| طالبات التأهيلي ,,{ لنتحدى الضروف حتى نحقق احلامنآ }~

[تفآحة نيوتن}~]

{ السلام عليكم ورحمة الله وبركآته }




_______




ذا الموضوع لكل اخواتي وماكتبته

الا لأني ابغى لكم الخير زي ماابغاه لنفسي انا





______

اولا:




كلنا انصدمنا بالجدول الغبي

ودحين يقولون انو في احتمال تتغير الاوقات

المهم انا دحين مافرقت معايا تغيرت الاوقات ولا ضلت زي ماهي

في البداية انصدمت زيكم بس بعدين

قلت الي يبغى الورد يصبر على شوكه

كلنا نبغى نتخصص ونبغى ندخل الاقسام الي نتمناها

[ وانا منكم ]

احنا اساسا دخولنا للتأهيلي يعتبر تحدي

وكلنا وافقنا على الدوام

واما الي بتقول انا رافضة الدوام

اقولها عبارة وحدة


( مادمتِ ملزمة فاستمتعيِ )


!!

اذا انتي مجبرة تدرسي تاهيلي

ومجبرة تداومي كل يوم

ومجبرة تجلسي للمغرب او العشا

ليش ماتستمتعين بالي تعمليه ؟؟

لو جلسنا نتأفف ونتململ ونتشكى


~


كذا ماسوينا شي لا جبنا المعدل الحلو

ولا جلسنا في الجامعة

لو غيرتي فكرتك شوية وخليتيها ايجابية

صدقيني راح تحسين بقوة دافعة انك تجتهدي وتنجحي

وتجيبي المعدل الي يرضيك



~~>



احنا ماينقصنا الا انو نغير الأفكار الي في راسنا

ونخليها ايجابية

حتى تكون بمثابة الوقود الي يدفعنا للنجاح



*



سؤال بسألكم هوا متى اصلا واحنا عايشين في الحياة

امنياتنا واحلامنا تحققت بسهولة ؟؟


اكيد لا .. ولا وحدة حققت امنيتها وحلمها بكل سهولة

الا اذا في اطراف خارجية ...



لانو الي يبغى النجاح

يكافح ويجتهد ويتنازل عن اشياء يحبها ويصبر حتى يوصل للي يتمناه

وقتها راح يحس بفرحة تنسيه كل الي عمله وعاناه



[ اصبري على لسعات النحل حتى تقدري تتذوقي العسل ]



/



\



تأكدي انو مافي شي سهل في الحياة


كلنا نفشل ونتعرض لضغوط وتواجهنا مصاعب


ولنا خياران:


* اما انو نستسلم لكل المعوقات وراح نفشل فشل ذريع


* واما انو نواجه كل المعوقات بروح عالية وعزيمة وإصرار

وراح ننجح نجاح كبير


---

مافي انسان نجح نجاح كبير واشتهر ومن ضمنهم

المخترعين والعلماء والعباقرة

الا وتعرض لفشل ومو اي فشل كمان

بس ايش الي خلاهم ينجحون ؟؟

مافي سبب لنجاحهم الا ان ايمانهم واعتقادهم القوي

بأنهم راح ينجحون !!

وبعزيمتهم واصرارهم على تحقيق النجاح

تحدو كل الضروف والمعوقات الي واجهتهم

ووصلو للي يبغونه ..







_________

ثانيا: نغير افكآرنــآ





اغلب الي اسمعه من الطلاب:


الجامعة بتعمل تصفية لنا

التأهيلي مابيطلع منو الا كم طالبة والباقي مطرود

الجامعة ناويتها لنا

لو انجح بالدف احمد ربي

جامعتنا افشل جامعة

وووو كثير من الهرج الي يحبط ويجيب الهم ..



~~>


صدقوني ذا الكلام ماطلع الا لأننا ننظر نظرة سوادوية للجامعة


اذا ماتحبي الجامعة ليش درستي فيها

اسحبي ملفك وخلي غيرك يدرس


الكلام ذا كله مانقوله الا لأننا خايفين من الفشل

فزي مايقولون نجهز الاعذار من بدري

او نخفف الصدمة الي بتجي ..



/


\



مين الي قلك انك راح تفشلي ؟؟

بأي وجه حق تنبأتي انك ماراح تنجحي ؟؟

لو ذاكرتي بأجتهاد ووكلتي امرك لله وصبرتي راح تنجحي



واذا انتي فكرتي انك راح تكوني من الطلاب الي بيتصفون من الجامعة

ليش مافكرتي انك بتكوني من الطلاب راح يبقون في الجامعة



ليش حكمتي على الجامعة بالفشل ؟؟

ترى كل جامعة لها عيوب ومساوئ

واذا مو عاجبك اسحبي ملفك زي ماقلت وخلي غيرك يدرس



واذا الجامعة ناويتها لكم

ليش ماتريح راسها من الأول وماتقبلك



-->


انا هنا ما ادافع عن الجامعة


إلا لأني ابغى اوضح لكم انو مانلقي باللوم في كل جهة

الي يبغى النجاح يعرف انو ماراح يجي بالسهولة

ولازم تواجهه عقبات وممكن يفشل (مثل الطلاب الي حملو مواد في الترم الأول)

بس ما يخلي الفشل عائق لتحقيق حلمه

يواصل ويواصل ويواصل حتى يحقق مراده



خلينا ننضر لدراسة بمنظار ملون :

ننظر للإيجابيات نترك السوداوية


نترك الافكار السلبية واذا جاتك فكرة سلبية مثل الأفكار الي كتبتها قبل

واجهيها وحطي قدامك الي ينفي ذي الفكرة

مثل ماكتبت انا في تعليقي على الافكار السلبية الي يرددها الطلاب

وجيبي بدالها فكرة ايجابية

حتى ماترجع لك الفكرة السلبية مرة ثانية



::



ترى والله غيركم يحترقون بكاء وهم لأنهم يبغون يكملو تعليمهم

والله اني انقهررررر لما اشوف بنت جاية الجامعة للعب والوناسة

اذا انتي ماتبغي تدرسي ادي غيرك فرصة انو يدرس

ترى غيرك محتاج محتاج محتاج يدرس







________

ثالثا: كيف نبداء هذا الترم




://



لازم نعرف انو كل شي بيد ربنا

ومافي شي صعب على ربنا


ندعيه ونرجيه انه يوفقنا


حتى لو ربي ماكتب لك انك ماراح تتخصصي

فالدعاء يغير القدر يغير المكتوب

يغير الي كاتبه ربي لك سواء كان خير او شر

ادعيه ادعيه ادعيه ادعيه ادعيه ادعيه في كل ليلة



----


قبل ماتبداء الدراسة

حطي في بالك انو الخمسة راح تجيبيها

ومستحيل ترضي باقل منها

وكوني موقنة بكلامك ذا


...

مو بعد مايروح نص الترم تضعفي ويقل حماسك

لأنك ماكنتي مؤمنة بالي تقوله وموقنة به

وكنتي تضحكين على نفسك بها وفي داخلك اصلا رافضة الفكرة ذي

من اول ماقلتيها


وربي يقول في مامعناه انو لاترضي بالقليل اطلبي الي تحلمي به

مافي شي صعب على ربنا

وانا من الناس الي طمحت بالقليل وجاني اللهم لك الحمد

<< ايش الي ضرني لو طلبت اعلى والله للأن انا مقهورة

بس كل شي وله حكمة وهذا درس ليا ولكم ...



----


ابحثي عن اساليب النجاح في النت في التلفزيون

في الفديوهات في المقالات

ابحثي عن الي يقوي عزيمتك وحماسك ويديك دافع للمواصل للنجاح

وفي نفس الوقت تجنبي كل الي يحبط عزيمتك وإصرارك وحماسك


---


نضمي وقتك ورتبيه وبالذات احنا دوامنا غريب عجيب

فلازم نرتب وقتنا لانو لو استمرينا بدون ترتيب وتنضيم

راح نتوه ونحس انو كل شي مكركب فوقنا

وراح نشكي ونبكي مافي وقت

<< ونروح نلوم الجامعة على وقت الدوام الي عملوه لنا

كحل سريع للهروب من الي احنا فيه ونبرر لانفسنا


-----



في المحاضرة كوني منتبه مع الدكتورة

لأنو لو مانتبهي معاها راح تتوهين وتذكري انو وقتك مو على كيفك

يكفي انو بس نقدر نراجع فيه الي اخذناه

ولاتكركبي كل الدنيا وبعدين تحسين انك تهرولين لأنجاز الي تركتيه

ولاقدرتي تنجزينه كله

وطبعا الباقي انتو عارفينه


بس انا ماكتبتها الا انكم اذا طبقتوها

راح تشعري بالأطمئنان

وتحسي ان الامور بين يدك وتقدري تسيطري عليها

وراح تلقي عندك وقت تعملي فيه مراجعات عامة للمواد

وذا الشعور راح يديكم قوة حتى تواصلي طريقك

وتحسي انك قادرة تحققي النجاح





________

رابعا: الأهـــم


خلونا متفائلين نحاول بقد الامكان نستمتع بالي نعمله


وتذكري [ تفائلو بالخير تجدوه ]


تبتعد عن التشاؤم لانكون غربان


نبتعد عن المحبطات نبتعد عن الناس الي تحبطنا


وتذكرو انها كلها ترم وااااااااااااااااااااااااحد بببببببببس


ونتخصص في الاقسام الي نبغاها


ترم واحد بس !!


ايش الي يمنعنا انو مانتنازل عن اشياء نحبها لمدة ترم واااحد بس

لأجل انك تجلسين مرتاحة في تخصصك الي اخترتيه

سنوااااااااااااااات




_________

خامسا :






الموضوع ذا لنا كطالبات تاهيلي

نأزر ونعاون ونساعد بعض

حتى ينتهي ذا الترم واحنا في تخصصاتنا



ونكسر كل الكلام الي كانو يقولونه عن التأهيلي

احنا مانبغى نظرات شفقة لنا ولا لدوامنا

مانبغى احد يقولو الله يعين بنات التأهيلي

مساكين بنات التأهيلي

احنا مثلنا مثلهم نقدر نحقق الي يحققونه

ومافي اي اختلاف بيننا وبينهم

ونقدر نحقق النجاح زي ماهما يقدرون يحققونه

وعندنا فرص حتى نتخصص مثلهم تمام

يعني لاتجلسون طول الوقت تنضرون للأنتضام

وتقارنون بينهم

لأن المقارنة راح تكوني فاشلة

لانك راح تنضري للمميزات الي ماهي عندك

وكذا تفتحي على نفسك باب للإحباط




~~~~>



هنــا اتوقف

لاكن كلامنا ماينتهي هنا الا بنهاية الترم

[بنت المملكة]

كلـ كلمـــــــــــة قُلتيها رااااااااااااااااااااااااااااااااااااااائعه بمعنى الكلمة ...
مثلـ ما قالـ محمد العريفي
وانتي كمان كتبتيها
( مادمتِ ملزمة فاستمتعيِ )
تفاحة نيوتن
اشكركـ من كلـ قلبي ع الطرح
تمنياتي لي ولكـ ولكم جميعا بالنجاح والتووووووووووووفيق

بنت المملكة

[GeGe-44]

والله كلامك رووووعه وخطييييييييييييييييييير ودواؤ لمعاناتنا..
وجااااء في وقتتته يعني نفسي اعرف ليش يسوو كدا معانا يعني يذلونا عشان على حسابهم
يسلمووووووووووووو ..

[تفآحة نيوتن}~]

المشاركة الأصلية كتبت بواسطة بنت المملكة كلـ كلمـــــــــــة قُلتيها رااااااااااااااااااااااااااااااااااااااائعه بمعنى الكلمة ... مثلـ ما قالـ محمد العريفي وانتي كمان كتبتيها ( مادمتِ ملزمة فاستمتعيِ ) تفاحة نيوتن اشكركـ من كلـ قلبي ع الطرح تمنياتي لي ولكـ ولكم جميعا بالنجاح والتووووووووووووفيق بنت المملكة

تسلمي بنت المملكة وربي يسمع منك

[تفآحة نيوتن}~]

المشاركة الأصلية كتبت بواسطة gege-44 والله كلامك رووووعه وخطييييييييييييييييييير ودواؤ لمعاناتنا.. وجااااء في وقتتته يعني نفسي اعرف ليش يسوو كدا معانا يعني يذلونا عشان على حسابهم يسلمووووووووووووو ..

احنا ايش قلنا لو جلنسنا نشكي ونبكي ونلوم

ماسوينا شي

اعتبري الي يسوه فينا عقبة

لازم تتجاوزيها حتى تنجحي

افضل من انك تجلس العقبة عثرة لك ماتقدري تتجاوزيها

وتجلسي تتشكي وتبكي

وربنا يوفق الجميع

[فرفوووشة]

وربي كلامك عسل
الله يوفقكم وياااااااا رب كلنا معدلاتنا 5
يسلمو خيتو

[صاحبة السمو]

بجد بجد كلامك روووووووووعه وصااادقه بكل كلمه
والله مو عارفه ايش اقولك
الله يسعدك ياعسسسسسسسسسسل

[pulse heart]

جزااآآآاكي الله كل خير وجعله في ميزان حسناتك الله يوفقك في حياتك

[مُنى ~]

الله عليّك يآ’بطّلة ,
والله كلااام دررِ ,
وجدد فينيّ العزيّمة ,
أناا كنت نآويّة أجيّب 4.5 ,
بعد كلامكّ بـ إذذذن الله أجيّب الـ 5 ,
واللي قبلنآ ودرسوآ وتخرجوآ ,
آبدّ مب أحسًن مننآ ,
آحنآ نقدّر نكون مثلهّم وأحسسًنْ ,

"

الله يوفقنآ وإيآك ,
ونجيّبْ المعدلّات الحلوةِ ~

"

[منكوشة رجه]

و الله كلامك جواهر

يعطيك 1000 عافية

و الله يوفق الجميع