كيفكم مع المذااااكره .. صبايا حياااااكم

[المحتشمة]

[
size="6"][/size]

مررررحبا صباااايااا

كيفكم مع المذاكررره وكيف وزعتووو الوقت..


كل وحده تقووول كم معها ماااده وشكثر ذاكرت نبي نتفااااعل علشان نشجع بعععععض لاني موووو بعادتي باقيلي كثير وحاسه ببرووووود ووودي اخااااف خخووفوووني خخخخ .. ادري الامووومه صععععبخ بس ولوووو لازم اشد حيلي...

عني انا ذاكرت ثقافه3 وصلت النص ووقفت بحكم انه اول يوم وبذاكره قبل الاختبار وختمت سلوك تنظيمي ونظرية تنظيم وهذاني اذاكر الخدمه المدنيه وواصله النص وباقي نظم معلومات والكاااااااارثه اللي مابلعته تنمية موارد بشريه..

يلاااا عاد انتم اسدحووووو وضعكم.....


وبحبكم كتييييييييير 

[المحتشمة]

استغفر الله واتوب اليه

[سلافة ^ــ^]

يا هلا والله

مع ان مستواك متقدم بس فيها بعض موادي

المذاكرة استغفر الله فيني برود مو طبيعي اول مرة احس بهالبرود

عندي سبع مواد ما ادري ايش اللي ضربني على عقلي يوم اخترتها واعتمدتها بس الله يعين

خلصت من 4 بس مو كاملة نص نص واشك انها مذاكرة تقدري تقولي قراءة

باقي نظرية التنظيم و ادارة الخدمة المدنية والقانون الاداري

بس دامك خلصتي نظرية التنظيم تعتقدين كم يوم تأخذ معي ومعلوماتها ثقيلة على القلب والا تعدي وبالنسبة للمذاكرة اعتمدتي على ملخصات والا الكتاب والا شرايح الاستاذة

[زينة بناتك يابلد]

حلو موضوعك ياعسل
عني انا شديت حيلي لين انقطعت من زود الشد
ياطويلة العمر ذاكرت لين زغللت عيوني
قلت يابنت دقي على خوياتك وشجعيهم
دقيت على اول فاهيه قالت لي يااااااااااااربي لاتغثيني للحين مامسكت شي ...قلت لاعاد ماذاكرتي قالت لا قلت يابروووووود قلبك
عاد قفلت والا البرود اللي فيها وصلني حسيت بالعدوة ماذاكرت شي من اربع ايام وكل يوم اقول بكرة وللحين انتظر متى هالبكر يجي ... إن شاء الله تجي الحين بكرة وينزل علي حماس ..وغزة ...وفلسطين ... بس اذاكر
موادي ياطويلة العمر عربي 2+قانون اداري +اخلاقيات عمل+رياضيات+نظرية تنظيم +محاسبه حكوميه
ذاكرت قاون ونظريه وصلت عند المداخل وقعدت افحط زي هالحبيب >>>

[مس عزوز]

فكره حلو عشان نحزم الامتعه من جديد لاني بردت ووقفت مذاكر واذا مسكت الكتاب نص ساعه واتركه وما اقدر امسكه طول اليوم
موادي هي كالتالي: انجليزي2 لسا مابديت فيه لانه اول يوم وراح ابد منتصف الاسبوع الجاي ان شالله / موازنة مالية وصلت للنص وقفلته/ ادارة محليه كمان للنص وقفلته/ بحوث العمليات تابعت المحاضرات وحليت تمارين مع الاستاذه وركنته / والان ماسكة تخطيط استراتيجي ما خلصت حتى ربعه / اما نظم معلومات حذفت ابوها من الجدول صعبه ويوم اختبارها مو مناسب وضغظ اعصاب

على فكره اول مره اخذ 5 مواد من ايام التحضيري دايما اخذ 6 مواد بس خايفه ع المعدل ينزل

بالتوفيق ياحلواااات

[المحتشمة]

[quote=سلافة ^ــ^;5625953]يا هلا والله

مع ان مستواك متقدم بس فيها بعض موادي

المذاكرة استغفر الله فيني برود مو طبيعي اول مرة احس بهالبرود

عندي سبع مواد ما ادري ايش اللي ضربني على عقلي يوم اخترتها واعتمدتها بس الله يعين

خلصت من 4 بس مو كاملة نص نص واشك انها مذاكرة تقدري تقولي قراءة

باقي نظرية التنظيم و ادارة الخدمة المدنية والقانون الاداري

بس دامك خلصتي نظرية التنظيم تعتقدين كم يوم تأخذ معي ومعلوماتها ثقيلة على القلب والا تعدي وبالنسبة للمذاكرة اعتمدتي على ملخصات والا الكتاب والا شرايح الاستاذة








ياهلاااااااابك .. صار فيه نفس حالتي كثيرررر
مايصيرررر كذا ماعاد باقي شي>> من يتكلم

وتقووولين ان موادنا متقاربه والسبب يوم جبت المحروس ولدي قللت المواد
بالمستوي الثالث من سبع الا اربع والثلاث الباقيه حاست ترتيب الخطه ولا كنت بمشي عليها

ومن ناحية نظرية التنظيم لاااا ماطولت يعني اعطي نفسي 4 ساعات باليوم وخلصت بثلاث ايام بس ماشديت حيلي مره لانهم علما وبنساهم وقت الاختبا. فبحفظ ع الفاضي بس عموما مهضومه الماده وقليله فيها محذوف كثير بس ماتحذفين ولاسطر كل شي مهم ومنه يجي سوال وعسى الله يووووووفقك ومشكووووووووره 

[المحتشمة]

زينة بناتك يابلد

ياهلااابك ياعسل فديت الناس اللي شادين حيلهم.. عاد عساه جاااء بكرا ذا وخليك بحماس وخلي غزه وفلسطين عنك :)
يلا حمسينا ورديلنااااا انك خلصتي تفحيط وختمتي بالمرررررره >>>> صادقه مررررا المداخل مهمه ومعلوماتها ومقارناتها كثير ،،

مس عزووووز يامرحبااااابك معنا ويلا الهممممه..
وليش توقفين عند النص كملي والله بتتعبين بيوووم الاختبار وماراح تلحقين ياشيخه لو قراءه مووو بلازم حفظ..
وبعدين ماااايصير كذا خوفتوووون من نظم معلومات>> فيس يبكي
ومووووفقه وتساااااهيل ان شاءالله..

[.. رحومه ..]

اممم 6 مواد وكل وحده أغث من الثانية
ذاكرت نظم معلومات و سياسة عامه
وحاليا أذاكر تطوير تنظيمي
أداره محليه تنسد نفسي لما أشوف شكله
وأساليب وطرق عمل ما مسكته أحسه مابياخذ وقت طويل في المذاكرة
ثقافة مخصصه له وقت قبل الاختبار لأنه أول يوم
الله يعين الوقت مررره قصير باالعاده اخصص أسبوع كامل لكل ماده
دلحين ما في وقت كل ماده بالكثير أربعه أيام لازم تكوني مخلصه
قبل فتره وأنا افرفر في المنتديات >> طبعا من زود الفضاوه اللي يشوفني يقول ماعليها اختبارات
قريت موضوع مررره روعه عن التحفيز للمذاكره وحبيت انقله لكم عشان تتحمسون للمذاكره

كثير مننا يبي يحفز نفسه على المذاكرة
وكلنا نبي ناخذ درجات كاملة
وكلنا نبي ننجح
اليوم حبيت أساعدكم على المذاكرة
بإذن الله تلقون نتايجها سريعة
بس يبي لكم تتبعون هالنقاط الي بقولها لكم
يالله نبدأ مع بعض
تحديد مستوى المذاكره[ يعني نقول بنذاكر من الصفحة الأولى إلى 100 ] .
نحدد هدفنا من المذاكرة ، [ مثلاً هدفي : اخذ درجه كاملة ، ارفع راس اهلي ، الأجر والثواب ] وهكذا .
بعد تحديد الاهداف
نكتب الأهداف، [ فيه دراسه تقول انهم سووا دراسه على عدد من الناس الي يقولون بنسوي بدون لايكتبون وصارت نسبة انجازاتهم الي انجزوها 30% وسووها على ناس يكتبون الي يبون يسوونه وصارت نسبة الإنجاز 90% بالمية ]
خلونا تكتبها بخط عريض كبييييير بورقه او بأي مكان اهم شي نشوفه كل شوي .
بعد مانكتب اهدافنا
نتخيل تحقيق الآهداف ، [ مثل نقول : انا اختبرت وحليت كل شي واخذت الدرجه الكامله] ، لأن الدماغ سبحان الله يستوعب اكثر الاشياء من التخيل ويحولها لواقع .
بعد ما نتخيل
>>>
نبعد أي تفكير سلبي ، [ لا تقول أنا ما اعرف أنا ما اقدر أنا لو ايش مااراح افهم هالمسأله وانا وانا ]<<كل هذي الاشيااء نشيلها من تفكيرنا ، مانبي اي شي سلبي ، خلونا نقول حنا نقدر وحنا نعرف وراح نفهم بإذن الله .
بعدها
الثقه بالله ، [ نقول: ربي معي حتى لو ماحليت كل شي مكتوب وكل شي خيره لي اكييييييييييييد ] وثقوا ثقه تامه انه دامك مع ربي بيصير لك كل خير .
نصفي أذهاننا ، [ يعني لاتفكر بأي شي وقت المذاكره خل راسك كله مع المذاكرة ، كل مافكرت شل هالتفكير وركز مع المذاكرة ]لأنك اذا ما فكرت بشي ، وركزت ترا بسرعه بتقضي وبسرعه تستوعب الي انت تقراه
بعدها
>>>>
نفكر بالنتائج والثمار الي ناتجه من الي قاعدين نذاكره ، [ بأستفيد منه عقب ؟ بينفعني ؟ بيعلمني الشعر مثلا؟بيعلمني المفردات ؟ ] فكر بكل الثمرات الي حاصله من مذاكرتك للمادة .
بعد مانفكر بالنتائج والثمار
>>>>
نركز ، [ خل كل تركيزك يسار الكتاب يعني نظرك يسار ومكان الكتاب يسار ] لأن سبحان الله الجزء الأيسر في المخ أدق من الأيمن ، ( الأيسر يستوعب الجزئيات والأيمن يستوعب الكليّات ) .
بعدها
التصوير ، [ يعني نقرأ الكتاب وكأننا قاعدين نصور الحروف في أذهاننا ] .
بعد مانصور
>>>>
النفس العميق ، [ دخل كميه من الأكسجين ، ويكون النفس بشفط بطنك ] لأن الدماغ سبحان الله يتقوى مع الأكسجين .
بعدها
التكرار ، [ نكرر الكلام الينقراه ثلاث مرات ] .
وبعد مانكرر
نربط ، [ يعني انك مثلاً تربط بين هالجمله والثانية ، مثلا هذي تنتهي بحرف الراء والي بعدها تبدأ بحرف الراء وكذا ، او مثلا ترسم ، يعني زي اذكر مره عندنا حفظ علماء كثيره مره وحفظها يبي له شوي ،
المذهب كان الحنفيه ويندرج تحته كم اسم جيت ورسمت حنفيه [صنبور] وكتبت اسامي الكتب حقتهم وكذا وحفظظظته بسرعه ، وهالطريه استخدموها كثير لأنها اسرع طريقة لحفظ الأسامي والأرقام .]
وعقب ما نخلص مذاكرة
التثبيت والمراجعة ، [ بعد المذاكرة خذ لك فتره وارجع راجع المنهج ، لأن مايثبّت المذاكره الا المراجعه ] .
واهم نقطه
التوكل على الله ، [ لاتقول اني ذاكرت ولانيب حال وغيرها ، توكل على الله في كل كبيره وصغيره وانه ماراح يخذلك ولا راح يضيع تعبك واذا صار لك شي فهو مقدّر لك وخيره اختارها لك الله ] .
الدعاء ، [ صل لك ركعتين واختمها بوتر وادع ربك فيها انه يثبت حفظك ويسهل عليك الأختبار وتحل زين وادع للمسلمين معك ،
عن أبي الدرداء رضي الله عنه أنه سمع رسول الله صلى الله عليه وسلم يقول:
"ما من عبد مسلم يدعو لأخيه بظهر الغيب إلا قال الملك: ولك بمثل" أخرجه مسلم .]
الأستغفار ، [ كثر من الاستغفار وانت بالطريق للأختبار وبكل وقت استغفر وبإذن الله تلقاها مفتوحه بوجهك ] وأسألوا مجرب الاستغفار شي عجيب وربي عجيب عجيب ، عمري ماشفت زي مفعوله وأثره على حياتي

دمتم بود

[تغاريد]

صباحك خيرر

انا شاده حيلي بس كلام كل يوم احفز نفسي

لحد مامسكت نظام سياسي وان شاء الله اختمه وابدا بادارة محلية

لكن مشكلتي لا جيت بذاكر يصيبني جوووع رهيب

رايحه جاية ع المطبخ يومي يروح وانا ماخلصت :(


الله يوفقنا ويسهلنا ..

[ليونه الاموره]

اللي ختمو نظرية التنظيم كيف الماده سهله ولا صعبه