Dn /// D وشتان بينهما

[ع ـبدالعزيز]

السلام عليكم ورحمة الله وبركاته .. الإخوان والأخوات الكرام أبناء الأكارم .. طبعاً تعرفون النتائج للحين باقي هم على القلب وأشغلتنا أنا أشتركت من بعد الاختبارات في خدمة جوال الجامعه قلت يمكن يكون أفضل في ارسال النتايج بسرعه ..!! لكن أتضح لي مايلي .. النتائج وصلت على جوالي أمس وكمان ماوصلت كامله ..! الأمر الثاني في الأوديوس خطه أ طبعاً عندي الرياضيات طالع dn أكتشفت إنه جاتني الرساله في الرياضيات مرتين المره الأولى d واللي هو نجاح على الحافه طبعاً والمره الثانيه بعدها بدقايق وصلت الرساله اللي علقت المخيخ عندي dn من أصدق الحين رسالة الجوال ولا الأوديوس ..! مع العلم إني في الرياض لو كنت في جده كنت رحت تضاربت معهم ..!! أنتظر مالديكم ياكـــرام ..! أخوكم ع ـبدالعزيز الطالب المجتهد اللي حمل معاه ثلاث مواد مع إنه كان حال كويس ..!

[راكان _20_]

الله يوفق يا عبدالعزيز إن شاء الله

و الله كلنا حاولنا نبي نعرف الحل إلا الحين ما عرفنا شي

[دربـ وفا ـي]

اخوي انت بكذا عندك اثبات على الخبطه والهبل اللي بالجامعه

روح افضل لأحدى المسؤولين بالجامعه والأفضل المدير

ووريه الرساله عشان يتأكد ان الطلاب صادقين بكل شكوى قدموها

وتبي نصيحتي الغي هالخدمه مامنها الا مصالح للجامعه ولا بتستفيد منها ابد

[ع ـبدالعزيز]

المشاركة الأصلية كتبت بواسطة راكان _20_ الله يوفق يا عبدالعزيز إن شاء الله و الله كلنا حاولنا نبي نعرف الحل إلا الحين ما عرفنا شي

والله حاله صراحه ..!
لكن أحتمال أروح أسافر للجامعه وإن شاء الله أشوف
وش الوضع من عندهم وأتمنى يفيدوني بس ومايروح تعبي على الفاضي ..!

[ع ـبدالعزيز]

يا أخوانا الأعضاء
والله مقهور من هالجامعه
اتصل عليهم وما أطلع بنتيجه معهم
وحرام والله إني أسافر عشان استفسر استفسار بسييييط ويمكن ماراح اطلع بنتيجه ..!

أفيدونا ربي يسعدكم

[خواطر مظلومة]

والله يا اخوي لااتسكت لهم روح وهذي سياستهم كل ما تصلت حولك ع شخص ثاني اما يقولون لك ان شاءالله تشوفه تغيرت وبعد ماتدق يصرفونك لاا واحد ثاني وهو يتعذر لك انا صار لي في الاحصاء وربي بهدلووني واخر شياستسلمت ومالي الا ارفع ايدي وادعي عليهم حسبي الله ونعم الوكيل فيهم انا لو اقدر اروح للجامعه كان ماسكت عن حقي بس انت ان شاءالله ماتسكت لهم بنت خالتي صار لها موقف الغياب في ماده الانجليزي البنت تحطمت قالت خلااااص ابكنسل الدراسه من الظلم الي شفته والحمدالله كلمت الجامعه وقالو تابعي الاوديس والحمدالله تغير الdn وتحولت الd
فا الااتسكت عن حقك يا اخوي

[مشعل أبوتركي]

الله يوفق

[ع ـبدالعزيز]

المشاركة الأصلية كتبت بواسطة دربـ وفا ـي اخوي انت بكذا عندك اثبات على الخبطه والهبل اللي بالجامعه روح افضل لأحدى المسؤولين بالجامعه والأفضل المدير ووريه الرساله عشان يتأكد ان الطلاب صادقين بكل شكوى قدموها وتبي نصيحتي الغي هالخدمه مامنها الا مصالح للجامعه ولا بتستفيد منها ابد

تم الغاء الخدمه لابارك الله في خدمتهم
دربي وفا ..من أعماق القلب اشكرك على الرد
وبإذن الله أحاول ارتب اموري لو ضبطت على الاسبوع الجاي
أو اللي بعده واسافر لجده وربك يعين ..

[ع ـبدالعزيز]

المشاركة الأصلية كتبت بواسطة خواطر مظلومة والله يا اخوي لااتسكت لهم روح وهذي سياستهم كل ما تصلت حولك ع شخص ثاني اما يقولون لك ان شاءالله تشوفه تغيرت وبعد ماتدق يصرفونك لاا واحد ثاني وهو يتعذر لك انا صار لي في الاحصاء وربي بهدلووني واخر شياستسلمت ومالي الا ارفع ايدي وادعي عليهم حسبي الله ونعم الوكيل فيهم انا لو اقدر اروح للجامعه كان ماسكت عن حقي بس انت ان شاءالله ماتسكت لهم بنت خالتي صار لها موقف الغياب في ماده الانجليزي البنت تحطمت قالت خلااااص ابكنسل الدراسه من الظلم الي شفته والحمدالله كلمت الجامعه وقالو تابعي الاوديس والحمدالله تغير الdn وتحولت الd فا الااتسكت عن حقك يا اخوي

لا لا طبعاً
وأنا لهم بالمرصاد إن شاء الله أشوف حقي
ومايروح تعبنا على الفاضي ..!

خواطر ..الله يجبر بخاطرك ياغاليه وأشكرك على حرصك
وتوجيهك ..
وسالفة الرد على التليفون والتصريف هذه متعودين عليها من فتره طويله
وهذا ديدن الموظفين اللي مايقدرون المكان اللي هم فيه ولا يؤدون الامانه
الموكله لهم بالشكل المطلوب ..!

[ع ـبدالعزيز]

المشاركة الأصلية كتبت بواسطة مشعل أبوتركي الله يوفق

وياك اخوي ابوتركي ..