هدية لن يُمحي أثرها الزمن .. (رأيكم)

[روح النجاح]

السلام عليكم ورحمة الله وبركاته

صبآح العطر الجميل

أخواتي بنات جامعتي
اللي لكم من الذوق الرائع نصيب

أبغاكم تشيروا لي ,, الله لا يهينكم

( أنا الآن أتدرب بمدرسة , قلت إن شاء الله في آخر يوم أهدي المعلمات اللي أعتبروني زي أختهم وأكثر , هم 5 معلمات ,, والله لما بدأت التدريب ما جاء فبالي ولا كنت مخططة أبدًا إني أهدي أحد
لكن لما شفت تعاملهم معاي , قلت لازم أشكرهم )

وطبعًا أنا مو دائمًا أهدي هدايا (مادية , عينية) دائمًا أحب أهدي أشياء من نوع آخر
مثلًا أحجز في دورة لوحدة من البنات على حسابي , أو إني أخذ قسيمة إشتراك وأعطيها أخواني
أو إني أجهز صحبتي يوم زواجها بكل التكاليف , أو تذكرة سفر لماما وأسويها مفاجاءة .... وزي كدا

بس أحس مع المعلمات ما ينفع , خصوصًا إني مو كلهم أعرف عنهم غير الحياة العملية
فما أعرف وش يحتاجون أو ايش ناقصهم وأنا أكمله ويسعدهم !!

قلت حأجرب الشيء المعتاد من الغالبية , وحأعطيهم مثلًا عطر أو ساعة أو إكسسوار >> بس ما أحب نفاذها شيء ينتهي بسرعة , وبعدين ممكن ذوقي في ريحة العطر أو شكل الساعة والإكسسوار ما يعجبهم ...

قلت في النهاية حأسألهم سؤال خاطف بدون ما يشعرون ,,
/ هل يحبون القراءة والإطلاع << وما أظن معلمة ما تقرأ لو كتاب واحد بالسنة ع الأقل
إذا جوابهم نعم ححاول أقتبس كمان وش هي الموضوعات اللي يميلون لها , أو اللي نفسهم يتعرفوا عليها وزي كدا ..
في كتاب دحين فيدي أقرأه جدا جدا جدا روعة , اسمه قطار التقدم للدكتور عبدالكريم بكّار
قلت ححطه لهم كلهم مشترك مع الكتب اللي ودهم يقرؤها وزي كدا ..

بالمناسبة / هم يدرسون رياض أطفال , فجاء فبالي إني كمان أعطيهم شيء عن كتب الطفولة
(نموهم , قدراتهم , ...إلخ ) ايش رأيكم

الله لا يهينكم , ايش رأيكم + كيف طريقة تقديم الهدية
الله يخليكم أبغى ردكم بسرعة , عشان ألحق نفسي باقي بس أسبوعين ..

بليــــــــــــــــــــــــــــــــــز

[روح النجاح]

هم صح يدرسون رياض أطفال >> يعني درسوا الطفولة وكدا
والكتب اللي ممكن أعطيهم هي حتكون كتكرار لما يعرفوه
قلت ممكن كتب حديثة فيها نتائج دراسات ومقالات وآراء وزي كدا يعني مو كتاب تعليمي بالدرجة الاولى

+

في كم وحدة مرررة مرررة أندمجت معاها لدرجة إني عرفت وحدة إنها مررة فلاوية
وتحب الضحك المميت والهياصة ..
نفسي دي أسويلها شيء مرررة واااو >> وكلهم كمان ع حسب الشخصية طبعًا

بليـــــــــــــــــــــــــــز ردكم الله يخلي لكم أحبابكم

..

[Patricia]

مساء الخييير ..

أممممممم أنا ماأفضل انك انتي تشتريلهم كتب ع ذوووقك ..
مهما كان الإنسان يحب ينتقي كتب ع ذاائقته ..
يعني لو مرة مرة خذيلهم كتاب واااحد من اختيارك ..

إذا انتي حااابة كتب وهالأشياء وشايفتهم ميالين للقراءة ..
خذيلهم من جرير بطاقة الهدايا اللي تدفعين قيمتها وتهديها ..
بحيث هم يروحوا وياخدوا ع ذوقهم ..

أو ممكن تاخذيلهم نفس البطاقة من اكسترا ، تستفيد منها ممكن تشتري أشياء تجميل ستريت الشعر أو فير أو أي شي ..

بس اتوقع بطاقة اكسترا ح تكلفك اكيد ماراح تعبيها بأقل من 500 ريال لأن الأجهزة غالية ..
أما بطاقة جرير يكفي 200 ريال ..

إذا حبيتي فكرة البطاقة قدميها مع علبة شوكليت صغييرة .. بطريقة مرتبة ..



[روح النجاح]

المشاركة الأصلية كتبت بواسطة patricia مساء الخييير .. مسساء الورد أممممممم أنا ماأفضل انك انتي تشتريلهم كتب ع ذوووقك .. مهما كان الإنسان يحب ينتقي كتب ع ذاائقته .. يعني لو مرة مرة خذيلهم كتاب واااحد من اختيارك .. إذا أخذت حيكون قريب من اللي ودها تقرأه إن شاء الله إذا انتي حااابة كتب وهالأشياء وشايفتهم ميالين للقراءة .. خذيلهم من جرير بطاقة الهدايا اللي تدفعين قيمتها وتهديها .. بحيث هم يروحوا وياخدوا ع ذوقهم .. فكرة متازة بس ودي أنا أنتقي الكتاب , لأن غرضي يستفيدوا من كتاب أنا أحس بقيمته صح هم ممكن حيشتروا كتاب مفيد , لكن نفسي أنا اللي أعطيهم إياه أو ممكن تاخذيلهم نفس البطاقة من اكسترا ، تستفيد منها ممكن تشتري أشياء تجميل ستريت الشعر أو فير أو أي شي .. بس اتوقع بطاقة اكسترا ح تكلفك اكيد ماراح تعبيها بأقل من 500 ريال لأن الأجهزة غالية .. أما بطاقة جرير يكفي 200 ريال .. إكسترا مررة لا ههههه أحس لو كانوا أقارب أو صحبات مررة كان ممكن :) إذا حبيتي فكرة البطاقة قدميها مع علبة شوكليت صغييرة .. بطريقة مرتبة .. 

حلو مع الشوكليت

مشكورة الله يعطيكِ العافية