رآآآيكم في جدولي ضروري ..

[حمد نبيل]

مرحبا ..

حبايب قلبي انا طالب انتساب - اعلام
الترم الماضي أجلته وبدخل هـ الترم وماعرف بالضبط وش النظام ، لكن كلمت واحد من الشباب الله يجزاه خير واقترح علي هـ الجدول .. فأبي رايكم وراي هـ الشخص نفسه بالجدول ..؟
وهل يصلح لواحد مايفتح الكتاب الا قبل الاختبارات باسبوع ؟؟

ولكم كل الحب
اخوكم
حمد

[القايدي]

حياك الله وبياك

جدولك رائع جدا وممتاز

فالك النجاح

[حمد نبيل]

على راسي يابطل ..

[Juba]

لا تستعجل اخوي

انتظر الدورة التأهيليه عشان تعرف دكآتره المواد اللي اخترتها انت ..!

[Microsoft]

جدولك مناسب جداً خصوصاً بالنسبة للمواد الي تكون متطلب لمواد بالاترام القادمه

ونصيحه شد حيلك معدلك مشاء الله تبارك الله حلو

[thamer.7]

اخوي حمد فالك مرتبة الشرف الاول بأدن الله معدلك مره حلو ماشاء الله تبارك الله جدولك مناسب وركز مع الدوره التأهيليه راح تبدا في 26 من شهر 5 المطلوب والمحدوف وملخصات الشباب الي بيحضروا الدوره ان شاء الله ماراح يقصرون بالتوفيق ....

[حمد نبيل]

تسلمون لي كلكم .. وعقبااالكم يارب
لكن ياليت الي يعرف مواضيع راح تفيدني بهالجدول يخبرني لاهنتوا ..

[Microsoft]

المشاركة الأصلية كتبت بواسطة حمد نبيل تسلمون لي كلكم .. وعقبااالكم يارب لكن ياليت الي يعرف مواضيع راح تفيدني بهالجدول يخبرني لاهنتوا ..

الله يسلمك

بخصوص المواضيع فيه قسم فوق المواضيع المثبته خاص بالملخصات اقراء الملخصات لكن لا تعتمد عليها الا بعد الدورة التأهيلية لانه احتمال تنزل ملخصات جديده

ونصيحه اخرى بما ان قسم الإعلام لحد الان ما نزل له ترم صيفي حاول تاخذ مواد الاعلام بالاترام العاديه .... والمواد مثل (مقدمة في العلوم الطبيعية والشباب وقيم المواطنه والفكر الفلسفي في ضوء الاسلام ومبادئ التسويق ومادتين حره من اختيارك) <<< الي بين القوسين تخليهم صيفي افضل طبعاً بعد ما تكمل 50 ساعه يحق لك تاخذ صيفي

وبالتوفيق مقدماً

[حمد نبيل]

تسلم لي يامايكروسوفت .. نصيحه قيمه ياحلو

[الهلي]

جدولك براي ممتاز لكن اهم شي دكتور الماده وراح يبين كل شي بالدوره التاهليه وصراحه خاب ظني فيه الدكتور متوكل يماني كل اسئلته الترم اللي راح لف في لف ودوران ماده الحاسب الالي وفالك التوفيق والدكتاره الباقي ممتازين ما عاد متوكل يماني وعلاء الدين مع ان الدكتور علاء الدين اكثر الدرجات عنده عليه ماحد نزل فيها اما متوكل خسفنا خسف الله يسامحه