مجموعه اسئله عن التسكين + اسئله عن المواد اللي حملتها من قبل *الكل يدخل يجاوب

[محمد الشهري.]

بسم لله الرحمن الرحيم

السلام عليكم ورحمه الله وبركاته

كيفكم ان شاء الله باطيب حال .. امين ..

اسئلتي عن التسكين

بس قبل اسئل مابي احد يجاوبني ويقول اختار التخصص اللي انت تحبه او تهواهـ

انا ابغى نـتـنــاقش عن التخصصات بشكل عام

شو الافضل انت شو راح تختار شو تشوفه مناسب للمستقبل

ايش اللي المفورض اخليه اخر الرغبات وتشوفوهـ تخصص لا يوجد له مستقبل جيد

او تخصص غير مفيد من وجهة نظرك << يعني مو شرط يكون كلامك صحيح لكن مجرد وجهة نظر فقط لا غير


^^ تقريبا قلت الاسئله ع شكل موضوع


اما بخصوص المواد اللي حاملينها

فسمعت انو لازم اذا ابغى ادرسها ترم صيفي لازم اسجلها في الموقع او عن طريق الجامعه مو عارف او مو متأكد
لكن المهم اني اسجلها حتى ما يجبروني اخذها ترم جديد

وانو لك في الصيفي 3 مواد فقط ... اذا اكثر مثلا 4 مواد تختار 3 صيفي والرابعه تاخذها ترم جديد

ابغى اعرف متى موعد تسجيل المواد لصيفي

اممم الموضوع كتبته الفجر ما عرفت انسق الموضوع واصيغ الجمل بشكل مناسب بس اتمنى وصلت الفكره

حبايبي

.
.

[sultanooh]

السلام عليكم

بخصوص الصيفي

قبل الصيفي بأسبوع حتفتح ايقونة في الاودس اسمها الحذف والاضافة فانت تضيف المواد اللي تبغى تدرسها صيفي وانت تختار اليوم والوقت اللي يعجبك

وفعلاً اقصى شيء للصيفي هو 9 ساعات وليس 3 مواد

اهم شيء ان موادك ماتتجاوز 9 ساعات لان اقصى حد هو 9 ساعات في الصيف

__________________

بخصوص افضل الكليات انا اشوف مثل حالتك حامل مواد كثير فأنصحك تحط حاسب لأن فيه امل انك تنقبل

اما بقية التخصصات القوية فصعب تنافس عليها بسبب المعدل والنسبة

فانصحك بالحاسب لان فيه ناس رسبوا السنة اللي فاتت ودخلوا حاسب بعد الصيفي

والحاسب مستقبله حلو

بالتوفيق

[محمد الشهري.]

سلطانوهـ ما قصرت

وانا مو حامل مواد كثير بس رياضيات وفيزياء وانجليزي لفل 4 بس مو كثير خخخ

وبخصوص التخصص ربك يعين ويسهل

[رفيقي كتاب ربي]

المشاركة الأصلية كتبت بواسطة sultanooh بخصوص افضل الكليات انا اشوف مثل حالتك حامل مواد كثير فأنصحك تحط حاسب لأن فيه امل انك تنقبل اما بقية التخصصات القوية فصعب تنافس عليها بسبب المعدل والنسبة فانصحك بالحاسب لان فيه ناس رسبوا السنة اللي فاتت ودخلوا حاسب بعد الصيفي والحاسب مستقبله حلو بالتوفيق

آعذرني للمداخله

لكن القبول ب الحاسب يحتاج معدل 4 ونصف وانت طالع
.
.
كيف يقدرو يتخصصو في تخصص اكثر من معدلهم ..؟
.
.
كلامي مو تكذيب للي قلته .. بس يمكن لي امل ب هذي الكليه ..

انتظر جوابك وكلي امل ..

[محمد الشهري.]

رفيقي كتاب ربي

هنا اقتباس لك ممكن تقتنعي فيه :)
----

المشاركة الأصلية كتبت بواسطة asma'a بالنسبة للتسكين .. حيكون على حسب النسبة الموزونة .. لأنه ممكن بنتين يكون معدلهم نفس الشيء بس دي ماشاء الله تبارك الله تكون درجاتها أحسن من دي فتترفع في النسبة الموزونة ^^.. وماتخافيش فيه بنات اعرفهم معدلاتهم أقل من 4.5 وماشاء الله تبارك الله بيدرسو معانا حاسب ^^.. دمتـِ بخير

وشكراً

[رفيقي كتاب ربي]

المشاركة الأصلية كتبت بواسطة محمد الشهري. رفيقي كتاب ربي هنا اقتباس لك ممكن تقتنعي فيه :) ---- وشكراً

شكرآً ربي يعطيك العافيه..

قد قرآت هذا الكلام من قبل .. وحسب كلامها .. اتوقع وقتها ان نفس الكليه م كانت مكتفيه من الطلاب ..!
فـ اضطرت تقبل اقل من 4 ونص

بس اذا كانت هذي السنه مكتفه :( راح يكون الامل جداً ضعيف ب هالكلام ..

ع العموم الله الميسر ..

وجزيت خيرا ^_^ .. بجد شكرا لك

[سملّق :)]

رفيقي ..

ترى في تباين كبير بين نسبة القبول عند الاولاد والبنات ..

والسبب بسيط :

الاولاد عندهم كلية الحاسب يعتبر ثالث او ربما يمكن يكون رابع أختيار للطالب بعد الصحيـة والهندسـة والصيدلـة ... الخ

البنات : اذا ما انقبلت البنت في الكليات الصحية فراح يكون اختيار الحاسب عندها في هالحالة حتمي ولابد منه !!

بسبب انها دخلت مسار علمي ( فماراح تتخصص في الادارة والاقتصاد مثلاً )

فهذا التخصص عند البنات يشكل ثاني أختيار لكل بنت ( فشلت في تحقيق طلبات الكليات الصحية )

عشان كذا نسبة القبول فيه مرتفعه ،، بسبب الاكتفاء من الكلية من الطالبات الدارسات في هالتخصص ..

،،،

معلومة يمكن كثير يجهلها ..

كثير من الكليات ، تبدأ نسبة القبول عندها من 4.99 .. ويبدأ القبول

وتبدأ النسبة تنزل شيئاً فشيئاً ،، وتنزل بمقدار قبول ( اربع او خمس طالبات )

وهكذا ، الييييييييين تمتلئ الكلية ،،

طبعاً ماتمتلئ الكلية .. يكتبون الرقم اللي أخر طالبة تم قبولها فيه

،

مثلا لو اخر طالبة في كلية الحاسب انقبلت ، لما وصلت النسبة 4.02

يصير يكتبون في الاودس ( أخر نسبة قُبلت في الكلية 4.02 )

ارجو انك فهمتي :)


،،،،،

ارجو انك تكوني فهمتي .. ولا تقلقي كثير .. ترى كلية الحاسب سهله مايبي لها ...

وانا متأكـــــــــــــــــــــد انك راح تدخليها :)

[sultanooh]

المشاركة الأصلية كتبت بواسطة رفيقي كتاب ربي آعذرني للمداخله لكن القبول ب الحاسب يحتاج معدل 4 ونصف وانت طالع . . كيف يقدرو يتخصصو في تخصص اكثر من معدلهم ..؟ . . كلامي مو تكذيب للي قلته .. بس يمكن لي امل ب هذي الكليه .. انتظر جوابك وكلي امل ..

انا اتكلم عن الاولاد

السنة اللي فاتت اللي معدله 3.5 دخل كلية الحاسبات بكل سهولة <<< اولاد موووووو بنات

[رفيقي كتاب ربي]

المشاركة الأصلية كتبت بواسطة سملّق :) رفيقي .. ترى في تباين كبير بين نسبة القبول عند الاولاد والبنات .. والسبب بسيط : الاولاد عندهم كلية الحاسب يعتبر ثالث او ربما يمكن يكون رابع أختيار للطالب بعد الصحيـة والهندسـة والصيدلـة ... الخ البنات : اذا ما انقبلت البنت في الكليات الصحية فراح يكون اختيار الحاسب عندها في هالحالة حتمي ولابد منه !! بسبب انها دخلت مسار علمي ( فماراح تتخصص في الادارة والاقتصاد مثلاً ) فهذا التخصص عند البنات يشكل ثاني أختيار لكل بنت ( فشلت في تحقيق طلبات الكليات الصحية ) عشان كذا نسبة القبول فيه مرتفعه ،، بسبب الاكتفاء من الكلية من الطالبات الدارسات في هالتخصص .. { لما سآلت م كان قصدي بـ اختلاف قبول البنات و الاولاد .. لان جامعتنا الرائعه تعرف م قصرت بهذا الشي المثير للأهتمام ..! وزي م قلت البنت اختيار الحاسب لابد منه وهذا الشي اللي مقلقني ...! والمشكله الوحده م يكون عندها اي خلفيه عنه وتنصدم وتضطر تكمل فيه وفي اانهايه تخرجها ب معدل م كانت تتوقعه :( } ،،، معلومة يمكن كثير يجهلها .. كثير من الكليات ، تبدأ نسبة القبول عندها من 4.99 .. ويبدأ القبول وتبدأ النسبة تنزل شيئاً فشيئاً ،، وتنزل بمقدار قبول ( اربع او خمس طالبات ) وهكذا ، الييييييييين تمتلئ الكلية ،، طبعاً ماتمتلئ الكلية .. يكتبون الرقم اللي أخر طالبة تم قبولها فيه ، مثلا لو اخر طالبة في كلية الحاسب انقبلت ، لما وصلت النسبة 4.02 يصير يكتبون في الاودس ( أخر نسبة قُبلت في الكلية 4.02 ) ارجو انك فهمتي :) {فاهمه كل هذا الكلام عمو وكان عندي مثال حي في بيتنا .. ^_^ وبجد شكراً} ،،،،، ارجو انك تكوني فهمتي .. ولا تقلقي كثير .. ترى كلية الحاسب سهله مايبي لها ... وانا متأكـــــــــــــــــــــد انك راح تدخليها :) متآكد .؟ :') ششكراً

بس الي انا كنت مستغربه منه .. هوا هل يمكن انه يكون معدلي تحت المعدل المطلوب ل التخصص وادخله .؟

بس الجواب طلع اذا م اكتفت الكليه ...
.
.
عن جد شكرآً سمــلق .. والله يوفقنا ويفتح على الجميع

[رفيقي كتاب ربي]

المشاركة الأصلية كتبت بواسطة sultanooh انا اتكلم عن الاولاد السنة اللي فاتت اللي معدله 3.5 دخل كلية الحاسبات بكل سهولة <<< اولاد موووووو بنات

{..آحيآنآ اتمنى اني ولدت ذكرآً..}

استغفر الله العظيم لذنبي ...

شكرآً اخي ..