حسبي الله عليه )) كانت تقريبا 30 طالب وما كان أحد عارف مين هو الدكتور وبعد أسبوع >>>> 16 طالب فقط (( للأسف كنت أنا واحد من الـ 16 إللي بقيوا معاه ))

وإللي قاهرني إنو الدكتور مصطفى حامد قال لطلاب شعبته (( أنا مش عارف ليه أول ما نعلن عن الدكاتره طلاب شعبة الدكتور إبراهيم يطلبوا يغيروا الشعبة ولو ما قدروا يحذفوا المادة ...!! ))


المهم إللي يقول الدكاترة هم نفسهم ...
كنا نسلم كل الأسايمنتات أول ناس ... في الوقت إللي نشتغل فيه على أسايمنت 3 كل الشعب التانية تشتغل على 2 ما أدري كان الأخ مستعجل على إيش
ومحاضرة ساعتين تجيب المرض بس يقرا من البروجيكتر (( المشكلة محد سامعه ))
كل محاضرة يطلب مننا نسوي شي (( ما قلنا سووه )) بس يحسب نفسه قالنا,,, لدرجة واحد من الطلاب كان يسميه أبو زهايمر
وفي الأخير .... درجة حلوة مافي

[Eng:S.T.M]

المشاركة الأصلية كتبت بواسطة وسيم الإتحاد الله يكافيهم بس .... عارفين ليش سووا الحركة هذي ... الترم الماضي شعبة الدكتور إبراهيم (( حسبي الله عليه )) كانت تقريبا 30 طالب وما كان أحد عارف مين هو الدكتور وبعد أسبوع >>>> 16 طالب فقط (( للأسف كنت أنا واحد من الـ 16 إللي بقيوا معاه )) وإللي قاهرني إنو الدكتور مصطفى حامد قال لطلاب شعبته (( أنا مش عارف ليه أول ما نعلن عن الدكاتره طلاب شعبة الدكتور إبراهيم يطلبوا يغيروا الشعبة ولو ما قدروا يحذفوا المادة ...!! )) المهم إللي يقول الدكاترة هم نفسهم ... كنا نسلم كل الأسايمنتات أول ناس ... في الوقت إللي نشتغل فيه على أسايمنت 3 كل الشعب التانية تشتغل على 2 ما أدري كان الأخ مستعجل على إيش ومحاضرة ساعتين تجيب المرض بس يقرا من البروجيكتر (( المشكلة محد سامعه )) كل محاضرة يطلب مننا نسوي شي (( ما قلنا سووه )) بس يحسب نفسه قالنا,,, لدرجة واحد من الطلاب كان يسميه أبو زهايمر وفي الأخير .... درجة حلوة مافي

قمــــة الدكتاتوريــة، يعني حتى أبسط حقوق الطالب حرمتوه منها؟!!!