كأنك يابو زيد ماغزيت

[نبض الشوق]

فرحنا بالتخرج والله يستر
جهة العمل يقولون ما عندنا وظائف "المرتبة السادسه" روح قدم على الديوان
ابي اكمل ماستر بجامعة نايف قالوا الترشيح انتهى انتظر لشهر 6 العام القادم
جامعة المؤسس اقل من3.25 مافية ولازم تتجاوز التوفل واختبار القدرات
خارج المملكة تكاليف باهضة والعمل مايسمح كذلك ظروفي العائليه
اعطوني ارائكم اخواني واخواتي لو سمحتم

[Quick Fix]

طيب الجامعه العربية المفتوحه .؟

[نبض الشوق]

المشاركة الأصلية كتبت بواسطة quick fix طيب الجامعه العربية المفتوحه .؟

تمزح ولا من جد وين هالجامعة وهل هي معتمدة وشروط القبول فيها لو سمحت

[طـــالـــب]

يا اخي التعليم العالي قدم عليهم يسون لك ابتعاث داخلي حتى لو انك موظف حكومي

[Quick Fix]

المشاركة الأصلية كتبت بواسطة نبض الشوق تمزح ولا من جد وين هالجامعة وهل هي معتمدة وشروط القبول فيها لو سمحت

لها فرع بالرياض قريب من جامعه الامام

صاحبها طلال بن عبدالعزيز ورسومها رمزيه

وهذا رابط موقعهم فرع السعودية

http://www.arabou.edu.kw/index.php?o...id=421&lang=ar

[مجنون العالمي10]

المشاركة الأصلية كتبت بواسطة طـــالـــب يا اخي التعليم العالي قدم عليهم يسون لك ابتعاث داخلي حتى لو انك موظف حكومي

هل تقصد يفرغوني من العمل....ياليت توضح

[control]

صلي على رسول الله ،،،

شوف اخوي بإذن الله ما فيه شي يروح خسارة وربي بيعوضك أقترح عليك اخوي تدخل لموقع التعليم العالي وتشوف الجامعات المعتمدة لديهم من الجامعات اللي برى السعودية وابحث عن الجامعات هذي وشوف اللي يصلح لك منها وفي مجال تخصصك وتجلس وتمسك لك ورقة وقلم واحسب كم راح يكفيك وكم راح تكلفك وكم وكم واستخير واستشير وإسأل الله الخيرة في أمرك كله ،،،

لا يجي في بالك والله أنا درست خسارة وضيعت مجهودي وراحت سنين من عمرى هباء ،،،،

أحسن الظن بربك ولا يمكن ان تكون الشهادة خسار للإنسان ،،، أقلها شرف حصولك على المؤهل ،،،

وموفق يالغالي ،،،