طلب ملخصات لانجليزي101 ..(عنوان مبهم تم تعديله)

[العموديه]

بنات انا نزلت انجليزي 101



وابغى منكم تساعدوني ابغى ملخصات له او اي شي يساعدني في اني انجح في الماده دي بتجيب لي المرض حملتها اربع مرات ودحين باقي لي سنه واتخرج وانا باقي ما نجحت فيها وانتو تعرفو انو في مادتين ما اقدر اخدها الا اذا نجحت في انجليزي 101

[Diro]

الله يعنك وان شاء الله احد ينفعك طيب ليش ماتتنزلي موضوع في منتدى السنة التحضيرية هناك هم يدرسو دي المادة على مااعتقد

[العموديه]

والله لو اعرف كان نزلت عند السنه التحضريه بس من جد انا قرفت خلاص ابغى اتخرج وارتاح

[المهاجرين]

اختي الغالية بااقول لك طريقتي في مذاكرة الانقلش ولله الحمد اخذت فيه 100و؟أنا والله العظيم اول مابدأت ماكنت اعرف فيه كلمه حتى الاشياء التافه تخيلي ماكنت اعرفها بسم الله نبدأ الطريقة :
1- ترجمة جميع القطع وفهمت كل كلمة فيها ( شربت القطع شرب هههه الله يعينك )
2-ترجمة القرمر وفهمته ايضا قاعدة قاعدة كأني ادرس عربي بالضبط
3- وفيه الرايتنق وايضا فن كتابة الجمل والرسائل كله هذا الكلام تلاقيه في مربعات او مستطيل واي شي تلاقيه في هذا المستطيل او المربع ترجميه وافهميه زي اسمك كل كلمه فيه اهم شي الترجمة وراح تاخذ وقت منك بس حلاوتها في النجاح بعدين اخذ مني مذاكرة شهرين طبعا لاني معلمة وام ماعندي وقت
ومازدت شي على هذا والله اخذت 100بفضل من الله وحده وثم مساعدة الاخ بلومير على مااظن كذا اسمه واعتذر منه اذا اخطأت في الاسم لكن والله دائما ادعو له بالتوفيق لاني استفد كثير من تراجم القطع اللي وضعها وكذلك القرامر وباقي الاشياء ربي يجعلها في ميزان حسناته تلاقيها في ملتقى السنة التحضيرية وموفقه عزيزتي وياليت كان عندي وقت كان ساعدتك اكثر سامحيني

[العموديه]

والله وربي اني ترجمة كل شي وربي وتخيلي كنت اشرح لوحده قبل دخول الاختبار القيرمر وهي نجحت وانا حملت الماده ايش اسوي وربي خلااااااااااااص مره بطق وربي مو عارفه ايش اسوي في نفسي

[المهاجرين]

الله يعينك ويوفقك يارب وتعدين المادة

[*زهرة السوسن*]

http://www.skaau.com/vb/showthread.php?t=268357